Madiu 5:9 - Loina Tabu Auwauna NT

⁹ 'Omi togienuwa siwalowao wada gwausowala, manuna Yaubada 'ida 'awanatunemi.

Madiu 5:9 Kruisverwysings

Madiu 5:45

Gete 'enega tamada galewaya 'ida 'awanatunemi, manuna tauna oboboma 'alena, be tauna 'ina sinala 'isaesae toto'umalidi be wate tobobo'adi 'ediya, ta wate 'ina 'usana 'itagwatagwale topalupaludi be wate taudi nigeya topalupaludi 'ediya.

Madiu 5:48

Ta 'omi 'ilobwenemi be adelimi bobo'ana maibo'ana, nadigega Tamami galewaya.

Luke 20:36

Manuna 'iabe taudi nadigega aniloseyao, be geya'abo wate simwawamwawasa limana, ta esi Yaubada 'ida 'awanatunedi manuna mwawasega sitoolo limana.

Luke 6:35

Ta 'omi esi 'ilobwenemi be 'ami talauwalao wada yaledi be wada obobomedi be wada 'ebwaya 'ediya, ta geya'abo e'isa manuna wayamwayamwa. Ta ma'etamo 'ami e'isa sinabwana wada loba, be 'enega 'omi Toloetana sana natunao. Manuna tauna toto'umalidi ta wate tooopa'alao 'iobobomedi.

Guinuwa 7:26

“Ta mali 'asiyata ga Mosese tasinao 'eluwa 'ilobedi sie'ue'upwa, ta nuwanuwana be 'igielosa'udi ga 'igwae, ‘Gosegwao, 'omi susu 'ebweuna, ta mwa'adega ga 'imi miya wagiegie to'umaliye?’

Loma 12:18

Ta wate wada toowaiwai be bubuna bobo'ana 'enega miya siwalowa manuna wada e'ita tomota maibo'adi 'ediya.

Loma 8:14

ta wate Yaubada 'i'awa natuneda 'abo Yaluyaluwana tamuliye.

Loma 8:16

Be wate yaluyaluwanana 'enega yaluyaluwada mwalatoi 'i'ebwa'edi, be 'enega tamwalamwalatoni 'aene 'abo'ada Yaubada natunao.

Loma 8:19

manuna Yaubada 'ina mwelumweluluwao maibo'adi siyamwayamwa be nuwanuwadi sinabwana be 'aene natunao nida 'ida gieapweseda be sida 'itada.

1 Kolinita 6:6

Ta esi 'omi 'imi guinuwa nigeya palupaludi, manuna taudi nigeya Keliso 'ana toemisao matadiya waetaetala.

2 Kolinita 13:11

Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala.

2 Kolinita 5:20

'Abo'ama Keliso 'ana tosimanao ga Yaubada 'emega 'iloguguya 'emiya, ta Keliso manuna 'asidemi be Yaubada 'ena wada egosigosiyana limana.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Epeso 4:1

'Enega yasida 'emiya be 'omi wada bubuna bobo'ana, gete tugai 'abo'agu deliya yamiyami 'Inapwana 'ina guinuwa manuna, ta 'omi 'Inapwana nina tauna ni'atu 'ibwauyemi 'ina guinuwa manuna, 'enega 'ilobwenemi be to'ase 'ina guinuwa nina 'ana lobwene wada bubuna

Pilipai 4:2

'Omi iine Yu'odia be Sinitiki yasidasida 'emiya be wada egosigosiyana limana, 'ida 'Inapwana 'ina nuwanuwa nadigega.

Kolose 3:13

ta wada elemalema 'ebweuna 'ebweuna 'enaya, ta geya'abo wate gosemiyao walo'alo'aegiledi, ta esi 'idi to'umalinao wada nuwataudi, manuna 'ida 'Inapwana tauna wate 'imi loegesiyao 'inuwataudi.

Ibeliu 12:14

Wada toowaiwai be wada miya siwalowa tomota ma'emiyao, ta wate wada toowaiwai be 'imi bubuna 'ida bobo'ana maibo'ana, manuna 'abo yaita nigeya 'ina bubuna bobo'ana geya'abo sa'i 'Inapwana 'i'ita'ita.