Madiu 3:17 - Loina Tabu Auwauna NT

¹⁷ Ta sa'i 'ebweu 'enana galewega 'ionama 'igwae, “Nate natu'ai'ailigu. Tauna manuna yagwausowala sinabwana.”

Madiu 3:17 Kruisverwysings

Madiu 12:18

“Wa'ita 'igu toguinuwa gete esiesinuwana ta 'ateguyega yaobobomena ma igu gwausowala. Yaluyaluwagu yada sa'u 'enaya be loina palupaludi 'ida simanedi taudi nigeya me Yudia 'ediya.

Madiu 17:5

Pita 'ina ona ma'etamo nigeya 'ilosalosaloni ta pwana maedanina 'italaekabobodi, ta pwana 'enega 'enana 'ebweu sinonona, 'igwae, “Gete natugu bobo'ai'ailina, tauna manuna yagwausowala sinabwana, 'enega 'ina onao wada nonodi.”

Maki 1:11

'Enega 'ebweu 'enana galewega 'ionama 'igwae, “'Oyo natu'ai'ailigu, manuyo yagwausowala sinabwana.”

Maki 9:7

'Enega pwana wate 'imwa'uta ga 'itala ekabobodi, ta pwana 'enega 'ebweu 'enana sinonona, 'igwae, “Gete natugu bobo'ai'ailina, 'ina onao wada nonodi.”

Luke 3:22

ta Yaluyaluwa Tabuna, maoona 'ana 'ita nadigega bunebune, 'imwa'uta Yesu 'enaya. 'Enega 'ebweu 'enana galewega 'ionama, 'igwae, “'Oyo natu'ai'ailigu, manuyo yagwausowala sinabwana.”

Luke 9:35

Ta pwana 'enega 'ebweu 'enana sinonona, 'igwae, “Gete Natugu bobo'ai'ailina, 'ina onao wada nonodi.”

Yoni 5:20

Tamagu 'iobobomegu sinabwana ta 'enega 'ina guinuwa to'ase nadigega 'iguiguinuwedi maibo'ana 'ie'itegu, be wate guinuwa sinabwadi manudi 'ida e'itagu be yada guinuwedi, be 'enega nuwami sida owana manudi.

Yoni 5:37

Ta Tamagu wate tauna 'isimanegu, ta 'omi nigeya 'ebweu tuta 'enana wada nonona, nai maninina wada 'itena,

Epeso 1:6

be Yaubada tada tupui gete oboboma bobo'ana wawasae manuna, tauna Natu 'ai'ailina 'i'ebwaya daitena manuda,

Kolose 1:13

Ona'ai'aila, sena guguyoi 'enega 'i'etoseyeda, ga 'isa'u gelaseda Natuna bobo'ana 'ina 'ebeloina 'enaya,

2 Pita 1:17

Ta tuta nina lowa ma'emai 'oyaya 'amiyami Yaubada 'enana galewega 'anonona 'igwae, “Gete Natu'ai'ailigu, tauna manuna yagwausowala sinabwana.” Ta 'enana nina Tamana 'ina sena 'esasena galewega 'imai, ga 'oya nina debanaya Yaubada tupu ta esaesa maemaedanina Natuna 'i'ebwa'ena.

1 Yoni 5:9

'Eguma tomota 'idi simanao taemisedi, sawesawenaya be Yaubada 'ina simana taemise, manuna Yaubada tauna Toewaiwai, ga Natuna manuna 'isimana 'edaya.

E'ita'ita 14:2

'Enega galewega 'enana 'ebweu yanonona 'atuwa bwasi daudauna, ta wate 'atuwa wepalala 'enana. Ta 'enana nina yanonona 'atuwa tomota ma idi 'ebe gwanegwane siguiguinuwa, 'adi nono bobo'ana.