Pilipai 1:10 - Loina Tabu Auwauna NT

¹⁰ be 'enega yage bobo'adi wada esinuwedi, be Keliso 'ina 'asiyata ma'etamo 'enaya adelimi bobo'ami ta 'esasemi,

Pilipai 1:10 Kruisverwysings

Madiu 16:23

Ta Yesu 'iasakowasi ga 'iona Pita 'enaya, 'igwae, “'Oyo Seitani, gete tuga 'upilisinegu! Geya'abo 'u'eto'etobodegu! 'Imu nuwanuwa tomota 'idi nuwanuwa, ta nigeya Yaubada 'ina nuwanuwa nadigega.”

Madiu 26:33

'Enega Pita 'ilolagata ga 'igwae, “'Iabe maibo'adi sidena sineyo ta tebweugu ma'iyayo.”

Yoni 1:47

Ga tuta nina Yesu Nataniela 'i'itena ga tomota 'ieonedi Nataniela manuna, 'igwae, “Tai gote tauna goma Isileli ta nigeya 'ebweu wate kabo 'enaya.”

Yoni 3:20

'Enega 'eguma yaisigedi 'idi bubuna to'umalina, tomotai nidi maedana siguitoyasena ga nigeya maedana 'ena sida mai, 'abona nai maedana nina 'ida gieapwesedi 'aene taudi 'idi bubuna to'umalina.

Guinuwa 24:16

“'Enega tuta maibo'ana 'ediya yatootoo waiwai 'aene yada bubuna palupalu, Yaubada matanaya, be wate tomota 'ediya.

Loma 12:2

Ta geya'abo bubuna bale'u 'ediya watagwatagwalemi, ta esi oomi maibo'ana wada tagwaledi Yaubada 'enaya, be 'enega Yaubada 'imi nuwanuwao 'ida gieauwaudi, be tauna 'ina nuwena bobo'adi, be gwaugwausowalidi, ta palupaludi wada mwalatonidi.

Loma 12:9

Wada oboboma 'ai'aila ta to'umalina wada guitoyase, ta esi bubuna bobo'ana wada giyai.

Loma 16:17

Tasigwao, gete 'igu sida waiwai 'emiya be 'aene wada 'ita'ita'i'isimi taudi toweyalao 'ediyega, manuna e'ita nina lowa wa'ewenaya taudi geya nuwadi, 'enega si'awa'awa to'umaliyena, ta wate tomota 'idi emisa sigiegie nenetadi.

Loma 2:18

'Enega Yaubada 'ina nuwanuwa ni'atu wamwalamwalatoni, manuna loina nina ni'atu 'igiesinapumi, bubuna bobo'ana wawasae manuna.

Loma 7:16

Ta ona'ai'aila, Mosese 'ina loina nidi ni'atu ya'awa bobo'anedi, manuna to'umalina nina yaguiguinuwei nigeya 'ilobwelobwenegu,

Loma 7:22

Manuna yage gete yalobena 'aene yaluyaluwagu nuwanuwana be Yaubada 'ina loina yaguinuwe,

Loma 8:7

Ta 'abo bubuna tomota tamuliye, nate ni'atu Yaubada taetaetalauwale, 'enega nigeya sawesawedaya be Yaubada 'ina loina tamuliye,

1 Kolinita 1:8

Manuna tauna 'igiegie pa'alimi be 'ana laba 'asiyata nina 'iila limanama.

1 Kolinita 10:32

'Enega geya'abo mali tomota wagiegie nuwamwauyedi, nai me Yudia, nai taudi nigeya me Yudia, nai Yaubada 'ina toekalesiyao,

1 Kolinita 8:13

Ta 'abo'agu sa'i geya nuwagu be 'ebweu tasidai yagiebe'uye, 'enega masula nidi yaguitoyasa 'ai'ailidi, be geya'abo yalotolotoodi, 'abona nai 'ediyega tasidao yagie be'uyedi.

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

2 Kolinita 2:17

Ta 'abo'ama nigeya nadigega tologuguya kabokabodi, taudi 'idi esaesa tuga manuna siloguguya, ta esi 'abo'ama ma 'ama emisa, nadigega Yaubada 'iloinema, 'enega tauna matanaya Keliso tetelina 'aonaona 'ai'aila.

2 Kolinita 6:3

'Etoseyana gete tomota maibo'adi manudi. Geya nuwama be 'ebweu yaita 'ilomulomugiyema 'ima guinuwao manudi. Nigeya 'ebweu wate 'ebe 'etoboda 'asa'usa'u,

2 Kolinita 8:8

Gete 'igu ona tuga ta nigeya 'aene yaloiloinemi, ta manuna 'aina toekalesiyao yamwalatonidi sietaetapewa 'ebwayadaita manuna, 'enega 'ebe toona gete yasa'una be ta'ita nai waeobooboboma 'ai'aila, nai nigeya.

Galetia 5:11

Gosegwao, geya'abo wanuwena 'abo'agu yaloguloguguya be 'aene tomota sida lodabadi be me Yudia 'idi loina sida muliyedi, ta 'igu loguguya esi Keliso 'ina mwawasa kelose 'enaya manuna, ta loguguya gete manuna me Yudia sinuwamwau ga sietalauwalegu.

Epeso 4:15

Ta esi 'ilobweneda be obobomega tada guinuwa palupalu, be 'ida bubuna maibo'adi sida tubutubuwa debada Keliso 'ina bubuna nadigega.

Epeso 5:10

Be wate watootoo be to'ase 'Inapwana nuwanuwana wada mwalatonidi be waguinuwedi,

Epeso 5:27

be 'enega toekalesiyao 'abo'ada 'ietooloda 'aene 'ina bodao maemaedanida, ta nigeya baila nai 'ebweu to'ase to'umalina 'edaya, ta esi maibo'ana tuga bobo'ana, ta 'esasena.

Epeso 6:24

Be wate yaisigedi ma'emiyao, 'abo 'ida 'Inapwana Yesu Keliso sioboboma ataena, 'ina 'atenuwa 'ole'oleyega 'ida obobomedi wate. 'Abo'agu Paulo.

Pilipai 1:16

taudi siobobomegu 'aene 'abo'agu deliya yamiyami tetela bobo'ana 'ana e'ita manuna,

Pilipai 1:6

Wate ma igu emisa 'aene Yaubada 'ina guinuwa bobo'adi ni'atu 'emiya 'ie'alena be tauna 'ida losaloni, ma'etamo Yesu Keliso 'ina 'asiyata sinabwana 'enaya.

Pilipai 2:16

Gosegwao, tetela bobo'ana wagiyai 'i'isi be 'enega yawasi ataya waloba, be tuta nina 'iilama yada gwausowala manumi, manuna geya nuwagu be 'igu paisewao 'emiya 'adi mudala.

1 Tesalonaika 3:13

be ma'etamo tuta nina 'ida 'Inapwana Yesu, ma 'ana toemisao siapwesama, 'omi ma imi waiwai, ta ma 'ate'esasemi, Tamada Yaubada matanaya wada toolo.

1 Tesalonaika 5:21

ta esi e'ita nina wada too, be 'abo bobo'ana wagiyai,

1 Tesalonaika 5:23

Yaubada tauna gwausowala 'alena 'enega yaluyaluwami be nuwami ta oomi 'ida gie'esasa 'ai'ailidi be sida maedana, be 'enega ma imi bubuna bobo'ana wada miyami be 'ana laba Yesu Keliso 'iila limanama.

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

E'ita'ita 2:2

“Ni'atu yamwalatonimi, 'aene 'imi paisewa sinabwana 'enega, be 'imi e'alama'i'itana 'ediyega, waewaiwai, ta toto'umalidi geya nuwami, 'enega 'agu tosimana kabokaboyao watoodi ga 'idi kabo wagieapwesena.