Isaia 61:6 - Buki Tabu Lowaenei 1919

⁶ Ta si da eesemi Ieoba ‘ina to tariao: tai si da eesemi ‘ida Eaubada ‘ina to‐guinuao: ‘ebeloinao ‘idi gwegwe wa da ‘e‘ai, ta ‘idi esaesa ‘enega wa da tupumi taumi.

Isaia 61:6 Kruisverwysings

Si Apwesa 19:6

Ta wa da e‘ebeloina totariao ‘eguia, ta ‘asa tabu. Gete ona nidi ‘u da oneone Iseraela tubunao ‘edia.

Isaia 66:21

Ta ‘ediega wate ia da ‘ewedi to taria manudi ta me Lebi manudi, Ieoba ‘i gwae.

Isaia 66:12

Gete nadigega Ieoba ‘i gwae ta ‘enega, Wa ‘ita, guguia ia da ginao ‘enaia ‘atua boasi‘awana, ta ‘ebeloinao ‘idi esaesa boasi‘awana ‘i maa‘apu‘apu ‘atua, ta ‘enega wa da esusu; si da sumwagidimi, ta si da giesuiasuiami ‘aetubwe ‘edia.

Isaia 23:18

Ta ‘ina gwegwe ta ‘ina ‘ebee‘isa si da iaruiarua‐‘esasena Ieoba ‘enaia; gea‘abo si da egogona nai si da sa‘u kwaia; ‘ina gwegwe ‘i da taudi Ieoba matanaia si miami manudi, be ‘adi e‘ai ‘i da sawesawedia, ta ‘adi ‘oama mia ‘amana manuna.

Isaia 56:6

Wate to‘u‘umara, taudi Ieoba ‘ena si miami, sabi guinua ‘enaia, ta sabi nuanuana sinabwana Ieoba ‘ana esana, be si da ‘ina to‐guinuao, ‘e bweuna ‘e bweuna sabate si ‘ita‘i‘isi ta nigea si li‘oena, ta ‘igu ona‘upa‘upa ‘enega si giiai:

Isaia 54:3

‘U da sasaila ‘ataimuiega ta gegeumiioega ta ‘enega; ta tubumuao ‘ebeloinao si da ‘ewedi, ta ‘asa waborebore tomota ‘edia si da sa‘u.