Madiu 9:2 - Loina Tabu Auwauna NT

² 'Enega 'ebweu tokweno boda si'aalina 'ina 'ebe'eno 'enega ga sime'ena Yesu 'enaya. Boda nidi 'idi emisa Yesu 'imwalatonina ga tokweno nina 'ieonena, 'igwae, “Natugu, 'uda gwausowala, 'imu bubuna to'umalidi 'adi nuwatau ni'atu 'ulobedi.”

Madiu 9:2 Kruisverwysings

Madiu 14:27

Ta Yesu 'ieonedi, “Geya'abo wamatamatauta. 'Abo'agu tuga, 'imi 'inapwana.”

Madiu 4:24

'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Madiu 6:12

Ta 'ima bubuna to'umalina 'uda nuwataudi, nadigega 'abo'ama wate gosemao 'idi bubuna to'umalina 'emaya 'anuwataudi.

Madiu 8:10

'Ina simana gete 'enega Yesu 'igwausowala sinabwana, 'enega 'iasakowasi ga boda nidi simulimuliye 'ieonedi, 'igwae, “Ona'ai'aila, nigeya 'ebweu yaita yalobaloba me Isileli 'emiyega 'ina emisa tai gete nadigega,

Madiu 8:16

'Enega boi'unuya toni'asao 'aina tomota sime'edi, taudi yaluyaluwa bi'i 'ediya simiyami, 'enega Yesu yaluyaluwa nidi 'ina onega 'iula apwesedi ta wate tole'oasao maibo'adi 'igiebobo'anedi.

Madiu 9:22

Ta Yesu 'isanaila ga waine nina 'i'itena, ta 'igwae, “Kagutoki natugu, 'imu emisa 'enega ni'atu 'ubobo'ana.” Ta tuta gote 'enaya waine nina 'ibobo'ana.

Madiu 9:5

Ta to'ase wanuwena yada onae tai gete 'enaya be 'aene yada gwae, ‘'Imu bubuna to'umalina ni'atu yanuwataudi’, nai yada gwae, ‘'Utoolo be 'utatauya’?

Madiu 9:6

Ta wada mwalatoni 'aene 'abo'agu Tomota Natuna ma igu loina bale'uya be tomota 'idi bubuna to'umalina yanuwataudi.” 'Enega tokweno nina 'ieonena, 'igwae, “'Utoolo be 'imu 'ebe'eno 'u'aala be 'utatauya 'imu 'asaya.”

Maki 1:32

Ta sinala ni'atu 'isugusuguwa, ga tomota 'idi tole'oasao be taudi yaluyaluwa bi'i 'ediyega sile'oasa maibo'adi sime'edi Yesu 'enaya,

Maki 10:49

'Enega Yesu 'itoolo, ta 'iona, “Wada bwauyenama.” Ga tomota sigwae, “Bobo'ana, 'utoolo. Yesu 'ibwauyemu.”

Maki 5:34

Ta Yesu 'igwae, “Natugu, 'imu emisa 'enega 'ubobo'ana. 'Utoolo be ma imu gwausowala 'utatauya. 'Imu le'oasa maibo'ana ni'atu 'igumwala.”

Maki 6:50

'enega simatauta ga sinanala. Ta Yesu 'ieonedi, 'igwae, “Geya'abo wamatamatauta. 'Abo'agu tuga, 'imi 'inapwana.”

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Yoni 2:25

manuna ni'atu maibo'adi 'idi nuwanuwa 'igimi sinapudi, ga 'enega nigeya 'ebweu yaita tomota sawesawenaya be tetelidi 'ida 'ebwaya Yesu 'enaya, manuna to'ase 'idi nuwanuwa 'atediya ni'atu 'isinapu 'ai'ailidi.

Yoni 21:5

'Enega Yesu 'ediya 'igwae, “Tasigwao, 'eisa iyana wa'onedi?” Ga sigwae, “Kakae.”

Guinuwa 14:9

Ga tolopegoi nina 'imiyatowa, ta Paulo 'ina loguguya 'ienoenonoena. 'Enega Paulo tolopegoi nina 'iduneyena, ga 'imwalatonina 'aene ma ina emisa Yesu 'ena, be sawesawenaya 'ida giebobo'ane,

Guinuwa 19:12

ga 'ana 'amweyai 'ana 'ebe tala'i'ilao be 'ana 'oamao si'ewedi ta tole'oasao 'ediya sigiepa'iyedi, ga 'adi le'oasa sigumwagumwala, ta wate yaluyaluwa bi'iyao siula apwesedi.

Guinuwa 23:11

Ta boiboiya 'Inapwana Paulo selabenaya 'itoolo, ta 'ieonena, “Paulo, 'uda 'atepatu. Ni'atu 'usimanegu Yelusalema 'ena, be nadigega wate 'iabe Loma 'ena 'uda simana'esa.”

Loma 5:11

Ta 'ebweu yage bobo'ana 'imiyami, nate Yaubada ma'eda tagwaugwausowala, manuna 'ida 'Inapwana Yesu Keliso tauna 'ime'eda ga Yaubada ma'edai taegosigosiyana limana.

Yemesa 2:18

Ta 'abo 'aidi tomota sigwae, “'Oyo ma imu emisa ta 'abo'agu ma igu guinuwa.” Ta 'abo'agu 'igu e'isa 'aene, “'Abo 'imu emisa nina nigeya guinuwa ma'iyana, mwa'adega 'ana bobo'ana? Ta 'abo'agu gete 'igu guinuwega 'igu emisa yae'itemi.”