Madiu 8:3 - Loina Tabu Auwauna NT

³ 'Enega Yesu nimanega tai bwalana 'igitoona, ta 'igwae, “O, bobo'ana! 'Uda 'esasa.” Ga tai nina 'ana lepelo 'igumwala manini, ga 'i'esasena.

Madiu 8:3 Kruisverwysings

Madiu 12:13

'Enega Yesu tai nina 'ieonena, 'igwae, “Nimayo 'uyasitoto.” Ga tai nina nimana 'iyasitotona ga 'ibobo'ana limana, nadigega mali nimana.

Maki 1:41

'Enega Yesu 'i'atenuwa 'ole'oleyena ga nimanega tai bwalana 'igitoona ta 'igwae, “O bobo'ana! 'Uda 'esasa!”

Maki 4:39

'Enega Yesu 'itoolo ga yagila be lisu 'iba'edi, 'igwae, “Tuwa! 'U'emutuyo be 'usiwalowa!” 'Enega yagila 'ipela ga bwagabwaga maibo'ana 'isiwalowa.

Maki 5:41

Ta Yesu gwama nimanaya 'igiyaina ga 'igwae, “Talita kumi.” Ta 'ana gibui, “Negeyo 'utoolo.”

Maki 7:34

'enega Yesu 'i'itatu'e galewaya ga 'atenuwa 'ole'oleyega 'ionaona, 'igwae, “Epapata”, nate 'ana gibui “'Uebwale.”

Maki 9:25

Ta Yesu boda yauyaudi sipilipilima 'i'itedi, 'enega yaluyaluwa bi'i 'i'enapa'alina, 'igwae, “'Oyo yaluyaluwa to'umaliyo 'imu lobwebwai 'enega gwama 'ieuwauwa, yaloineyo be 'upilisine atae be geya'abo wate 'ebweu tuta 'ulugulugu limana 'ena.”

Luke 4:27

Ta palopita Ilaisa wate 'ina tutaya tolepelo yaudi Isileli 'enaya simiyami, ta nigeya 'ebweu yaita 'ediyega 'igiegie bobo'ane, ta esi 'ebweu namo goma Silia 'igie bobo'anena, 'ana esana Naamani.”

Luke 5:13

Ta Yesu nimanega tai bwalana 'igitoona ta 'igwae, “O, bobo'ana! 'Uda 'esasa.” Ga tai nina 'ana lepelo 'igumwala manini.

Luke 7:14

'Enega 'inao ga tomwawasa nina 'ana wadu 'igitoona ta to'aala nidi sitoolo enono. Ga Yesu 'igwae, “Tubuwau, 'utoolo.”

Yoni 11:43

Ta 'ina sida mulinaya 'enana sinabwanega 'ibwau ga 'igwae, “Lasalo, 'uapwesama!”

Yoni 15:24

Ta 'abo lowa nigeya guinuwa nidi waiwaidi matadiya yaguiguinuwedi, geya'abo 'idi loegesi 'imiyami. Ta sa'i ni'atu yaguinuwedi guinuwa nidi, nate nigeya 'ebweu yaita sawesawenaya be 'iguinuwedi, ga si'itedi, ta tuwa tuga Tamagu be 'abo'agu siguitoyasema.

Yoni 5:21

Nadigega tuga Tamagu tomwawasa 'igietoolodi ga yawasidi 'i'ebwa'edi, 'abo'agu wate nadigega yawasi auwauna yada 'ebwaya tomota 'ediya, yaisigedi taudi yaesinuwedi.