Madiu 6:31 - Loina Tabu Auwauna NT

³¹ 'Enega geya'abo wanuwanuwa sinabwana be 'aene wagwaegwae, “To'ase 'ada 'ani?” nai “To'ase 'ada numa?” nai “To'ase 'ada 'ote?”

Madiu 6:31 Kruisverwysings

Madiu 15:33

Ta 'ina tononoyao sieonena, sigwae, “Sena getei mwatui daita, ta mwa'adega pwalu sinabwana getei 'adi masula taloba'ese?”

Madiu 4:4

Ta Yesu 'igwae, “Buki Tabu solanaya loina 'imiyami 'aene, ‘Tomota yawasidi nigeya masula namo 'enega, ta esi Yaubada 'ina onao maibo'adi 'ediyega.’”

Madiu 6:25

'Enega yaeonami 'aene geya'abo 'imi miya bale'u manuna wanuwanuwa sinabwana, 'ami 'e'ai be 'ami bwasi be 'ami 'oama manudi. Manuna yawasida yage sinabwana 'edaya, ta gwegwe nidi bwala manudi nigeya yage sinabwana.

Madiu 6:27

Ta 'eisa 'emiyega 'ina nuwenuwega 'ina tuta bale'uya 'igieduduli? Nigeya, aga?

Luke 10:41

Ta Yesu 'igwae, “Malida, mwa'adega ga yage yaudi manudi 'unuwanuwa,

Luke 12:11

“Ta 'abo tomota si'au'ewami anuwa tapwalolo 'ediya sabi etalaemi 'inapwanao be toloinao matadiya, geya'abo wa'ate'ate sa'ala nai wanuwanuwa mwa'adega 'idi enaida wae'isa'esa,

Luke 12:22

'Enega 'ina tononoyao 'ediya 'igwae, “Geya'abo 'imi miya bale'u manuna wanuwanuwa sinabwana, 'ami 'e'ai be 'ami 'oama manudi.

Luke 12:29

“Ta wate geya'abo wanuwanuwa sinabwana nai wa'ate'ate sa'ala masula be bwasi manudi.

Pilipai 4:6

Geya'abo 'ebweu to'ase manuna wanuwanuwa, ta esi ma imi lokagutoki yage maibo'adi manudi, Yaubada 'ena wada bwagobwago, be 'imi nuwanuwao manudi wada sidasida,

1 Pita 5:7

Ta 'ami mwauyao maibo'adi Yaubada 'ena wada 'ebwaya, be 'enega 'ami mwau nidi 'i'ewayauledi, manuna Yaubada tauna 'i'atenuwa'ole'ole 'ai'ailemi.