Madiu 8:13 - Loina Tabu Auwauna NT

¹³ 'Enega Yesu tolosaiya 'adi toanugana nina 'ieonena, “Bobo'ana, 'uila. 'Imu 'ali'ei 'iabe 'ibobo'ana, nadigega 'imu emisa.” Tuta gote 'enaya tole'oasa nina 'ina waiwai 'ilobena.

Madiu 8:13 Kruisverwysings

Madiu 15:28

'Enega Yesu waine 'ina ona nina 'ie'isena, 'igwae, “Waine, 'oyo sa'i toemisa 'ai'aila. 'Enega gete tuga 'imu emisa nina uwana 'ida apwesa.” Ta tuta gote 'enaya waine nina natuna 'ibobo'ana limana.

Madiu 17:20

Ga Yesu 'igwae, “Manuna 'imi emisa nenetana. Yaona'ai'aila 'eguma 'imi emisa 'ana waiwai beno atuna nadigega, ma'etamo 'oya gote 'ena wagwae, ‘Gete 'enega 'umiya dolo’, 'iabe 'ida ematamatana tuga. Nadigega wate yage maibo'ana sawesawemiya be waguinuwedi.”

Madiu 8:4

'Enega Yesu 'ieonena, “'Utatauya ta geya'abo 'ebweu yaita wate 'enaya 'usimasimanegu, ta esi palupaluna 'utatauya totaliya 'enaya be 'i'itayo be 'enega 'utaliya Yaubada 'enaya to'ase nadigega 'ada loina Mosese 'enega, be 'enega tomota simwalatoniyo 'aene ni'atu 'u'esasemu.”

Madiu 9:22

Ta Yesu 'isanaila ga waine nina 'i'itena, ta 'igwae, “Kagutoki natugu, 'imu emisa 'enega ni'atu 'ubobo'ana.” Ta tuta gote 'enaya waine nina 'ibobo'ana.

Maki 7:29

Ga Yesu 'igwae, “Kagutoki! Nate ona 'ai'aila. 'Enega 'utoolo be 'uila 'imu anuwaya. Yaluyaluwa bi'i natuyo 'enega ni'atu 'iapwesa, ga 'ibobo'ana.”

Maki 9:23

Ta Yesu tai nina 'ieonena, 'igwae, “Ni'atu 'uona ‘'Abo kapekapeyana’, aga? Ta esi 'uda nuwa'i'isi 'aene 'eguma taemisa, yage maibo'ana kapekapeyana 'edaya.”

Yoni 4:50

Ga Yesu 'iona, “'Uila 'imu anuwaya be natuyo 'uda 'ita 'ibobo'ana.” Ga tai nina Yesu 'ina ona 'iemisena ga 'iila limana.