Madiu 28:19 - Loina Tabu Auwauna NT

¹⁹ 'Enega watatauya be sena maibo'adi 'ediya waloguguya, be 'enega tomota sida emisegu, be wate wagiebapitaisoedi Tamagu 'ana esanega be Natuna 'abo'agu 'agu esanega be wate Yaluyaluwa Tabuna 'ana esanega.

Madiu 28:19 Kruisverwysings

Madiu 13:52

'Enega 'ieonedi, “Gete tuga wada mwalatoni 'aene loina 'ana toe'itao 'eguma ni'atu Yaubada 'ina loina sipanaita 'ai'ailena, taudi 'atuwa nadigega 'ebweu tonianuwa 'ina gwegwe kadekadelidi ta auwaudi soladiya esaesa 'imiyami.”

Madiu 25:32

be 'ebeloina bale'uya maibo'adi mataguya sida egogonedima be yaweyalidi 'atuwa sipi 'adi to'ita'i'ita 'iweyalidi gota 'ediyega,

Guinuwa 1:2

tuta nina bale'uya 'imiyami 'ana laba Yaubada 'i'au'ewa tu'eyena galewaya. Yesu nina 'ina mwawasa mulinaya, mayawasina 'iapwesa 'ana tosimanao esiesinuwadi 'ediya, ga Yaluyaluwa Tabuna 'ina waiwaiyega 'adi loina 'i'ebwa'edi.

Guinuwa 1:8

Ta 'omi esi ma'etamo Yaluyaluwa Tabuna 'imamai be 'igiewaiwaiyemi, be manugu wada etosimana Yelusalema 'enaya, be Yudia ta Samelia 'asanao maibo'adi 'ediya, be wate bale'u maibo'ana 'ediya.”

Guinuwa 14:21

Dabi 'ena tetela bobo'ana siloguguyaena, ga tomota yaudi siemisena, ga simuliyena, 'enega Paulo be Banaba siila limana Lisitila be Ikoniami be Anitioki 'ediya.

Guinuwa 2:41

'Enega 'asiyata nina 'ena 'aina tomota Pita 'ina ona sinonona ga sibapitaiso, ta 'adi yau nadigega 'etoi tausani,

Guinuwa 28:28

'Enega Paulo ona nina wate 'iloeposeyanena, 'igwae, “'Enega wada mwalatoni 'aene Yaubada 'ina simana 'ada 'etoseyana, manuna ni'atu 'ietunena taudi nigeya me Yudia 'ediya, be taudi sa'i sida nono.”

Guinuwa 9:18

'Enega Saulo matanega 'atuwa bwala sibe'u manini ga 'i'ita limana. 'Enega 'itoolo ga 'ibapitaiso,

Loma 10:18

Ga mwa'adega me Yudia nidi ni'atu 'ina ona sinononaya, nai nigeya? Na, ni'atu sinonona, manuna ni'atu Buki Tabu 'ena 'isimana, 'igwae, “'Idi loguguya ni'atu sena maibo'adi sinonona manuna bale'u maibo'ana 'enaya ona nina 'i'elelewana.”

1 Kolinita 15:29

Ta 'abo tomwawasao geya'abo sitootoolo limana, to'ase manuna tomota sibapitaiso tomwawasao nidi manudi?

2 Kolinita 13:14

'Inapwana Yesu Keliso maibo'ami 'ida 'atenuwa 'ole'oleyemi, ta Yaubada 'ida obobomemi, be Yaluyaluwa Tabuna wate ma'emiya wada egosigosiyana 'ai'aila. 'Abo'agu Paulo.

Galetia 3:27

Manuna yaisigedi 'omi wabapitaiso Yesu Keliso 'ana esanega ni'atu Keliso nina ma'emi wamiyami.

Epeso 2:18

Ga tauna 'enega, 'omi be 'abo'ama Yaluyaluwa 'ebweuna 'enega 'i'au'eweda Tamada 'enaya.

Kolose 1:23

nate 'eguma 'imi emisa geya'abo 'ineeneta, be 'eguma watoolo pa'ala tetela bobo'ana nina wanononaya 'ana emisa 'ena, ta nigeya wapilipilisine. Tetela nina 'ana loguguya tomota maibo'adi bale'uya sinononaya, ta 'abo'agu Paulo 'ana tologuguya 'ebweu.

1 Pita 3:21

Bwasi nina gete 'ie'ita 'ai'aila 'edaya 'aene gete tuga bwasi nina 'ebe bapitaiso 'i'etoseyeda. Ta bapitaiso nina 'enega nigeya 'aene bwalada 'ana 'utu namo manuna, ta esi 'ida sidesidega Yaubada 'ateda 'igie'esasadi, Yesu Keliso 'ina toololimana 'enega,

1 Yoni 5:7

Manuna Yesu 'ana tosimanao 'etoi simiyami,