Maki 16:18 - Loina Tabu Auwauna NT

¹⁸ be 'abo mwata bolabolausidi sigilagasidi geya'abo 'idi go'i 'enega siesiesilae, be 'abo bwasi bolausa sinunuma geya'abo simwawamwawasa, be wate 'abo tole'oasao sigitoodi sida bobo'ana tuga.”

Maki 16:18 Kruisverwysings

Maki 5:23

ga 'isida waiwai, 'igwae, “'Inapwana, natugu mewainena 'ana le'oasa 'imwau 'ai'aila, ta tauna gwama tuga, ta nuwanuwagu 'umama be 'uda gitoo be 'ida bobo'ana, ta geya'abo 'imwawamwawasa.”

Luke 10:19

'Enega wada nuwa'i'isi 'aene ni'atu yagie waiwaiyemi be 'enega sawesawemiya waewaiwai 'ada talauwala nina 'ina guinuwa maibo'adi 'ediya, be 'enega 'abo mwata nai ganiyeya waayaidi, geya'abo wamatamatauta manuna geya'abo sigiegie to'umaliyemi.”

Guinuwa 19:12

ga 'ana 'amweyai 'ana 'ebe tala'i'ilao be 'ana 'oamao si'ewedi ta tole'oasao 'ediya sigiepa'iyedi, ga 'adi le'oasa sigumwagumwala, ta wate yaluyaluwa bi'iyao siula apwesedi.

Guinuwa 3:12

Ta Pita 'i'itedi, 'enega boda 'ieonedi, 'igwae, “Me Isileli 'omi, to'ase manuna wanuwa owana ta waduneduneyema? Nigeya 'aene tauma 'ima waiwaiyega nai 'ima bubuna 'esasena 'enega, tai gete 'agiebobo'anena ga 'itautauya,

Guinuwa 3:16

'Enega Yesu 'ana esanega tai gete ni'atu 'ibobo'ana limana. Tai gete wa'itena ta wamwalatoninaya, ta Yesu 'ana esana 'iemisena, 'enega ni'atu matamiya 'ibobo'ana 'ai'aila, ta 'iewaiwai.

Guinuwa 4:10

'Enega nuwanuwama 'omi be me Isileli maibo'ami wada mwalatoni 'aene tai gete matamiya 'itootoolo 'ina bobo'ana Yesu Keliso 'enega, tauna goma Nasaleta, kelose 'ena waloemwawasina, ta Yaubada 'igietoolo limena.

Guinuwa 4:22

manuna tolopegoi nina 'ana yakwala poti be tupwana, ta ni'atu sigie bobo'anena. 'Enega toloinao pwalu simatautedi, ga nigeya 'ebweu to'ase siguiguinuwe Pita be Yoni 'ediya.

Guinuwa 4:30

Ta wate 'imu waiwaiyega tole'oasao 'uda giebobo'anedi, be 'imu 'ali'ei esiesinuwana, 'ana esana Yesu, 'enega we'iwe'iyayao be edeedede 'uda gieapwesedi.”

Guinuwa 9:34

'Enega Pita 'ieonena, 'igwae, “Inia, Yesu Keliso 'ida giebobo'aneyo, 'enega 'utoolo be 'imu sita 'ugibubudi.” 'Enega 'itoolo manini.

Loma 16:20

Ona'ai'aila, Yaubada tauna nuwasiwalowa 'alena, be sawesawenaya Seitani 'ida 'ausepale maniniye 'emiyega. 'Enega 'ida 'Inapwana Yesu Keliso 'ina oboboma 'emiya 'ida miyami.

1 Kolinita 12:9

be 'ebweuna emisa, be 'ebweuna gile'oasa,