Madiu 5:14 - Loina Tabu Auwauna NT

^14-15 Ta wate 'omi 'atuwa mayale me bale'u manudi. 'Eguma mayale taloe'abiya geya'abo 'ule 'enega ta'au'aukabobo, ta esi 'ebesa'u etaninaya tasa'u be anuwa maibo'ana 'ida maedana. Wate nadigega 'eguma 'oya debanaya talo'asa, nigeya kapekapeyana be 'asa nina takwaiye.

Madiu 5:14 Kruisverwysings

Yoni 12:36

Ta 'abo maedana 'emiya 'imiyami, maedana nina 'ena wada emisa, be 'enega 'omi maedana natunao ga maemaedanimi. Yesu 'ina ona gete 'i'inanedi ga 'ipilisinedi ta 'ediyega 'ikwaiya.

Yoni 5:35

Ta Yoni nina nadigega mayale tuyatuyayalina, ga 'omi lowa tuta gidalina namo 'enaya nuwanuwami, ga 'ina maedana nina 'enega wagwaugwausowala.

Yoni 8:12

Ta Yesu 'ediya 'iona limana, 'igwae, “'Abo'agu me bale'u 'idi maedana, be 'enega yaita tauna 'imuliyegu maedana nina yawasina 'ena 'ida sae, ta geya'abo wate guguyoi 'ena 'itautauya.”

Yoni 9:5

'Enega 'abo'agu tuta nina bale'u 'ena yamiyami, 'abo'agu bale'u 'ana maedana.”

2 Kolinita 6:14

Geya'abo watubwetubwemi taudi nigeya siemiemisa Keliso 'ena ma'emiyao, manuna nigeya sawesawenaya bubuna bobo'ana be to'umalina ma'ebweuna waguiguinuwa. Wate nigeya sawesawenaya maedana be guguyoi ma'iyana siegosigosiyana.

Pilipai 2:15

be 'aene 'omi Yaubada natunao bobo'ami ta 'esasemi, ta nigeya 'ebweu wate 'imi to'umalinamo, be me bale'u 'idi mayale 'omi. Manuna taudi 'idi bubuna guguyoi ta taudi adelidi toto'umalidi.

1 Tesalonaika 5:5

Manuna 'omi maedana 'ana tomiyanao, 'enega maedanega tada tauya, ta geya'abo guguyoi 'ina 'edega.

E'ita'ita 1:20

“Gete kwadima nidi sebeni 'ataiguya 'u'itediya, be wate mayale nidi sebeni 'u'itediya, 'adi mwalatoi kwaikwaiyidi 'emuya, 'enega 'emuya yada li'amidi. Kwadima nidi sebeni nate aniloseyao sebeni, ekalesiyao nidi sebeni manudi, ta mayale nidi sebeni nate taudi ekalesiyao nidi sebeni.”

E'ita'ita 2:5

Lowa bobo'ami, ta wada nuwa'i'isi mane 'enega wabe'u, 'enega wada nuwa'ebuni limana be wada guinuwa bobo'ana, nadigega lowa. Ta 'abo sa'i geya'abo wanuwanuwa'ebuni, 'emiya yawawai be 'imi mayale 'emiyega ya'ewayaule.