Madiu 5:18 - Loina Tabu Auwauna NT

¹⁸ Ona'ai'aila loina getedi ma'etamo sida apwesa ta geya'abo 'ebweu to'ase gidala kwakwayona 'isawasawala be 'ana laba galewa ta bale'u sisasawala.

Madiu 5:18 Kruisverwysings

Madiu 10:15

Ona'ai'aila, ma'etamo bwa'omatana 'ana tuta 'enaya, taudi 'asa nidi siguitoyasemi loina sinabwa wawasae siloba, ta nigeya nadigega me Sodoma be me Gomola 'adi loina.

Madiu 10:23

“Ta 'eguma 'ebweu sena 'ena siunuunumi wadedena mali 'asa 'enaya. Ona'ai'aila, ma'etamo geya'abo 'asa maibo'ana Isileli solanaya waguiguinuwa egumwali ta 'abo'agu Tomota Natuna yailama.

Madiu 10:42

Ta 'abo 'oyo bwasi gonitu 'agu toemisa auwauna 'ebweu 'ena 'u'ebwaya, yaeonayo ma'etamo 'amu pali bobo'ana 'uloba.”

Madiu 11:11

'Enega Yesu wate 'iona ga 'igwae, “Ona'ai'aila, Yoni togiebapitaiso tauna me bale'u maibo'adi 'isinabwa sinedi, ta maibo'adi taudi Yaubada 'ina 'ebeloina solanaya Yoni sisinabwa sinena.

Madiu 13:17

Ona'ai'aila, yage getedi wa'ita'itadi ta wanononodi lowa palopitao be topalupaluyao nuwanuwadi sinabwana be sida 'itadi nai sida nonodi, ta nigeya silobalobadi.

Madiu 16:28

“Yaona 'ai'aila 'emiya 'aene tomota 'aimi geya'abo wamwawamwawasa 'ana laba 'abo'agu, Tomota Natuna, yailama sabi loina be 'ena wa'ita limagu.”

Madiu 17:20

Ga Yesu 'igwae, “Manuna 'imi emisa nenetana. Yaona'ai'aila 'eguma 'imi emisa 'ana waiwai beno atuna nadigega, ma'etamo 'oya gote 'ena wagwae, ‘Gete 'enega 'umiya dolo’, 'iabe 'ida ematamatana tuga. Nadigega wate yage maibo'ana sawesawemiya be waguinuwedi.”

Madiu 18:18

“Yaona'ai'aila to'ase 'abo bale'uya wayonidi, yage nidi galewaya 'iabe wate siyonidi. Ta wate to'ase 'abo bale'uya wali'amidi 'iabe yage nidi wate galewaya sili'amidi.

Madiu 18:3

ta 'ieonedi, “Yaona'ai'aila yaisigedi 'omi 'eguma 'imi nuwamwa'uta gwama gete nadigega, 'omi toloetana Yaubada 'ina loina solanaya, ta 'abo nigeya wanuwanuwa'ebuni be gogama gidalidi nadigega, geya'abo sa'i walugulugu 'ina 'ebeloina 'enaya.

Madiu 19:23

'Enega Yesu 'ina tononoyao 'ieonedi, “Ona'ai'aila, toesaesao 'idi lugu Yaubada 'ina 'ebeloina solanaya mwauna.

Madiu 19:28

Ta Yesu 'ieonedi, “Ona'ai'aila, ma'etamo bale'u 'ana gieauwau 'enaya 'abo'agu Tomota Natuna 'igu 'ebemi esaesa 'ena yada miyatowa, ta wate 'omi 'igu tononoyao wate tuwelo 'imi 'ebemiya tuwelo 'ediya wate wamiyatowa be me Isileli 'idi susuyao tuwelo wada loinedi.

Madiu 21:21

Ta Yesu 'ieonedi, “Yaona 'ai'aila 'emiya, 'eguma ma imi emisa ta nigeya ma imi enuwanaluwa, yage gete kaiwe 'ena yaguinuwenaya 'omi wate nadigega wada guinuwa'esa, be 'abo 'oya gote waloine be wagwae, ‘'Umiya dolo olaya’, 'ida guinuwa nadigega.

Madiu 21:31

'Enega siteluwa nidi getedi 'ediyega yaita tamana 'ina ona 'imuliyena?” Ta sigwae, “Tomatuwa.” 'Enega Yesu 'ieonedi, 'igwae, “O, ona'ai'aila toto'umalidi taudi takisi 'ana to'ewao be tosogalao wate nadigega sida gimilugu Yaubada 'ina 'ebeloina 'enaya, ta 'omi mulidiyega.

Madiu 23:36

Ona'ai'aila, loemwawasa nidi maibo'adi 'adi e'isa 'epata getemi waloba.

Madiu 24:2

Ta Yesu 'igwae, “Anuwa nidi maibo'adi wa'ita'itadi, yaona'ai'aila ma'etamo maibo'adi siligeya yauledi be geya'abo wate 'ebweu tupwa wa'ita'ita lima.”

Madiu 24:47

‘'Imu guinuwa bobo'ana manudi yagwausowala, 'enega yage maibo'adi 'adi loina ya'ebwa'eyo be 'uloine.’

Madiu 25:12

Ta 'idi ona 'ie'isena, 'igwae, ‘'Omi mali boda, nigeya yamwalamwalatonimi.’

Madiu 25:40

“'Enega yada ona 'ediya be yada gwae, ‘Ona'ai'aila, 'eguma yaita 'oyo gosegwao gidalidi 'ebweuna 'ulemei, nate 'ena 'abo'agu wate 'ulemegu.’

Madiu 25:45

“Be yada eonadi, ‘Ona'ai'aila, tuta nidi 'ediya 'abo tomota gidalidi getedi 'ebweuna nigeya walemelemei, nate 'ena nigeya walemelemegu.’

Madiu 5:26

ta geya'abo sa'i 'uapweapwesa be 'ana laba 'imu lowaga maibo'ana 'uyotula egumwalidi!

Madiu 6:16

Wate 'abo tuta nina 'ena tapwalolo manuna 'e'ai 'enega waedidigula, geya'abo maninimi watuetue goegowa 'atuwa tonuwamwau. Gete tokabo 'idi guinuwa nadigega, manuna taudi 'adi 'ita sigie to'umaliyedi be 'aene 'idi edidigula tomota sida mwalatoni. Ona'ai'aila 'adi tupu tuta gete namo silobaloba, ta ma'etamo nigeya.

Madiu 6:2

'Enega tuta nina wa'ebwayadaita gomagomabesodi 'ediya, geya'abo yoguli wamu'emu'e, nadigega tokaboyao taudi anuwa tapwalolo nai 'asa 'ediya 'idi 'ebwayadaita mulinaya yoguli simu'edi be 'aene tomota sida tupudi. Ona'ai'aila 'adi e'isa tuta gete namo 'enaya silobaloba, ta esi tuta 'imeemai geya'abo e'isa silobaloba.

Madiu 8:10

'Ina simana gete 'enega Yesu 'igwausowala sinabwana, 'enega 'iasakowasi ga boda nidi simulimuliye 'ieonedi, 'igwae, “Ona'ai'aila, nigeya 'ebweu yaita yalobaloba me Isileli 'emiyega 'ina emisa tai gete nadigega,

Maki 10:15

Manuna 'abo yaisigedi taudi geya'abo gogama getedi nadigega 'idi emisa, geya'abo sa'i Yaubada 'ina 'ebeloina 'ena silugulugu.”

Maki 10:29

Ta Yesu 'igwae, “Ona'ai'aila, 'eguma yaisigedi 'omi 'imi anuwao, tasimiyao, nuumiyao, sinamiyao, tamamiyao, natumiyao be 'imi bwa'ao wate wapilisinedi, ta wate 'elouya wada loba manugu be tetela bobo'ana 'ana simana manuna,

Maki 11:23

Wate yaona 'ai'aila 'emiya 'eguma yaita 'oyo nigeya 'uda enuwanaluwa ta esi 'uemiemisa be to'ase 'uda ona sida apwesa tuga, 'eguma 'oya gote 'uloine be 'ugwae, ‘'Umiya dolo olaya,’ 'imu ona 'ida ematamatane tuga.

Maki 12:43

'Enega Yesu 'ina tononoyao 'ibwau egogonedima, ga 'ieonedi, 'igwae, “Ona'ai'aila, kwabula gote 'ina 'ebwayadaita maibo'adi 'idi 'ebwayadaita 'isinabwa sinedi.

Maki 13:30

Ona'ai'aila 'epata gete geya'abo wagumwagumwala be 'ana laba yage nidi maibo'adi sida apwesa.

Maki 14:18

ga site tuwelo simiyatowa sabi 'e'ai. Ta 'idi 'e'ai solanaya Yesu 'ieonedi, “Gosegwao yaona 'ai'aila 'aene 'ebweuna tai gete tuga ma'edai ta'e'ai, ta sa'i 'iabe 'itelesipupuyegu.”

Maki 14:25

Ta yaeonemi tuta gete be mulinaya oine gete geya'abo 'enega yanumanuma limana ga 'ana laba oine auwauna yanunuma Yaubada 'ina senaya.”

Maki 14:30

Ta Yesu Pita 'ieonena, “Yaona 'ai'aila, boiboi batuwa muliyega be kakaleko 'igwagwane maluwa, ta 'oyo 'uda gimi eyaseyaseyegu matoi.”

Maki 14:9

Ta ona'ai'aila, ma'etamo teteligu 'ana loguguya tomota sinoonoi bale'u maibo'ana 'enaya, ta waine gete 'ina guinuwa 'eguya tetelina sida emwasali wate.”

Maki 3:28

'Enega gete yaeona 'ai'ailimi 'aene tomota 'idi loegesiyao be 'idi ona to'umalina maibo'ana Yaubada 'ida nuwataudi,

Maki 6:11

Ta sa'i 'eguma 'asa 'aina 'ediya waapwesa be tomota nidi nigeya si'au'au'ewami 'idi anuwa 'ediya be wate nigeya 'imi guguya sinoonodi, 'asa nidi nedilina 'aemiyega waloutuutu yauledi ta wapilisinedi, be 'enega wae'itadi 'aene 'iabe mwau 'ediya 'iapwesa.”

Maki 8:12

Ta Yesu ma ina nuwamwau 'ieonedi, 'igwae, “Mwa'adega ga 'enega 'epata gete 'omi nuwanuwami we'iwe'iyaya, ta esi geya'abo 'ebweu wate we'iwe'iyaya wa'ita'ita.”

Maki 9:1

“Ta Yesu 'ieonedi wate, 'igwae, “Yaona 'ai'aila 'emiya 'aene tomota 'aimi geya'abo wamwawamwawasa ga 'ana laba Yaubada 'ina loina waiwaina 'ida apwesa be wada 'ita.”

Maki 9:41

“Ta wate wada nuwa'i'isi 'aene 'eguma tona'ami 'iyapayapasa be 'ebweu yaita 'ienumami manuna 'omi Keliso 'ina bodao, tauna 'ana pali bobo'ana ma'etamo 'iloba.

Luke 11:51

nate Ebeli siloemwawasina ga 'enega siloeloemwawasa ga 'ana laba Sakalaya 'ina tuta 'enaya siloemwawasina Anuwa Tabu ta 'ebe taliya gamwagamwanidiya. Ona'ai'aila, loemwawasa nidi maibo'adi 'adi e'isa 'epata getemi waloba.

Luke 12:37

Ta 'abo matadi pa'alina be sigibugibubudi ta siyamwayamwa be 'ilobadi, 'iabe sida gwausowala sinabwana. Ona'ai'aila 'idi 'inapwana nina 'iabe 'ina 'ali'eiyao nidi 'adi 'oama 'i'ote, ta 'ali'eiyao nidi simiyatowa ta tauna manudi 'ida etopaisewa.

Luke 13:35

'Enega Yaubada 'iabe 'ipilisineyo, ta yaeonayo 'aene geya'abo wate 'u'ita'ita limagu be 'ana laba 'imu tomotaiyao sitatagwala 'eguya be sida gwae, ‘Tauna Yaubada 'ana esanega 'imeemai tada tupu.’

Luke 16:17

Galewa be bale'u 'idi sawala kapekapeyana, ta Mosese 'ina loinao 'anabwa'ayoi gidala sedaidi, geya'abo sa'i sigumwagumwala.”

Luke 18:17

Manuna 'abo yaisigedi taudi geya'abo gogama getedi nadigega 'idi emisa, geya'abo sa'i Yaubada 'ina 'ebeloina 'ena silugulugu.”

Luke 18:29

Ta Yesu maibo'adi 'ieonedi, 'igwae, “Yasimana palupalu 'emiya, 'abo yaisigedi 'omi 'imi 'asa nai mwanemiyao nai tasimiyao nai tamamiyao nai sinamiyao nai natumiyao wapilisinedi be Yaubada 'ina loina 'ena watagwalemi,

Luke 23:43

Ta Yesu 'igwae, “Yaona 'ai'aila 'emuya, 'oyo ta 'abo'agu 'iabe sena bobo'ana 'ena tada miyami.”

Luke 4:24

Ta yaeona 'ai'ailimi 'aene nigeya 'ebweu palopita 'ina bodao 'ediyega 'ana 'amayaba 'ida lobena.

Yoni 1:51

Ta Yesu wate 'igwae, “Yaona 'ai'aila 'emiya 'aene ma'etamo galewa 'ege'egegena 'ena Yaubada 'ina aniloseyao wa'itadi, situ'etu'e be simwa'umwa'utama 'abo'agu Tomota Natuna manugu.”

Yoni 10:1

Ta Yesu wate 'ediya 'igwae, “Yaona 'ai'aila 'emiya, 'abo yaita sipi 'adi 'ali 'awanega nigeya 'ilugulugu ta mali senega 'imwela taona, tauna tuga to'ipwala.

Yoni 10:7

Ta Yesu 'ediya 'ionalimana, 'igwae, “Yaona 'ai'aila 'emiya, 'abo'agu sipi 'idi 'awa nina.

Yoni 12:24

Ta wate 'ediya 'igwae, “Yaona 'ai'aila 'emiya, 'abo ewana bwa'a 'ena tadauni, ma'etamo bwa'a solanaya 'idadaula, ta esi solanega 'itatabwa be uwana bobo'ana 'isusaila, manuna 'eguma geya'abo bwa'a solanaya tadaudauni, geya'abo sa'i 'itabwatabwa be uwana bobo'ana 'isusasusaila.

Yoni 13:16

Ta yaona 'ai'aila 'emiya 'aene nigeya 'ebweu yaita toguinuwa 'ina 'inapwana 'ida loetana sinena, ta nigeya 'ebweu wate toepilialeale 'ana toetune 'ida loetana sinena.

Yoni 13:38

Ta Yesu Pita 'ena 'igwae, “'Imu ona 'eguya nigeya yaemiemise, ta yasimana 'ai'aila 'emuya 'aene boiboi gete 'enaya 'uda eyaseyaseyegu matoi, be muliyega kakaleko 'igwagwane.”

Yoni 14:12

Ta yaona 'ai'aila 'emiya, 'abo yaisigedi 'omi waemisegu, guinuwa nidi waiwaidi yaguiguinuwedi 'omi wate nadigega wada guinuwedi, ta wate ma'etamo 'imi guinuwa waiwai wawasaedi wada gieapwesedi, manuna 'abo'agu yatatauya Tamagu 'ena.

Yoni 16:20

Yaona 'ai'aila 'emiya 'aene ma'etamo ma imi nuwamwau wadedoi, ta esi me bale'u maibo'adi sigwausowala. Ta 'omi ma'etamo wanuwamwau ta 'imi nuwamwau nina 'ida gibuni be wagwausowala.

Yoni 16:23

“Ta 'abo tuta nina 'imamai, 'omi geya'abo to'ase manuna waenaenaida 'eguya. Ta yaona 'ai'aila 'emiya, 'eguma 'agu esanega Tamagu 'ena to'ase manuna wasisida, 'ida 'ebwa'emi tuga.

Yoni 21:18

Ta yaona 'ai'aila 'emuya 'aene 'imu tuta gwama 'ena, tauyo 'amu 'oama 'u'ote'ote be to sena 'ena nuwanuwayo be 'utatauya 'uda tauya tuga, ta 'abo tuta nina 'ue'ina'inapwanaya nimayo 'uda yasitoto be mali tomota 'amu 'oama sida e'oteyo, be to sena nina 'ena geya nuwayo 'utatauya, sena nina 'ena sida tauyeyo.”

Yoni 3:11

Yasimana palupalu 'emuya 'aene yage nidi ni'atu 'a'itedi ta 'amwalamwalatonidi 'enega 'asimasimanedi 'emiya, ta nigeya 'ima onao nidi wada emisedi.

Yoni 3:3

Ta Yesu 'ilolagata ga 'ieonena, “Yaona 'ai'aila 'emuya, 'eguma nigeya 'utubutubuwa limana, geya'abo Yaubada 'ina 'ebeloina 'u'ita'ita.”

Yoni 3:5

Ta Yesu 'iona limana, “Yasimana 'ai'aila 'aene 'eguma nigeya bwasiyega be Yaluyaluwa Tabuna 'enega 'utubutubuwa, geya'abo Yaubada 'ina 'ebeloina 'enaya 'ulugulugu.

Yoni 5:19

'Enega Yesu tomota nidi 'ieonedi, 'igwae, “Yaona 'ai'aila 'emiya, 'abo'agu nigeya sawesaweguya be taugumo yada guinuwa, ta esi 'igu guinuwa getei to'ase nadigega ya'itena Tamagu 'iguiguinuwe; 'enega yage nidi Tamagu 'iguiguinuwedi 'abo'agu wate nadigega yaguiguinuwa'esa.

Yoni 6:26

Ga tomota 'ediya 'igwae, “Yaona 'ai'aila, 'omi nigeya wa'ebe'ebesegu we'iwe'iyaya manudi, ta esi 'imi 'ebesa 'alena manuna beledi nidi wa'enidiya ga gamwami 'ipawa.

Yoni 6:32

'Enega Yesu tomota nidi 'ieonedi, 'igwae, “Yaona 'ai'aila 'emiya 'aene Mosese tauna nigeya masula galewega 'i'ebwa'ebwa'emi, ta esi Tamagu tauna masula 'ai'aila galewega 'ana to'ebwaya 'emiya.

Yoni 6:47

“Yaona 'ai'aila 'emiya 'aene yaisigedi taudi siemisegu yawasidi ataya siloba.

Yoni 6:53

'Enega Yesu 'ieonedi, 'igwae, “Yaona 'ai'aila 'emiya, 'abo'agu Tomota Natuna, ta 'eguma bwalagu geya'abo wae'ani ta wate 'eguma lalagu geya'abo wanumanumai, geya'abo sa'i yawasimi ataya wa'ewa'ewa.

Yoni 8:34

'Enega Yesu 'ieonedi, “Yaona 'ai'aila 'emiya, 'abo yaisigedi taudi 'idi guinuwa to'umalina, taudi to'umalina nina 'iyoniyonidi, be to'umalina 'ina sena 'ena simiyami.

Yoni 8:51

Yaona 'ai'aila 'emiya, 'abo yaita 'igu ona 'imuliya 'ai'ailidi, tauna geya'abo sa'i 'imwawamwawasa.”

Yoni 8:58

Ga gote 'inapwanao nidi 'ieonedi, 'igwae, “Yaona 'ai'aila 'emiya, 'aene muliyega be Ebelaamo 'itutubuwa ta 'abo'agu tuga yamiyami.”

1 Pita 1:25

Ta esi 'Inapwana 'ina ona miyamiya atayana.” Ona nina gete tuga 'edaya 'imiyami, nate tetela bobo'ana tauna ni'atu wanonona.

E'ita'ita 20:11

'Enega 'ebweu 'ebemi esaesa wakewakekena ta sinabwana, be 'ana tomiya nina, ya'itena. Ga matanega galewa be bale'u sisawala, be nigeya sawesawenaya taloba limadi.