Yoni 17:3 - Loina Tabu Auwauna NT

³ Ta yawasi ataya gete 'abo tomota simwalatoniyo 'aene 'oyo tuga tebweuyo Yaubada 'ai'aila, be wate 'abo To'etoseyana nigu simwalatonigu 'aene 'oyo 'uetuneguma.

Yoni 17:3 Kruisverwysings

Maki 9:37

'igwae, “'Eguma yaita 'oyo gwama gete nadigega 'uobobome manugu, nate 'abo'agu wate 'uobobomegu, ta nigeya 'aene taugumo 'uobobomegu, ta wate 'agu toetune Yaubada ma'iyagu 'uobobomema.”

Luke 9:48

“Gwama gete wa'ita. 'Abo yaita 'oyo gwama gete nadigega manugu 'uobobome, 'oyo nate ni'atu 'uobobomegu, ta wate 'agu Toetune nina ni'atu 'uobobomena. 'Enega 'abo yaita 'emiyega 'ana esana nigeya sinabwana tauna 'iloetana sinemi.”

Yoni 10:36

'Enega to'ase 'alena tuta nina yagwae, 'aene 'abo'agu Yaubada natuna, ga 'igu ona nina manuna wanuwena 'aene ona oopa'ala? Ta 'abo'agu 'iesinuwegu ta 'ietuneguma ga bale'uya yamai be 'ina guinuwa yada guinuwei.

Yoni 11:42

Ni'atu yamwalatonimu 'aene tuta yauna 'igu sida 'unonodi, ta gete tugai yasidasidawa tomota getedi manudi, 'enega 'imu waiwai sida 'ita be sida emisa 'ai'aila 'aene 'oyo 'uetuneguma.”

Yoni 14:26

be ma'etamo tolema nina, 'agu esanega Yaubada 'ida etunenama, nate Yaluyaluwa Tabuna, tauna yage yauyauna 'ida e'itami, ta wate ona nidi maibo'adi yaonaedi 'ida gienuwa'i'isimi.”

Yoni 17:18

“Nadigega tuga 'oyo 'uetuneguma me bale'u 'ediya 'abo'agu wate nadigega yaetunedi me bale'u 'ediya.

Yoni 17:21

Yasida 'emuya be 'aene maibo'adi sida e'ebweu 'edaya, nadigega 'oyo be 'abo'agu 'ebweuna tuga, be 'enega me bale'u sida emisegu 'aene 'oyo 'uetuneguma.

Yoni 17:23

Ta 'abo'agu 'ediya yamiyami. 'Oyo wate 'eguya 'umiyami, be gete 'enega sida e'ebweu 'ai'aila. Be wate gete 'enega me bale'u sida mwalatonigu 'aene 'oyo 'uetuneguma, be wate sida mwalatoniyo 'aene 'oyo 'uobobomedi taudi, tuga nadigega 'abo'agu 'uobobomegu.

Yoni 17:25

“Tamagu ye, 'oyo palupaluyo, me bale'u nigeya simwalamwalatoniyo, ta esi 'abo'agu yamwalatonimu. Ta wate tomotai nidi getedi ni'atu simwalatonimu 'aene 'oyo 'uetuneguma.

Yoni 17:8

Manuna ona nina 'u'ebwa'eguya ni'atu yae'itedi ta 'atediya sisa'una, 'enega simwalatoi 'ai'ailiguya 'aene 'oyo 'emuyega yamai, ta wate siemiseguya 'aene 'oyo 'uetuneguma.

Yoni 3:17

Ta Yaubada Natuna bale'uya 'ietunenama, nigeya 'aene tomiya bale'u 'ida bwa'omatadi, ta esi sabi 'etoseyedi.

Yoni 3:34

Tai nina tauna Yaubada 'ietunenama, tauna Yaubada 'ina ona 'isimasimane, manuna Yaubada Yaluyaluwanega 'iloemaa 'ai'ailina.

Yoni 5:44

“'Omi nuwanuwami be taumi 'emiyega 'ami tupu wada nonodi, ta esi 'ami tupu Yaubada 'enega waguitoyasena. Nate 'alena nigeya kapekapeyana be waemisegu.

Yoni 6:57

“Tamagu tauna miyamiya atayana 'ietuneguma ga tauna tuta yauyauna 'enega yawasigu ya'ewa'ewa. 'Abo'agu wate nadigega 'eguma yaita 'i'enigu, tauna wate yawasina 'eguyega 'ida 'ewa'ewa.

Yoni 7:29

Ta 'abo'agu yamwalatonina, manuna tauna 'ietuneguma ga 'enega yamai.”

Yoni 8:19

'Enega sienaidena, sigwae, “Mwa'o Tamayo?” Ga Yesu 'igwae, “Nigeya wamwalamwalatonigu, ta Tamagu wate nigeya wamwalamwalatoni. Ta 'omi 'eguma wamwalatonigu, 'enega Tamagu wate wamwalatoni.”

1 Kolinita 15:34

Nai 'aimi Yaubada waemwagemwageyena. Gete 'ebe omayamaya 'emiya, 'enega 'ilobwenemi be wada sinasinapu, be 'enega 'imi bubuna to'umalina wada losa'udi.

1 Kolinita 8:4

'Enega mwa'adega masula nina tomota si'ebwa'ebwaya 'idi 'ebe emisa kabokaboyao 'ediya? 'Ebe bwagobwago kabokaboyao getedi nigeya 'ebe emisa 'ai'aila, manuna Yaubada namo tebweuna 'imiyami, ta mali 'ebe emisao yage besobeso tuga.

2 Kolinita 4:6

Manuna Yaubada nina 'igwae, “Guguyoi 'ena maedana 'ida sae,” be Yaubada 'atemaya 'isaesae, 'enega tauna 'ina maedana Keliso manininaya 'a'ita'ita.

Pilipai 3:10

Nuwanuwagu wate Keliso yada mwalatoni be 'ina toololimana 'ana waiwai yada lotoo, be 'ina 'elouya wate tauna nadigega yada lotoodi, nai 'ina mwawasa yada etotowane,

Pilipai 3:8

Ona'ai'aila, 'igu 'Inapwana Yesu Keliso 'ana mwalatoi bobo'ana wawasae, ga esaesa bale'u 'ibobo'ana sinedi, 'enega esaesao nidi ya'awa yage besobesoedi, ga Keliso nina manuna yage maibo'adi yaloseyedi ga ya'awa to'umaliyedi, manuna nuwanuwagu Keliso namo,

1 Tesalonaika 1:9

manuna taudi 'emaya siemwaemwasala 'imi tagwala lowa 'emaya manuna, 'aene 'imi 'ebe emisa kadekadelidi waguitoyasedi ga 'enega Yaubada 'ena watagwalemi, manuna taunamo Yaubada 'ai'aila ta mayawasina, 'enega tauna manuna waguiguinuwa,

2 Tesalonaika 1:8

ta taudi 'ida 'Inapwana Yesu Keliso tetelina siguitoyasena, ga Yaubada siemwagemwageyena, 'adi e'isa mwauna 'ida 'ebwa'edi.

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

2 Pita 1:2

'Enega Yaubada be 'ida 'Inapwana Yesu 'adi mwalatoi 'enega, oboboma 'ai'aila be gwausowala 'emiya sida siwa.

2 Pita 1:3

Yaubada nina 'ina waiwaiyega 'ilemeda ga 'iobobomeda, ta yage yauna yawasida be 'ida bubuna 'esasena manudi 'i'ebwa'eda. Manuna tauna tamwalatonina 'aene 'iesinuweda be 'ina esaesa ta 'ina bubuna palupaluna 'i'ebwa'eda.

2 Pita 1:8

'Enega 'eguma yage nidi 'emiya sisinasinabwa 'ai'aila, 'ida 'Inapwana Yesu Keliso 'ana mwalatoi 'enaya waewaiwai, ta geya'abo 'imi paisewa simudamudala.

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

1 Yoni 2:23

'Enega 'eguma yaita 'oyo Yaubada Natuna 'uguitoyasena, nigeya Yaubada ma'iyayo wamiyami. Ta esi 'eguma 'utagwaleyo Natuna 'enaya, tauna be Tamana ma'emwao wamiyami.

1 Yoni 4:6

Ta 'abo'ada esi Yaubada 'enega tatubuwama, 'enega 'abo yaisigedi taudi Yaubada 'ana tomwalatoiyao 'enada sinonona, ta taudi nigeya Yaubada simwalamwalatoni 'enada geya'abo sinonona. 'Enega tamwalatonina 'aene yaluyaluwa kabokabona 'ediya 'imiyami, manuna 'eguma yaluyaluwa 'ai'aila 'ediya 'imiyami 'enada sida nono.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.