Pilipai 1:23 - Loina Tabu Auwauna NT

²³ Ona'ai'aila, yage 'eluwa 'ediyega 'adi esinuwa 'eguya mwau wawasae. Nuwanuwagu be bale'u gete yapilisine be Keliso ma'iyagu 'amimi, nate 'ebe gwausowala sinabwana.

Pilipai 1:23 Kruisverwysings

Luke 12:50

Ta esi tuta gidalina be bapitaiso to'umalina yaloba, 'enega ma igu 'atesa'ala be 'ana laba bapitaiso nina 'eguya siguinuwe.

Luke 23:43

Ta Yesu 'igwae, “Yaona 'ai'aila 'emuya, 'oyo ta 'abo'agu 'iabe sena bobo'ana 'ena tada miyami.”

Luke 8:38

Ta tai nina ni'a 'igie bobo'anena Yesu 'ena 'isida, 'igwae, “Sawesawenaya yamuliyeyo?” 'Enega Yesu 'ieonena,

Yoni 12:26

“'Enega 'abo yaita nuwanuwana be 'eguya 'ida etoguinuwa, nugana 'ida muliyegu, be 'enega to sena 'enaya yamiyami tauna ma'iyagu, ta wate 'abo yaita manugu 'ida etoguinuwa, Tamagu 'ida 'awa bobo'ane.”

Yoni 13:1

Ta ni'atu tuta gidalina be Ataona Sagalina 'ana 'asiyata sida guinuwe, ta Yesu 'imwalatonina 'aene ni'atu 'ina tuta 'iapwesama be bale'u gete 'ida pilisine be 'itatauya Tamana 'ena. Ta Yesu 'ina bodao 'iobobomedi sinabwana, 'enega tuta 'ana 'ebe e'ale 'enega ga 'ana laba 'ina 'ebe losalowa 'ena 'iobobomedi.

Yoni 14:3

Ta 'abo yatatauya sena nina 'ena be 'imi sena yagibubu, ma'etamo yada ilama be yada 'au'ewami be sena nina 'ena yamiyami 'omi wate 'ena wamiyami.

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

Guinuwa 7:59

Ta tuta nina Sitibeni gulewega siloibwaibwa ta 'isidasida, ga 'igwae, “'Inapwana Yesu, yaluyaluwagu 'u'ewenawa.”

2 Kolinita 5:8

'Enega ta'atepatu, ta nuwanuwada bwalada tapilisinedi be 'Inapwana 'ina senaya taapwesa.

2 Kolinita 6:12

ga 'ateguyega yaobobomemi, ta esi nigeya wada gwausowala 'eguya.

Pilipai 1:24

Ta esi 'ilobwenegu be bale'uya yada miyami be 'enega yada lemelememi.

1 Tesalonaika 2:1

Gosemao, ni'atu wamwalamwalatoni 'aene lowa 'ima ayausa 'emiya nigeya 'aayaayausa daita, ta esi ma uwana.

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

1 Tesalonaika 4:17

ta 'enega 'abo'ada wate mayawasida ma'edao tatutu'e galewaya, be 'ida 'Inapwana ma'eda taelobaloba pwana 'ediya, be tauna ma'edai tada miyaataya.

2 Timoti 4:6

Ta 'abo'agu ni'atu be 'igu guinuwa yalosaloni be bale'u gete yapilisine.

E'ita'ita 14:13

'Enega galewega 'enana yanonona 'igwae, “Gete 'u'etoladi 'aene taudi 'ida 'Inapwana 'ana toemisao, 'abo ma'etamo simwamwawasa, sida gwausowala tuga.” Ta Yaluyaluwa Tabuna wate 'igwae, “Ona'ai'aila, sida gwausowala, manuna sida eyawai'ata 'idi gwaunuwa 'enega, be 'ana e'isa sida loba.”