Yoni 1:1 - Loina Tabu Auwauna NT

¹ Tuta 'ana 'ebe e'ale 'unuya Ona 'imiyami. Ta Ona nina tauna Keliso, Yaubada ma'iyana, ta tauna Yaubada nina.

Yoni 1:1 Kruisverwysings

Madiu 1:23

“Gomagweine nuwenuwebolana 'ida 'euwana be natuna me'olotona 'ienatune, ta 'ana esana sida eese Imanueli.” (Ta esana nina 'ana gibui “Yaubada ma'edai.”)

Luke 24:53

Siila ga Anuwa Tabu solanaya tuta yauyauna Yaubada situputupu.

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 1:18

Nigeya 'ebweu tuta Yaubada 'ana 'ita tomota sida 'itena, nate namo natu'ai'ailina selabenaya 'imiyami, 'enega tauna Tamana 'ana 'ita nina ni'atu 'ie'iteda.

Yoni 1:2

Tuta nina 'ana 'ebe e'ale 'enaya, Ona nina Yaubada ma'iyana simiyami,

Yoni 16:28

'Abo'agu Tamagu 'enega yamai ga bale'uya yamiyami, 'enega gete tuga bale'u yapilipilisine ta yailaila Tamagu 'ena.”

Yoni 17:5

Tamagu ye, gete tuga matamuya 'agu esana 'uda gitu'eye, nadigega tuga lowa 'oyo be 'abo'agu 'ida esaesa nina 'ena tamiyami, ga muliyega bale'u tamweluluina.

Yoni 20:28

'Enega Tomasi 'igwae, “'Oyo 'igu 'Inapwana ta 'igu Yaubada.”

Yoni 8:58

Ga gote 'inapwanao nidi 'ieonedi, 'igwae, “Yaona 'ai'aila 'emiya, 'aene muliyega be Ebelaamo 'itutubuwa ta 'abo'agu tuga yamiyami.”

Loma 9:5

gimi 'inapwanao 'ediya, taudi nadigega Ebelaamo be, Aisake be, Yekobe be, ga muliyega 'idi boda nina 'enega Keliso 'iapwesa. Be yage gete manudi Yaubada tauna Toloetana sana tada tupuna tuta maibo'ana 'ediya. Eimeni.

Epeso 3:9

be wate tomota maibo'adi sida mwalatoni 'aene Yaubada tauna yage maibo'adi 'adi tomweluluwa, ta tuta dudulana 'ediya 'ina nuwanuwa 'ikwaiyena, ga ni'atu 'igieapwesena,

Pilipai 2:6

Yesu nina Yaubada, ta geya nuwana be 'ietoloina,

Kolose 1:15

'Abo'ada nigeya sawesawenaya Yaubada ta'ita, ta esi 'ana 'ita tuga Natunana nadigega, ta Yaubada 'ina mweluluwa maibo'adi Natunana 'iloetana sinedi,

Kolose 1:17

Ta lowaenei muliyega be mwelumweluluwao siapwesa, Natuna nugana 'imiyami, ta tauna 'ina waiwaiyega yage maibo'adi simiya'ai'aila ta sipaipaisewa.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

Taito 2:13

Gete tuga ma ida gwausowala 'ada To'etoseyana Yesu Keliso taemisena, tauna 'ida Yaubada waiwaina ta ma ina esaesa, 'enega 'ina apwesama manuna tayamwayamwa.

Ibeliu 13:8

Yesu Keliso 'ina bubuna 'enega lowaenei ga batuwa be tuta 'imeemai 'ediya nigeya 'ida giedumedumena.

Ibeliu 7:3

Ta Melikisedeki nina nigeya tamanamo ta nigeya sinanamo, ta wate nigeya 'ina susumo, ta 'ina tubuwa be 'ina mwawasa nigeya 'adi mwalatoimo, ta esi 'atuwa nadigega Yaubada natuna 'ietotaliya ataya Yaubada 'enaya.

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

1 Yoni 5:7

Manuna Yesu 'ana tosimanao 'etoi simiyami,

E'ita'ita 1:11

“Yage nidi ma'etamo 'u'itadi manudi 'uda 'etoladidi, be 'enega buki nina 'uda etune Ekalesiyao sebeni 'ediya, nate Epeso be Simulina be Peligamo be Tayataila be Salidisa be Piladelipia be Laodisia wate 'enaya.”

E'ita'ita 1:17

Ya'itena ga 'aenaya yabe'u 'atuwa nadigega yamwawasa. 'Enega nima 'ataina 'eguya 'isa'una, ga 'iona, “Geya'abo 'umatamatauta, manuna 'abo'agu 'ebe e'ale be 'ebe losalowa,

E'ita'ita 1:2

'Enega Yoni yage nidi ni'atu 'i'itedi maibo'adi, ga 'isimana apwesena, nate Yaubada 'ina ona, ta wate Yesu Keliso tetelina.

E'ita'ita 1:8

'Ida 'Inapwana 'igwae, “'Abo'agu 'ebe e'ale be 'ebe losalowa.” Tauna Yaubada nina Toewaiwai sana, ta lowaenei ga batuwa ta tuta simeemai 'ediya 'imiyami.

E'ita'ita 19:13

Ta 'ana 'oama nina 'i'otenaya, lala 'enega 'iepwasena, ta 'ana esana sieesena, sigwae, “Yaubada 'ina Ona.”

E'ita'ita 2:8

Anilose nina totapwaloloyao Simulina 'ena 'i'ita'ita'i'isidi 'ina leta 'uda 'etoladi me Simulina nidi manudi be 'uda gwae: Ale gete 'imai tauna 'ebe e'ale be 'ebe losalowa 'enega, tauna ni'atu 'imwawasa ta 'itoolo limana ga mayawasina 'imiyami. Tauna gete 'ina simana 'emiya 'igwae:

E'ita'ita 21:6

Ta wate 'ieonegu 'igwae, “Ni'atu! 'Abo'agu tuga 'ebe e'ale be 'ebe losalowa, ta 'abo yaisigedi taudi tona'adi siyapasa bwasi bobo'ana yada 'ebwaya daisidi yawasidi manuna.

E'ita'ita 22:13

manuna 'abo'agu 'ebe nugana ta 'ebe muliya, nai 'ebe e'ale ta 'ebe losalowa.”

E'ita'ita 3:14

Anilose nina totapwaloloyao Laodisia 'ena 'i'ita'ita'i'isidi, 'ina leta 'uda 'etoladi Me Laodisia nidi manudi, be 'uda gwae: Ale gete 'imai Topalupaluna 'enega, tauna Tosimana 'ai'aila, ta wate tauna Yaubada 'ina mweluluwa 'aledi, 'ina simana 'emiya 'igwae: