Madiu 6:2 - Loina Tabu Auwauna NT

² 'Enega tuta nina wa'ebwayadaita gomagomabesodi 'ediya, geya'abo yoguli wamu'emu'e, nadigega tokaboyao taudi anuwa tapwalolo nai 'asa 'ediya 'idi 'ebwayadaita mulinaya yoguli simu'edi be 'aene tomota sida tupudi. Ona'ai'aila 'adi e'isa tuta gete namo 'enaya silobaloba, ta esi tuta 'imeemai geya'abo e'isa silobaloba.

Madiu 6:2 Kruisverwysings

Madiu 15:7

“Ona'ai'aila 'omi tokabokabo. Lowaenei Aisea palopita manumi 'ionaupaupa 'ai'aila, tuta nina Yaubada 'ina ona 'isimanena, 'igwae,

Madiu 16:3

Ta 'abo gonagonaya galewa bweyabweyalina ta gaigaina wa'itai, nate wasinapu 'aene kwau 'imeema. Ga nate ona'ai'aila we'iwe'iyaya nidi 'oelaa manudi 'adi mwalatoi ni'atu wamwalamwalatonidi, ta esi we'iwe'iyaya gete tuta nidi manudi nigeya wamwalamwalatonidi.

Madiu 22:18

Ta Yesu 'idi nuwanuwa to'umalina 'imwalatonina, 'enega 'iona, igwae, “'Omi tokabo! To'ase manuna watootoogu?

Madiu 23:5

“'Idi guinuwa maibo'ana siguiguinuwedi be 'aene tomota si'itadi be situpudi, nate onao Buki Tabu 'enega 'eto'etoladidi debadiya be nimadiya sigiepa'iyedi, ta 'adi 'oamao duduladi si'ote'otedi,

Madiu 23:6

ta sagali 'adi tutaya nuwanuwadi be bwaimaya sida miyatowa, be wate anuwa tapwalolo 'ediya 'ebemiya bobo'adi nuwanuwadi,

Madiu 24:51

'iabe anuwega 'ipa'i be e'isa to'umalina 'i'ebwa'e tokaboyao 'idi senaya, sena gote 'ena sidedoi be siesala'i'ita 'elouya 'enega.

Madiu 5:18

Ona'ai'aila loina getedi ma'etamo sida apwesa ta geya'abo 'ebweu to'ase gidala kwakwayona 'isawasawala be 'ana laba galewa ta bale'u sisasawala.

Madiu 6:16

Wate 'abo tuta nina 'ena tapwalolo manuna 'e'ai 'enega waedidigula, geya'abo maninimi watuetue goegowa 'atuwa tonuwamwau. Gete tokabo 'idi guinuwa nadigega, manuna taudi 'adi 'ita sigie to'umaliyedi be 'aene 'idi edidigula tomota sida mwalatoni. Ona'ai'aila 'adi tupu tuta gete namo silobaloba, ta ma'etamo nigeya.

Madiu 6:3

Ta 'omi sa'i tuta nina wa'ebwa'ebwaya daita wada 'ebwaya kwaiya,

Madiu 6:5

'Imi sidasida wate nadigega, 'eguma wasisida Yaubada 'enaya geya'abo tokabokabo nadigega wasidasida, manuna taudi nuwanuwadi be tomota matadiya tapwalolo solanaya nai 'asa 'ediya sitoolo be sisidasida. Ona'ai'aila 'adi tupu tuta gete namo silobaloba, ta tuta 'imeemai nigeya.

Madiu 7:5

Ona'ai'aila 'oyo 'ebweu tokabo, aga? Ta esi kegabugabu matamuyega 'uda gimi'ewa yaule, be 'enega 'udune 'ai'aila ta muliyega tasimuna matanega kaiwe senasenamina 'u'ewayaule.

Maki 12:39

Ta wate nuwanuwadi 'ebemiya bobo'adi Anuwa Tapwalolo 'ediya, be wate sagali 'adi tutaya nuwanuwadi be bwaimaya sida miyatowa.

Maki 7:6

Ta Yesu 'ieonedi, 'igwae, “'Omi tokabokabo. Lowaenei Aisea palopita manumi 'iona upaupa 'ai'aila, tuta nina Yaubada 'ina ona 'i'etoladina gete nadigega: ‘Tomota getedi 'awadiyega si'ama'amayabegu, ta 'atediyega nigeya.

Luke 11:41

ta 'ilobwenemi be 'atemi lo'ebwa'ebwaya 'enega wada gie'esasadi be 'enega wada 'esasa 'ai'aila.

Luke 11:43

“'Omi Palisiyao nuwa'ole'olemi, manuna anuwa tapwalolo 'ediya nuwanuwami be 'aene 'ebemiya bobo'adi 'ediya wada miyatowa, ta wate nuwanuwami be 'aene tuta nina 'abo watautauya 'asaya tomota maibo'adi sida 'amayabemi.

Luke 12:33

“'Enega 'imi gwegweyao wada egimwaneyedi be mani nidi wada eguyaiyedi togomabeso 'ediya, be 'enega galewaya 'imi esaesa 'ida miyaataya. Esaesa nina galewaya 'imiyami nigeya wate 'ina 'ebe gumwalamo, manuna nigeya 'ebweu wate to'ipwala sena nina 'ena, ta wate nigeya manumanuwa.

Luke 12:56

Ona'ai'aila 'omi toguinuwa kabokabo, manuna bale'u 'adi we'iwe'iyayao ni'atu wasinapudi ta esi Yaubada 'ina we'iwe'iyayao nigeya wada nuwa sabwalenidi tuta auwauna gote manudi.

Luke 13:15

Ta Yesu ni'atu 'inonona, ga maibo'adi 'ediya 'igwae, “Kabokabomi, manuna 'omi 'imi bubuna Sabate 'ebweuna 'ebweuna 'ediya 'imi yobaiyao maibo'adi 'adi 'aliyega wali'ali'amidi ta siapweapwesa 'atamanaya 'adi bwasi sabi numa.

Luke 20:46

“Tasigwao, geya'abo loina 'ana toe'itao 'idi bubuna wamulimuliye. Manuna taudi adelidi tuga nadigega tuta yauna nuwanuwadi be 'adi 'oamao duduladi si'otedi be tomota gamwagamwanidiya sisakosakowasi be 'aene sida 'amayabedi. Ta wate nuwanuwadi 'idi 'ebemiya bobo'adi Anuwa Tapwalolo 'ediya, be wate sagali 'adi tutaya nuwanuwadi be bwaimaya sida miyatowa.

Luke 6:24

Ta 'abo 'omi ni'atu waeesaesa nuwa'ole'olemi, manuna 'imi esaesa ni'atu walobena, ta ma'etamo nigeya.

Luke 6:42

'Enega geya'abo tasiyo 'ueonai be 'ugwae, ‘Tasigu, 'ilobwenegu be 'aene kaiwe senasenamina matamuyega ya'ewayaule,’ manuna 'oyo wate kegabugabu sinabwana matamuya 'imiyami nigeya 'u'ita'ita. Ona'ai'aila 'oyo 'ebweu tokabo, aga? Ta esi kegabugabu matamuyega 'uda gimi 'ewayaule, be 'enega 'udune 'ai'aila ta muliyega tasimuna matanega kaiwe senasenamina 'u'ewayaule.

Yoni 13:29

Tauna Yudasa 'idi mani 'ana to'ita'i'ita 'enega sinuwena 'aene Yesu 'ieonena be tauna Yudasa 'itatauya be 'idi sagali gwegwena 'ida gimwane, nai 'itatauya be 'aina mani gomabeso 'ida 'ebwa'edi.

Yoni 5:41

“'Abo'agu nigeya yanuwanuwa taugu 'agu tupu tomota 'ediyega manuna.

Yoni 5:44

“'Omi nuwanuwami be taumi 'emiyega 'ami tupu wada nonodi, ta esi 'ami tupu Yaubada 'enega waguitoyasena. Nate 'alena nigeya kapekapeyana be waemisegu.

Yoni 7:18

Ta 'omi 'imi bubuna 'aene 'eguma yaita tauna 'ina nuwena 'enega 'ie'ita, tauna tuga taunamo 'ana esana manuna 'ietaetapewa. Ta 'abo'agu esi nigeya nadigega 'omi, manuna 'abo'agu nuwanuwagu be 'agu toetune 'ana esana yada giesinabwa, manuna 'igu bubuna palupaluna ta nigeya 'ebweu wate 'igu to'umalinamo.

Guinuwa 10:2

ta tauna tai bobo'ana ga ma ina susuyao Yaubada si'amayabena, ta tuta yauna togomabeso 'ilemelemedi ta 'isidasida Yaubada 'ena.

Guinuwa 10:31

Ta 'ieonegu, ‘Konilio, Yaubada 'imu sidasida ni'atu 'inonodi, ta wate 'imu lema gomabeso 'ediya 'inuwa'i'isidi.

Guinuwa 10:4

Ta Konilio anilose nina 'iduneduneyena ga ma ina matauta, ta 'igwae, “'Inapwana! To'ase?” Ta anilose 'igwae, “Yaubada 'imu sidasida be 'imu lema togomabeso 'ediya 'imwalatonina, ga manudi 'inuwa'i'isimu.

Guinuwa 11:29

Ta tuta nina Yesu 'ana tomuliyao Agabu 'ina simana nina sinonona, taudimo siloiloina be 'ebweuna 'ebweuna sida tootoo be sida 'ebwayadaita be lema mani sida etune gosediyao nidi sena Yudia 'ena simiyami,

Guinuwa 24:17

“Ta yakwala yauna ni'atu sigumwala 'enega yaila Yelusalema ga 'ebwayadaita yame'ena 'igu boda 'ediya, ta wate taliya Yaubada manuna.

Guinuwa 9:36

Ta 'asa Yopa 'ena, Yesu 'ana tomuliya 'ebweu waine 'imiyami, 'ana esana Tabita, ta 'ana gibui Dokasa, ta Dokasa 'ana gibui yobai 'ana esana diya, ta waine nina lema be oboboma 'alena,

Loma 12:8

Ta 'abo yaita etaetapewana be gosenao tuta yauna 'igiewaiwaiyedi, nadigega 'ida guinuwa'esa. Ta 'abo yaita tuta yauna 'i'ebwa'ebwaya daita, ma ina 'atetagwala 'ida guinuwa nadigega. Ta 'abo toanuganao paisewa 'ilobwenedi, sida paisewa tuga. Ta wate 'abo yaita 'ina 'atenuwa 'ole'oleyega gosenao 'ilemelemedi, ma ina gwausowala 'ida guinuwa.

1 Kolinita 13:3

Ta 'eguma 'igu gwegwe maibo'ana yaeguyaiye tomota 'ediya, be bwalagu wate yatagwale be sigabu 'idi taliya manuna, ta 'eguma nigeya oboboma 'ateguya 'imiyami, 'igu paisewa nidi uwadi geya'abo yalobaloba.

Galetia 2:10

Ta 'ebweu yage manuna sigie nuwa'i'isima, 'aene gomabesoyao 'ada lemedi, be to'ase 'enega sikukupa 'ada 'ebwa'edi. Yage gete 'ibobo'ana wawasae be tuta yauyauna yaetaetapewa waiwai manuna.

Epeso 4:28

To'ipwalao 'ilobwenedi be silosa'u, ta esi paisewa bobo'ana nimadiyega sida guiguinuwe, be paisewa nina 'ana maisa 'enega lema sida 'ebwa'ebwaya togomabeso 'ediya.

1 Tesalonaika 2:6

Ta wate yage nidi 'aguiguinuwedi matamiya ta wate mali tomota matadiya nigeya tauma 'ama tupu manuna, ta esi 'omi 'ami lema manuna. Ona'ai'aila, 'abo'ama Keliso 'ana tosimanao, 'enega 'ilobwenema be 'aetoloina 'emiya, ta nigeya.

1 Timoti 6:18

Ta wate toesaesa nidi 'uemataluwedi be guinuwa bobo'adi be eobooboboma be lo'ebwa'ebwaya 'ediyega sida eesaesa 'ai'aila.

Pilimoni 1:7

Tasigu, 'imu obobomega toekalesiyao ni'atu 'ulemelemedi ga 'adi lotoona 'igiebobo'anena, ta teteliyo 'imu bubuna bobo'ana manuna 'abo'agu wate yanonona, ga 'enega yagwausowala sinabwana.

Ibeliu 13:16

'Ebweu taliya wate Yaubada nuwanuwana sinabwana, nate oboboma tomota manudi ma ida 'atenuwa'ole'ole.

1 Pita 4:11

'Enega yaisigedi 'omi waetosimana wada etosimana tuga nadigega Yaubada 'ina ona wasimasimane, ta 'abo yaisigedi 'omi walemalema wada lema tuga 'imi waiwai maibo'anega, nadigega waiwai nina 'i'ebwa'emi, be 'enega guinuwa maibo'adi 'ediyega tomota Yesu Keliso sida mwalatoni be Yaubada sida tupu, manuna tauna Toesaesa sana, ta Toewaiwai sana, tuta maibo'ana 'ediya. Eimeni.