Madiu 6:7 - Loina Tabu Auwauna NT

⁷ Ta wate 'imi sidasida 'ediyega geya'abo waonaona limalimana nadigega taudi tomiya guguyoi si'oba'oba. Taudi 'idi emisa 'aene ona yauna 'ediyega e'isa bobo'ana sida loba.

Madiu 6:7 Kruisverwysings

Madiu 18:17

Ta 'eguma tuga geya nuwana be 'inonomi waona apwesa toekalesiyao 'ediya, be 'eguma geya nuwana wate toekalesiyao 'idi ona 'inonodi, wada guitoyase tuga be 'imiya apwesa nadigega takisi 'ana toegogonao.

Madiu 26:39

Ta Yesu 'ialaga tupwana ga bale'uya 'ibe'u sanamwa'uta ta 'isidasida, 'igwae, “Tamagu ye, 'eguma kapekapeyana 'elouya keigana gete 'eguyega 'u'ewayaulei, ta geya'abo 'abo'agu 'igu nuwena 'enega, ta 'oyo esi 'imu nuwena 'enega 'uda guinuwa.”

Madiu 26:42

'Enega Yesu 'ilaga limana ga 'isidasida, 'igwae, “Tamagu, keiga gete geya nuwagu be 'enega yanunuma, ta 'abo 'imu nuwena nadigega, ta nigeya 'ebweu wate 'eda 'imiyami, bobo'ana yanunuma tuga.”

Madiu 26:44

'Enega wate 'ipilisinedi ga 'ina sidasida 'etonina 'enaya 'ina sidasida 'eluwena nadigega.

Madiu 6:32

Ona getedi nadigega taudi 'etamo guguyoi 'enaya simiyami 'idi ona. Ta to'ase 'imi nuwanuwa Tamami galewaya ni'atu 'isinapudi, nadigega 'ami masula be 'ami bwasi be wate 'ami 'oama, be 'i'ebwa'emi tuga.

Guinuwa 19:34

Ta pwalu si'inanena 'aene tauna goma Yudiana, 'enega sibwau toitoila, ta 'idi galala tuta dudulana nigeya silosalosa'u, ta sibwaubwau leleleya, sigwaegwae, “'Abo'ada me Epeso 'ida yaubada Dayana toloetana 'ai'aila.”