Pilipai 1:6 - Loina Tabu Auwauna NT

⁶ Wate ma igu emisa 'aene Yaubada 'ina guinuwa bobo'adi ni'atu 'emiya 'ie'alena be tauna 'ida losaloni, ma'etamo Yesu Keliso 'ina 'asiyata sinabwana 'enaya.

Pilipai 1:6 Kruisverwysings

Yoni 6:29

Ga Yesu 'ieonedi, 'igwae, “Yaubada 'ina guinuwa gete, 'aene wada emisegu 'abo'agu tai nigu 'ietuneguma.”

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Guinuwa 16:14

Ta 'ebweu waine 'ediyega 'ana esana Lidia, 'asa Tayataila wainena, ta Yaubada 'ana toemisa, ta 'ina paisewa nate 'ebweu 'oama esaesa 'ana toegimwane. Ta 'etamo iine nidi 'ima ona sinononoi, ga Yaubada emisa Lidia 'atenaya 'ienuwa sa'uyena, ga Paulo 'ina loguguya 'iemisena,

1 Kolinita 1:8

Manuna tauna 'igiegie pa'alimi be 'ana laba 'asiyata nina 'iila limanama.

2 Kolinita 1:15

'Omi yamwalatonimi 'imi emisa 'emaya, 'enega lowa nuwanuwagu be yayausimi maluwa be gwausowala waloba.

2 Kolinita 2:3

Ta 'imi leta nina ya'etoladinawa 'igu 'elouya ma igu nuwamwau be ma igu dedoi be 'enega tuta 'abo yayausimi wada giegwausowaligu, ta geya'abo yanuwanuwa mwau, ta esi maibo'ami yaemisemi ta yanuwayaina 'aene 'abo'agu 'igu gwausowalega 'omi wate wada gwausowala. 'Enega 'imi leta nina ya'etoladinawa, nigeya 'aene yagienuwa mwauyemi, ta esi 'igu oboboma sinabwa wawasae 'emiya wada mwalamwalatoni.

2 Kolinita 7:16

Ta 'abo'agu wate yagwaugwausowala 'imi bubuna bobo'ana maibo'ana manuna.

2 Kolinita 9:4

'Abo ma'etamo 'aina me Masidonia ma'egwao 'aweewa be si'italobami 'imi 'ebwayadaita nigeya wagibugibubuna, gete 'ebe omayamaya 'eguya ta wate 'emiya, 'igu gimisimana nina manuna.

Galetia 5:10

'Abo'agu 'Inapwana yaemisena be 'igienuwa sabwalenimi, be 'igu loina namo wada muliye, ta 'abo yaita tauna 'ami togieloniu, 'ana e'isa Yaubada 'enega ma'etamo 'iloba.

Epeso 4:12

Ta maibo'ada 'ida guinuwa 'ebweuna 'ebweuna nate toekalesiyao 'adi lema manuna be sida ewaiwai, nate Keliso oona 'ina tubutubuwa manuna,

Pilipai 1:10

be 'enega yage bobo'adi wada esinuwedi, be Keliso 'ina 'asiyata ma'etamo 'enaya adelimi bobo'ami ta 'esasemi,

Pilipai 1:29

Manuna Yaubada ni'atu 'itagwala 'emiya be Keliso 'ena waemiemisa, be tauna wate manuna wada 'elouya,

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

Pilipai 2:13

manuna Yaubada nina 'atemiya 'ietaetapewa, be 'aene tauna 'ina nuwenuwega 'omi wanuwanuwa be waguiguinuwa.

Pilipai 2:16

Gosegwao, tetela bobo'ana wagiyai 'i'isi be 'enega yawasi ataya waloba, be tuta nina 'iilama yada gwausowala manumi, manuna geya nuwagu be 'igu paisewao 'emiya 'adi mudala.

Kolose 2:12

'Enega wate Keliso ma'emiya bapitaiso walobena, 'atuwa sisa'u 'ali'aliyemi, ta wate Keliso ma'emiya 'imi bapitaisoega watoolo limana, manuna Yaubada 'ina waiwai waemisena 'aene Keliso mwawasega 'igietoolo limena.

1 Tesalonaika 1:3

manuna 'imi emisa be 'imi guinuwa bobo'adi 'anuwa'i'isidi, ta wate 'imi guinuwao oboboma 'enega, be 'imi e'alama'i'ita ma imi emisa be 'aene 'ida 'Inapwana Yesu Keliso 'ida 'etoseyemi.

2 Tesalonaika 1:11

Lowa Yaubada 'iesinuwemi ga 'ibwauyemi, ga 'enega waemisena. Gete manuna 'abo'ama tuta yauyauna 'asidasida manumi be 'aene wada muliya 'ai'aili. Manuna 'omi nuwanuwami be emisa 'ai'ailega wada bubuna palupalu, 'enega 'ima sidasida Yaubada 'enaya 'aene 'ida giewaiwaiyemi be guinuwa nidi wada guinuwedi.

2 Tesalonaika 3:4

'Enega 'Inapwana 'aemisena 'aene 'ima e'ita 'emiya waematamatanedi,

Pilimoni 1:21

'Igu nuwanuwa gete ni'atu ya'etoladinawa, ma igu emisa be 'aene 'igu ona nidi 'uda nonodi be 'uda muliyedi, ta wate 'uda giesinabwa.

Ibeliu 10:35

'Enega 'imi emisa nina wagiepa'ali be geya'abo waguiguitoyase, manuna ma'etamo 'imi emisa nina 'ana pali bobo'ana wawasae waloba.

Ibeliu 12:2

Ta wate Yesu 'enaya tada sanalaga ataya, manuna Yesu nina 'ida emisa 'ana 'ebe e'ale ta 'ana 'ebe losalowa. Tuta nina Yesu bale'uya 'imiyami 'imwalatonina 'aene ma'etamo 'ebe gwausowala sinabwana 'ilobai, 'enega kelose 'ina 'elouya 'i'alama'i'itanena, omayamaya wate nigeya manuna 'inuwanuwa, ga 'ebe losalowa 'enaya 'itu'e galewaya ga Yaubada 'atainega 'imiyatowa.

1 Pita 5:10

Yaubada tauna 'atenuwa'ole'ole 'alena ni'atu 'ibwauyeda be 'aene 'ina esaesa miyamiya atayana 'ena tada miyami Keliso ma'eda. Ta 'imi 'elouya tuta kukupana namo be sigugumwala, ta muliyega Yaubada 'ida gie'esasemi be 'ida giepa'alimi be 'ida giewaiwaiyemi be 'aene wada miya bobo'ana.

2 Pita 3:10

Ta 'Inapwana 'ina bwa'omatana 'ana 'asiyata ma'etamo 'ina mai 'atuwa to'ipwala be 'iloesalutunidamo, be galewa 'isasawala ma 'ina 'alapwasi sinabwana, ta yage maibo'adi galewaya 'awe 'ala'alasina 'enega 'i'ala esawalidi, ta wate bale'u be yage maibo'adi 'enaya simiyami 'i'ala esawalidi.