Iona 1:6 - Buki Tabu Lowaenei 1919

⁶ Ga kapiteni ‘ena ‘i mai, ta ‘i eonena, ‘Oio to ‘eno‘eno, To‘ase ‘u nuena? ‘u da tooro, ‘imu Eaubada ‘ena ‘u da bwau, nai Eaubada ‘i da nuanua manuda, be ‘enega gea‘abo ta da saosaoora.

Iona 1:6 Kruisverwysings

Esiteri 4:16

‘U ta tauia, ta me Iuda iauiaudi Susa ‘ena si miami ‘u da agogodi, ta manugu wa da edidigura, ta asiata ‘etoi gea‘abo wa da ‘e‘ai nai wa da numanuma, boiboi nai asiata: ‘abo‘agu wate ta ‘igu gomagweineao ‘a da ‘edidigura nadigega; ta nadigega king ‘enaia ia da rugu, nate nigea loina ‘atua: ta ‘abo ia mwawasaia, ia mwawasa.

Salamo 107:6

Ga si bwau ‘idi loniu ‘ena Ieoba ‘enaia, Ta ‘idi ‘elo‘uia ‘ediega i ‘etoseedi.

Salamo 78:34

‘Ena ‘i unudi, ga si ‘enaidena: Ta si ‘ila ta Eaubada si ‘ebesa manini‘ena.

Isaia 3:15

To‘ase ‘imi nuanua ‘igu tomota wa e‘upwe‘upwedi ta gomabeso maninidi wa dai? ‘Inapwana, Bodao ‘idi Ieoba, ‘i gwae.

Iona 3:8

Ta si da bwasa ‘oama koausega, tomota ta iobai ruarua, ta Eaubada ‘ena si da bwau toila: tamo, ‘e bweuna ‘e bweuna ‘ina bubuna to‘umalinega ‘i da sana‘ila, ta bubuna didiga si giiaina ‘enega.

Iona 3:9

Iaita ‘i mwaratoni nai Eaubada ‘i da sana‘ila ta ‘i da nuaebuni, ta ‘ina gamwasoara didiga ‘enega ‘i da sana‘ilama, be ‘enega gea‘abo ta da saosaoora?