Madiu 9:26 - Loina Tabu Auwauna NT

²⁶ Muliyega ale gete 'i'elelewana sena maibo'ana 'ediya.

Madiu 9:26 Kruisverwysings

Madiu 4:24

'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Madiu 9:31

'Enega sitauya ga Yesu 'ina loina sile'oena ta 'ina guinuwa 'ediya sisimana dadanena sena yauyauna 'ediya.

Maki 1:28

'Enega Yesu tetelina silelewanena Galili senanao maibo'adi 'ediya.

Maki 1:45

Ta tolepelo nina nigeya Yesu 'ina loina 'iematamatane, ta tomota yaudi 'ediya 'iesimasimana. 'Enega Yesu nigeya sawesawenaya 'ia'ata'atamana 'asa nidi soladiya, ta 'enega 'itauya sena mwatui daitaya ga nada 'imiyamiya, ta tomota sena yaudi 'ediyega sitauya 'enaya.

Maki 6:14

'Enega Yesu tetelina tomota silelewanena sena yauyauna 'ediya ga Kini Elodi 'inonona. Manuna 'aina tomota sionaona 'aene “Yoni togiebapitaiso mwawasega ni'atu 'itoolo limana 'enega ma ina waiwai 'iguiguinuwa.”

Luke 4:14

'Enega Yesu Yaluyaluwa Tabuna 'ina waiwaiyega 'iila limana Galili. Ga gote 'ena Yesu tetelina 'i'elelewana Galili senanao 'ediya,

Luke 4:37

Gote 'ena Yesu tetelina silelewanena Galili senanao 'ediya.

Luke 5:15

Ta esi gote 'enega ga Yesu tetelina 'isinabwa 'ai'aila ga pwalu yaudi sidelima be 'aene Yesu 'ina ona sida nono, ta wate 'adi le'oasao 'aene 'ida giebobo'anedi,

Luke 7:17

Gote 'ena Yesu alena silelewanena Yudia maibo'ana ta wate 'asa nidi selabenaya maibo'adi 'ediya.

Guinuwa 26:26

ta yage getedi Kini Agalipa 'imwalamwalatonidi, be matanaya gete yaonaona nigeya ma igu omayamaya, ta yamwalamwalatoni yage getedi nigeya 'ebweu 'ikwaikwaiya, manuna gete nigeya guinuwa ma'ula.