Madiu 26:45 - Loina Tabu Auwauna NT

⁴⁵ Ta 'iila limanama ga 'ina tononoyao 'ilowanowanodi, ga 'igwae, “Mwa'adega, ma'etamo wa'eno'eno ta waeyaeyawai'ata, aga? Ta wa'ita 'abo'agu Tomota Natuna 'igu tuta ni'atu 'iapwesa be sida sipupuyegu toto'umalidi 'ediya.

Madiu 26:45 Kruisverwysings

Madiu 26:18

'Enega Yesu 'iona, “Watauya Yelusalema be 'igu sida 'ebweu tai 'ena wasimane, wagwae, ‘'Ima toe'ita 'ina ona gete nadigega 'aene “'Igu tuta ni'atu 'iapwesama ta nuwanuwagu be 'imu anuwaya Ataona masulina ma igu tononoyao 'a'a'ani.” ’ ”

Madiu 26:2

'igwae, “Wamwalatonina 'asiyata 'eluwa be Ataona Sagalina taguinuwe, be 'enega 'agu tosipupu 'ida 'ebwayaegu 'agu talauwalao 'ediya, be kelose 'ena sida loemwawasigu, Tomota Natuna 'abo'agu.”

Madiu 26:44

'Enega wate 'ipilisinedi ga 'ina sidasida 'etonina 'enaya 'ina sidasida 'eluwena nadigega.

Madiu 26:46

Watoolo be tatatauya, manuna 'agu totelesipupu nina ni'atu gete 'imeema.”

Maki 14:35

Ta Yesu 'ialaga tupwana ga 'ibe'u sanamwa'uta ga 'isidasida 'aene 'abo kapekapeyana 'elouya gete Yaubada 'ida 'ewayaule,

Luke 22:53

Ta to'ase 'alena ga 'enega nigeya wagiyagiyaigu 'asiyata nidi yaudi gamwagamwanimiya yamiyami Anuwa Tabu solanaya, ta yae'ie'ita tomota 'ediya? Ga gete tuga 'aene watoo be wagiyaigu manuna loina guguyoi 'ina tuta ni'atu 'imai saba.”

Yoni 12:23

'Enega Yesu me Gilisi 'idi ona 'ie'isena, ga 'igwae, “'Abo'agu Tomota Natuna, ta ni'atu tuta 'imai saba be 'enega 'agu tupu yaloba.”

Yoni 12:27

“Tuta gete 'enaya nuwagu 'imwau sinabwana, 'enega mwa'adega yasida'esa? Nai Tamagu 'ena yasisida, be tuta mwau gete 'ena 'i'etoseyegu? Nai geya'abo nadigega yasidasida'esa, manuna mwau nina tauna manuna yamai.

Yoni 13:1

Ta ni'atu tuta gidalina be Ataona Sagalina 'ana 'asiyata sida guinuwe, ta Yesu 'imwalatonina 'aene ni'atu 'ina tuta 'iapwesama be bale'u gete 'ida pilisine be 'itatauya Tamana 'ena. Ta Yesu 'ina bodao 'iobobomedi sinabwana, 'enega tuta 'ana 'ebe e'ale 'enega ga 'ana laba 'ina 'ebe losalowa 'ena 'iobobomedi.

Yoni 17:1

Ta ni'atu yage getedi Yesu 'i'inanedi ta galewa 'ena 'i'itatu'e, ga 'isidasida, 'igwae, “Tamagu, 'igu tuta ni'atu 'imai. 'Enega 'abo'agu natuyo 'agu esana 'uda gitu'eye, be 'enega 'abo'agu wate 'amu esana yada gitu'eye.