Madiu 4:23 - Loina Tabu Auwauna NT

²³ Yesu Galili maibo'ana 'iasakowasiyena, ta 'idi anuwa tapwalolo 'ediya 'iloguguya, ta tetela bobo'ana Yaubada 'ina loina manuna 'isimasimane, ta wate tomota 'adi le'oasao 'ediyega 'igiebobo'anedi maibo'adi.

Madiu 4:23 Kruisverwysings

Madiu 11:5

tomata kebokebo matadi ni'atu si'esasediya, tolopegoi ni'atu sibobo'ana ga sitautauya, tolepelo bwaladi sibobo'ana limana, totenatui ni'atu ona sinoono, tomwawasa sitoolo limana, ta wate togomabeso tetela bobo'ana ni'atu sinonona.

Madiu 12:9

Gote 'enega Yesu 'itauya ga 'idi Anuwa Tapwalolo 'ena 'ilugu.

Madiu 13:19

'Eguma yaita Yaubada 'ina loina tetelina 'inono namo, ta nigeya 'inuwanuwa sabwaleni, ma'etamo togieto'umali nina 'imamai be ona nidi tai 'atenega 'i'ewayauledi. Nate atu nidi sibe'ube'u 'edaya 'adi mwalatoi.

Madiu 13:54

ga 'iila 'ina 'asaya, ta 'idi Anuwa Tapwalolo 'ena 'ilugu ga 'ie'itedi, ta tomota nuwadi 'iowana ga sigwae, “Tai gete mane 'enega 'ina sinasinapu be 'ina guinuwa waiwaidi 'i'ewa'ewa?”

Madiu 14:14

Ta tuta nina Yesu wagega 'isuya dabalaya pwalu sinabwana 'i'itedi, ga 'ina nuwa'ole'oleyega tole'oasao 'igiebobo'anedi.

Madiu 24:14

“Ta Yaubada 'ina loina tetelina 'ida 'elelewana nugana sena maibo'ana 'ediya, be muliyega tuta 'ana 'ebe losalowa 'ida apwesa.

Madiu 3:2

“'Imi bubuna to'umalina 'ediyega wada nuwa'ebuni manuna Yaubada 'iabe be 'edaya 'ietoloina.”

Madiu 9:35

'Enega Yesu 'asa sinabwadi be gidalidi 'ediya 'isakowasi, ta 'idi anuwa tapwaloloyao 'ediya 'ie'ita ta 'iloguguya Yaubada 'ina loina tetelina manuna, ta wate le'oasa yaudi 'ediyega tomota 'igiebobo'anedi.

Maki 1:14

Ga tuta nina 'ena Kini Elodi 'iloina ga 'enega Yoni deliya sisa'u luguyena ga muliyega Yesu 'iapwesa Galili, ga Tetela bobo'ana Yaubada 'enega 'iloguguyaena,

Maki 1:21

Ga muliyega simai 'asa sinabwana 'ana esana Kapaneumi 'enaya, ga Sabateya Yesu anuwa tapwalolo 'ena 'ilugu ga 'ie'ita.

Maki 1:39

'Enega Galili maibo'ana 'iasakowasiyena ga 'idi anuwa tapwalolo 'ediya 'iloguguya ta wate yaluyaluwa bi'i tomota 'ediyega 'iula apwesedi.

Maki 6:2

Ga Sabateya 'idi anuwa tapwalolo 'ena 'ilugu ga 'itoolo ta 'ie'ie'ita ga tomota sinonona, ta yauyaudi nuwadi 'iowana 'ina mwalatoi be 'ina guinuwa manudi, ga sigwae, “Tai gete mane 'enega 'ina sinasinapu 'ilobena? Ta wate guinuwa nidi waiwaidi nimanega 'iguinuwedi, mane 'enega 'ina waiwai 'ilobena?”

Maki 6:6

'Enega Yesu 'isakowasi 'asa 'ediya ta 'ie'ie'ita.

Luke 10:9

Ta wate 'asa nina 'ena wamiyami 'idi tole'oasao wada giebobo'anedi, ta wate toni'asao waeonadi, wagwae, ‘Yaubada 'ina loina selabenaya be 'iapwesa 'emiya.’

Luke 13:10

'Ebweu Sabate 'enaya Yesu anuwa tapwalolo 'ena 'ilugu ga 'ie'ie'ita.

Luke 16:16

Ta ona'ai'aila, Mosese be palopitao 'idi loinao 'emiya simiyami 'ana laba Yoni togiebapitaiso 'imai, ta tuta gote 'enega ga batuwa tetela bobo'ana Yaubada 'ina loina manuna 'etamo 'asimasimanedi, ta 'ebeloina nina manuna tomota yaudi ma idi waiwai sitootoo ta silugulugu.

Luke 20:1

'Ebweu tuta 'enaya, Yesu 'ie'ie'ita Anuwa Tabu 'enaya, nate Tetela Bobo'ana 'isimasimana tomota 'ediya, ta totaliyao be loina 'ana toe'itao be wate 'inapwanao simai ga Yesu sienaidena,

Luke 4:14

'Enega Yesu Yaluyaluwa Tabuna 'ina waiwaiyega 'iila limana Galili. Ga gote 'ena Yesu tetelina 'i'elelewana Galili senanao 'ediya,

Luke 5:17

'Ebweu 'asiyata 'enaya Yesu boda 'ie'ie'itadi. Ta 'aidi Palisiyao be loina 'ana toe'itao taudi simai Galili be Yudia be Yelusalema 'asanao 'ediyega ga boda ma'ediyao simiyami ta sienoenono. Tuta gote 'ena Yaubada 'ina waiwaiyega Yesu tole'oasao 'igiegie bobo'anedi.

Luke 6:17

Ga 'ina tosimanao nidi ta wate 'ana tomuliyao yaudi, maibo'adi ma'enao 'oyega siebusima ga 'abatau 'ena sitoolo. 'Abatau nina 'enaya boda sinabwana simiyami, taudi simai Yudia be Yelusalema be wate Taiya ta Saidoni senadi le'awidi 'ediyega.

Luke 6:6

Ta 'ebweu wate Sabate 'enaya Yesu 'ilugu 'ebweu anuwa tapwalolo 'enaya ga 'ie'ita. Anuwa nina 'enaya 'ebweu tai 'imiyami nima'ataina meyomeyona.

Luke 7:21

Tuta gete 'enaya Yesu 'etamo tuga tole'oasao 'adi le'oasao, be 'adi muyao, be yaluyaluwa bi'i 'ediyega 'igiegie bobo'anedi, ta wate tomatakebokebo matadi 'igie 'esasedi.

Luke 7:22

'Enega muliyega siteluwa nidi 'idi enaida Yesu 'ie'isena, 'igwae, “Waila be Yoni 'ena waemwasala yage nidi 'eguyega ni'atu wanonodiya ta wa'itedi, nate: tomatakebokebo matadi ni'atu si'esasediya, tolopegoi ni'atu sibobo'ana ga sitautauya, tolepelo bwaladi sibobo'ana limana, totenatui ni'atu ona sinoono, tomwawasa sitoolo limana, ta wate togomabeso tetela bobo'ana ni'atu sinonona.

Luke 8:1

Ga muliyega Yesu 'itoolo ga 'itauya 'asa sinabwadi be gidalidi 'ediya, Yaubada 'ina loina 'ana tetela bobo'ana sabi loguguyaena, ta 'ina tononoyao nidi site tuwelo ma'enao.

Luke 9:11

Ta nigeya sawesawediya, manuna boda ale sinonona, ga wate Yesu nina simuliyena ga simai 'enaya. 'Enega Yesu 'ediya 'itagwala ga Yaubada 'ina loina manuna 'ie'itedi, ta wate 'adi le'oasao 'igie bobo'anedi.

Luke 9:60

Ta Yesu 'igwae, “Tuwa nada tamayo, ta taudi tomwawasa 'idi tomwawasao sida sa'u'ali'aliyedi. Ta 'oyo esiya 'imu paisewa 'aene 'uda etosimana Yaubada 'ina etoloina manuna.”

Yoni 18:20

'Enega Yesu 'ieonena, ga 'igwae, “'Abo'agu 'igu e'ita apwesaya tomota 'ediya anuwa tapwalolo soladiya ta wate Anuwa Tabu solanaya, 'enega me Yudia maibo'adi tuta nina 'ena silugulugu ga ni'atu 'igu e'itao sinonodi, manuna nigeya 'ediyega yada e'ita kwaiya.

Yoni 6:59

Yage getedi maibo'adi 'isimana apwesedi tuta nina 'ie'ita anuwa tapwalolo solanaya sena Kapaneumi 'enaya.

Yoni 7:1

Ta yage nidi ni'atu sigumwala ga Yesu Galili maibo'ana 'ena 'isakowasi. Ta esi geya nuwana be Yudia senanaya 'ida sakowasi, manuna me Yudia 'idi 'inapwanao nuwanuwadi be 'aene sida loemwawasi.

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Guinuwa 18:4

Ga Sabate 'ebweuna 'ebweuna 'ediya me Yudia 'idi anuwa tapwalolo 'ena 'ionaona, toluguyao ma'enao, ga 'itootoodi be sida emisa, ga 'aidi me Yudia ta 'aidi wate nigeya me Yudia siemisena.

Guinuwa 20:25

“Wanuwa'i'isi lowa tuta yauna 'ediya yasakosakowasi 'emiya ta Yaubada 'ina etoloina tetelina manuna yaloguloguguya, ta gete wanono, ma'etamo geya'abo wate wa'ita'ita limagu.

Guinuwa 28:31

ta Yaubada 'ina loina manuna 'iloguguyedi ta 'ie'ie'itedi 'Inapwana Yesu Keliso manuna, ta nigeya 'ebweu yaita 'itoo be 'ina loguguya 'i'etobode.

Loma 10:15

Ta 'abo 'Inapwana tologuguyao 'ietunedi, be sitatauya 'ediya, 'iabe Yesu tetelina sinono, be siemise, be 'enega 'abo 'ana esanega sisidasida, 'ida 'etoseyedi. Manuna ni'atu Buki Tabu 'ena nadigega 'isimana'esa, 'igwae, “Tologuguya nidi taudi tetela bobo'ana sime'ena 'edaya, manudi tada gwausowala.”