Maki 3:9 - Loina Tabu Auwauna NT

^9-10 Ta Yesu tole'oasao 'igiebobo'anedi, 'enega tole'oasao yaudi siegigigilama sabi gitoona, 'enega Yesu 'ina tononoyao 'ieonedi, “Waga manugu wame'e be 'abo tomota siegigigila wawasae yagegelu wagaya.”

Maki 3:9 Kruisverwysings

Madiu 15:39

Muliyega pwalu 'ietunedi ga siila limana, ta Yesu wagaya 'igelu, ga Magadani senanaya 'itauya.

Maki 4:1

Muliyega wate Yesu 'iila limana Galili le'awinaya sabi loguguya ta boda sinabwana siegogona 'enaya, 'enega 'ebweu waga 'idoedoe 'enaya 'igelu ga 'imiyatowa, ta pwalu le'awaya sitootoolo.

Maki 4:36

'Enega sigelu ga sigiseyana ga pwalu le'awaya sipilisinedi, ta 'aidi waga wate ma'enao,

Maki 5:2

ga wagega Yesu 'isuya dabalaya, ta tai 'ebweu 'ilobena mayaluyaluwa bi'ina 'ina 'ebemiya duluwa, 'enega 'iapwesama, ta duluwa nina tomota 'adi 'ali'ali.

Maki 5:30

Ta Yesu ni'atu 'ilotoona 'aene waiwai 'enega 'iapwesa ga 'iasakowasi ga boda 'ienaidedi, 'igwae, “Yaita 'agu 'oama 'igitoona?”

Maki 6:32

'Enega taudimo waga sigeluna ga sitauya 'ebweu sena mwatui daitaya.

Luke 5:1

'Ebweu tuta Yesu 'itootoolo ola Genesaleta tupitupinaya ta boda simai ga sitoolo pogipogina be 'aene Yaubada 'ina ona Yesu 'enega sida nono.

Luke 5:3

'Enega Yesu waga 'ebweu 'ena 'igelu, nate Saimoni 'ina waga, ga Saimoni 'ieonena be tupwana 'italadolo, ga 'enega 'italadolo ni'uya ga waga nina 'ena Yesu 'imiyatowa ta 'ie'ita boda 'ediya.

Yoni 6:15

Ga gote 'ena Yesu tomota 'imwalatonidi 'aene tuta gidalina 'enaya be sigiyai be 'ediya 'ida ekini. Ta Yesu geya nuwana, 'enega taunamo 'itauya ga 'iila 'oyaya.