Yoni 1:3 - Loina Tabu Auwauna NT

³ ta Ona nina, tauna Keliso, Yaubada ma'iyana yage maibo'adi simweluluidi, ta nigeya 'ebweu wate yaita tomweluluwa, ta Ona nina tuga.

Yoni 1:3 Kruisverwysings

Yoni 1:10

Tauna ni'atu 'imai bale'uya ga bale'uya 'imiyami, ta tauna tuga bale'u 'ana tomweluluwa, ta tomiya bale'u nigeya simwalamwalatoni yaita tauna.

Yoni 1:2

Tuta nina 'ana 'ebe e'ale 'enaya, Ona nina Yaubada ma'iyana simiyami,

1 Kolinita 8:6

Ta 'abo'ada Yaubada taemise 'aene Tamada nina, ta tebweuna namo, ga yage maibo'adi 'ibubudi, ta wate 'abo'ada 'ibubuda, tauna manuna. Ta wate 'ida 'Inapwana taemisena 'aene tebweuna namo, Yesu Keliso, ta Keliso nina 'enega 'abo'ada Yaubada 'ibubuda, ta wate yage maibo'adi 'ibubudi.

Epeso 3:9

be wate tomota maibo'adi sida mwalatoni 'aene Yaubada tauna yage maibo'adi 'adi tomweluluwa, ta tuta dudulana 'ediya 'ina nuwanuwa 'ikwaiyena, ga ni'atu 'igieapwesena,

Ibeliu 11:3

'Abo'ada wate 'ida emisa 'enega tamwalamwalatoni 'aene Yaubada 'ina ona 'enega bale'u maibo'ana 'imweluluina, 'aene yage nidi nigeya tada 'itedi 'ediyega yage nidi ta'ita'itadi 'imweluluidi.

1 Yoni 5:1

'Eguma maibo'ada Yesu taemise 'aene tauna To'etoseyana, 'abo'ada Yaubada natunao. Ta wate 'eguma Tamana taobobome, natunao nadigega taobobomedi.

E'ita'ita 3:14

Anilose nina totapwaloloyao Laodisia 'ena 'i'ita'ita'i'isidi, 'ina leta 'uda 'etoladi Me Laodisia nidi manudi, be 'uda gwae: Ale gete 'imai Topalupaluna 'enega, tauna Tosimana 'ai'aila, ta wate tauna Yaubada 'ina mweluluwa 'aledi, 'ina simana 'emiya 'igwae:

E'ita'ita 4:11

“'Oyo 'ima 'Inapwana ta 'ima Yaubada, 'ilobwenema be 'atupuyo ta 'a'amayabeyo, manuna 'oyo 'imu waiwaiyega yage yauyauna 'umweluluidi. Tauyo 'imu nuwenuwega 'umweluluidi, ga batuwa mayawasidi.”