Yoni 12:27 - Loina Tabu Auwauna NT

²⁷ “Tuta gete 'enaya nuwagu 'imwau sinabwana, 'enega mwa'adega yasida'esa? Nai Tamagu 'ena yasisida, be tuta mwau gete 'ena 'i'etoseyegu? Nai geya'abo nadigega yasidasida'esa, manuna mwau nina tauna manuna yamai.

Yoni 12:27 Kruisverwysings

Yoni 12:23

'Enega Yesu me Gilisi 'idi ona 'ie'isena, ga 'igwae, “'Abo'agu Tomota Natuna, ta ni'atu tuta 'imai saba be 'enega 'agu tupu yaloba.”

Ibeliu 5:7

Lowa Yesu bale'uya 'imiyami, ma ina dedoi 'isidasida Tamana 'ena, be nuwanuwana mwawasega 'i'etoseye, 'enega 'i'etoseyenaya manuna Yesu Tamana 'i'amayabena.

Yoni 13:21

Ta ni'atu Yesu yage nidi getedi 'ionaedi ga nuwana 'imwau sinabwana, 'enega 'ina tononoyao 'ediya 'isimana apwesa ga 'igwae, “Yaona 'ai'aila 'emiya 'aene 'ebweu 'emiyega ma'etamo 'ida sipupuyegu.”

Madiu 26:42

'Enega Yesu 'ilaga limana ga 'isidasida, 'igwae, “Tamagu, keiga gete geya nuwagu be 'enega yanunuma, ta 'abo 'imu nuwena nadigega, ta nigeya 'ebweu wate 'eda 'imiyami, bobo'ana yanunuma tuga.”

Ibeliu 2:14

Ona'ai'aila, Yesu 'ina gogamao 'abo'ada tomota maesiyoda be malalada, 'enega Yesu wate 'ietomotai ga tomota oona 'i'ewena ga 'imwawasa, be 'aene 'ina mwawasega Seitani 'iloesawali, be Seitani 'ina loina mwawasa manuna wate 'iloesawali.

Luke 22:44

ta nuwana 'imwau wawasae, 'enega 'isida waiwai ga 'ana amweyai sipesupesu bale'uya, 'atuwa nadigega lala 'idaudau.

Yoni 18:37

'Enega Pailato 'ienaidena, 'igwae, “'Aene 'oyo 'ebweu kini, aga?” Ta Yesu 'igwae, “'Oyo 'uona 'aene 'abo'agu 'ebweu kini, aga? Ta 'abo'agu tuga yatubuwa ga yamai bale'uya be 'aene yada etosimana ona palupaluna manuna, ta 'abo yaisigedi taudi ona palupaluna 'ina sena 'ena simiyami, taudi nate 'enagu 'ana tononoyao.”

Luke 22:53

Ta to'ase 'alena ga 'enega nigeya wagiyagiyaigu 'asiyata nidi yaudi gamwagamwanimiya yamiyami Anuwa Tabu solanaya, ta yae'ie'ita tomota 'ediya? Ga gete tuga 'aene watoo be wagiyaigu manuna loina guguyoi 'ina tuta ni'atu 'imai saba.”

1 Timoti 1:15

Ona gete ona 'ai'aila, ta 'ilobwenena be taemise, manuna Yesu Keliso ni'atu bale'uya 'imai toto'umalidi sabi 'etoseyedi, ta toto'umalidi maibo'adi 'ediyega 'abo'agu toto'umali wawasae.

Yoni 11:41

'Enega gulewa nina si'ewa yaulena ga Yesu 'i'itatu'e ga 'igwae, “Tamagu, kagutoki sinabwana, manuna tuta gete 'enaya 'unonogu.

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Madiu 11:26

Ona'ai'aila Tamagu, 'imu nuwanuwa gete bobo'ana.”

Madiu 26:45

Ta 'iila limanama ga 'ina tononoyao 'ilowanowanodi, ga 'igwae, “Mwa'adega, ma'etamo wa'eno'eno ta waeyaeyawai'ata, aga? Ta wa'ita 'abo'agu Tomota Natuna 'igu tuta ni'atu 'iapwesa be sida sipupuyegu toto'umalidi 'ediya.