Yemesa 4:3 - Loina Tabu Auwauna NT

³ Ta 'abo wasidasida manudi, ta nigeya 'adi e'isa wada lobedi, 'alena gete 'imi sidasida nina nigeya bobo'ana, ta 'aene yage nidi manudi wasidasida nate taumimo 'imi gwausowala manuna.

Yemesa 4:3 Kruisverwysings

Madiu 20:22

'Enega Yesu tai nidi 'ieonedi, “'Omi 'imi sida gete 'ana mwalatoi nigeya wamwalamwalatoni. Mwa'adega, 'elouya keigana 'enega yanunuma kapekapeyana be 'omi wate 'enega wanunuma?” Ta sigwae, “Sawesawemaya.”

Maki 10:38

Ta Yesu 'ieonedi, 'igwae, “'Omi 'imi sida gete 'ana mwalatoi nigeya wamwalamwalatoni. Mwa'adega 'elouya keigana 'enega yanunuma, kapekapeyana be 'omi wate 'enega wanunuma? Ta wate bapitaiso mwauna nina ma'etamo yaloba, mwa'adega 'omi wate nadigega sawesawemiya be wada bapitaiso'esa?”

Luke 11:10

Ona'ai'aila 'eguma tasisida, Yaubada 'i'ebwaya 'edaya, be 'eguma ta'ebesa ma'etamo taloloba, be wate 'eguma ta'aukeke 'enega 'ali 'ida gigege.

Luke 15:13

'Enega 'asiyata 'aina sigumwala ga megwamana nina 'ina gwegwe 'iegimwaneyedi, ga 'ana e'isa mani 'i'ewena, 'enega sena nina 'ipilisinena, ga sena 'edasolaya 'itauya ga nada gwausowala besobesoega 'ina mani 'iloegumwalina.

Luke 15:30

Ta natumuna gete 'imu gwegwe maibo'ana 'imudalidi tosogala 'ediya, ta to'ase manuna 'uobobomena, ga bulumakau mwaneyauna ta momonanina 'uununa manuna?’

Yemesa 4:1

Mwa'adega ga losaiya be egewagewana siapweapwesa 'emiya? Nai 'alena taumimo 'imi yalakwaiyao 'ediyega, manuna tuta yauyauna mali nuwanuwa be mali nuwanuwa 'emiya sipaipaisewa.

1 Yoni 3:22

be 'abo to'ase taside 'enaya 'ida 'ebwa'eda, manuna tauna 'ina loinao taematamatanedi, ta 'ida guinuwao manudi 'igwausowala.

1 Yoni 5:14

be wate matanaya 'ada lotoona 'aene 'ida sidasida 'inonodi, be 'i'ebwa'eda to'ase be to'ase tasidasida manudi, 'abo tauna 'ina nuwena wate nadigega.