Madiu 27:2 - Loina Tabu Auwauna NT

² 'Enega Yesu nimana siyonidi ga sitauyena toloina sinabwana Pailato 'enaya be 'aene Pailato nina 'ida loine.

Madiu 27:2 Kruisverwysings

Madiu 20:19

be muliyega sida 'ebwayaegu taudi nigeya me Yudia 'ediya be sida tuyeyegu be balaeyega sisapigu, be kelose 'enaya situtu epa'iyegu, be 'asiyata 'etonina 'enaya Yaubada 'ida gietoolo limagu.”

Madiu 28:14

Wate sieonedi, sigwae, “'Eguma toloina sinabwana ale gete 'inonoi 'etamo 'akaboe be 'enega geya'abo 'igamwagamwasowala 'emiya.”

Luke 13:1

Tuta nina 'enaya 'aidi tomota simai ga Yesu 'ena siemwasala, me Galili manudi, sigwae, “'Inapwana, me Galili 'aidi sitalitaliya Yaubada 'ena, ta Pailato 'ina tolosaiyao 'iloinedi ga tomotai nidi siloemwawasidi.”

Luke 20:20

'Enega tuta yauna Yesu siloomata'i'isi be 'aene to'ase 'ina loegesi siloba, be 'enega sisimana toloina 'enaya be 'ietalae, 'enega tomota 'aidi sietunedi Yesu 'enaya be enaidega sikaboe be 'aene 'ina loegesi siloba.

Luke 23:1

'Enega maibo'adi sitoolo ga Yesu si'au'ewena ga sitauyena toloina sinabwana 'ana esana Pailato 'enaya, sabi etalaena.

Luke 23:12

'Asiyata nina 'ena Elodi be Pailato 'idi egamwagamwagu tuta dudulana 'enega siegosigosiyana.

Luke 3:1

Toloina sinabwana Sisa, tauna 'ana esana Taibilia, ni'atu 'iloiloina yakwala pipitini 'ediya, ta 'ubuninaya Ponitio Pailato sena Yudia 'ana toloina, ta Elodi sena Galili 'ana toloina, ta tasina Pilipi sena Itulia be Tilakoniti 'adi toloina, ta Lisania sena Abiline 'ana toloina.

Yoni 18:12

'Enega tolosaiyao nidi ma idi toanuganao be wate me Yudia 'idi 'ali'eiyao Yesu sigiyaina ga nimana siyonina.

Yoni 18:24

'Enega Anasa Yesu 'ietunena, ga ma 'ana yona tolosaiyao sitauyena totaliya sinabwana Kaiyapa 'enaya.

Yoni 18:28

'Enega Yesu Kaiyapa 'ina anuwega si'au'ewena ga sitauyena toloina sinabwana Pailato 'ina anuwaya. Ta ni'atu tomwa 'iulisina, 'enega nigeya sawesawediya be me Yudia nidi silulugu Pailato 'ina anuwaya, manuna to tuta 'ena Ataona masulina sida 'ani geya'abo me Loma 'idi anuwa 'ediya silugulugu. Nate 'idi tabu sinabwana.

Guinuwa 12:6

Ta Pita 'aina 'asiyata 'ediya deliya 'imiyami, be mali 'asiyata 'enaya Elodi Pita 'ida sa'uapwese, ta boiboiya Pita tolosaiyao gamwagamwanidiya 'i'eno'eno, ta 'ana 'ebeyona seni 'eluwa 'ediyega siyonina, ta wate deli 'awanaya tolosaiyao si'ita'i'isina.

Guinuwa 21:33

'Enega boda saiya 'ana toloina nina 'idoloma ga Paulo 'igiyaina, ta 'enega 'iloina ga balae kainumu 'eluwa 'ediyega siyonina, ga 'ienaida pwalu 'ediya, 'igwae, “Yaita tauna? Ta to'ase 'iguinuwena?”

Guinuwa 22:25

'Enega sitauyena anuwaya ga siyonina sabi sapina, ta tolosaiyao 'idi toanugana selabenaya 'itoolo, 'enega Paulo toanugana nina 'ieonena, “'Abo'agu ni'atu yaeLoma, ta nigeya 'ebweu loina 'imiyami be wada sapigu, manuna nigeya 'ebweu to'ase 'igu loegesi walobaloba etala 'enega.”

Guinuwa 22:29

Ga taudi 'aene sisapi silosa'u, ga toloina nina ni'atu 'imwalatonina 'aene Paulo goma Lomana ga 'imatauta, manuna tauna Paulo ni'a 'iyonina.

Guinuwa 24:27

ga 'ana laba yakwala 'eluwa sigumwala, ga Posiu Pesito ni'atu Pilikesa 'ilopa'eluna. Ta Pilikesa nuwanuwana me Yudia tauna sida 'awabobo'ane, 'enega 'iloina be Paulo deliya tuga 'ida miyami.

Guinuwa 28:20

Ta esi taudi 'idi e'ewa 'eguya manuna yabwauyemima be ta'awagwae. Ona'ai'aila, 'abo'ada me Isileli taemiemisa 'aene 'ada 'etoseyana Yaubada 'enega 'ida apwesa, ga emisa gete manuna deliya sisa'u luguyegu.”

Guinuwa 3:13

ta esi Yaubada 'ina waiwaiyega, tauna Ebelaamo be Aisake be Yekobe 'idi Yaubada, ta tubudao 'idi Yaubada, ga ni'atu Yaubada 'ina 'ali'ei Yesu 'ana esana 'igitu'eyena, tauna lowa Pailato nuwanuwana be 'ili'ami, ta 'omi waeyaseyaseyena, ga wa'awa to'umaliyena Pailato matanaya.

Guinuwa 4:27

“Ona'ai'aila, 'asa gete solanaya sideli egogonama sabi losaiya 'imu 'ali'ei 'esasena ta esiesinuwana, tauna Yesu 'enaya, taudi tolosaiyao nidi nate Elodi, be Ponitio Pailato, be me Yudia, be wate taudi nigeya me Yudia,

Guinuwa 9:2

nuwanuwana 'ina letao 'ida 'etoladidi be 'ida tauyedi me Yudia 'idi deliegogonao Damasiko 'ena 'ediya, ta leta nidi 'ediyega 'aene 'eguma Yesu 'ina 'eda 'ana tomuliyao 'ilobadi, me'olotodi nai mewainedi, 'ida giyaidi be 'ida me'edi Yelusalema, sabi etalaedi. 'Enega leta nidi 'i'ewedi ga 'itauya.

1 Timoti 6:13

'Oyo Timoti yaloineyo Yaubada matanaya, tauna yage yauna yawasidi 'ana to'ebwaya, ta wate Yesu Keliso matanaya, tauna lowa Ponitio Pailato 'enaya ona 'ai'ailega 'iona.

2 Timoti 2:9

'Igu loguguya nina manuna 'abo'agu ni'atu miyamwau yalobena, ga deliya siyonigu, 'atuwa toto'umalina 'ebweu. Ta Yaubada 'ina ona geya'abo 'ebweu yaita 'igiegie losa'u.

Ibeliu 13:3

Wate gosemiyao wada nuwa'i'isidi taudi deliya simiyami, be wada lemedi 'atuwa 'omi nadigega deliya ma'emiyao wamiyami. Ta wate gosemiyao taudi simiyamwau wada nuwa'i'isidi be wada lemedi, manuna 'omi tomota tuga, taudi nadigega!