Madiu 24:7 - Loina Tabu Auwauna NT

⁷ Manuna 'etamo mali boda mali boda 'ediya sida losaiya, ta wate mali 'ebeloina mali 'ebeloina 'ediya sida losaiya, be botana sinabwadi ta mwani'ini'i siapwesa sena yaudi 'ediya.

Madiu 24:7 Kruisverwysings

Luke 21:11

“Ta tuta nina 'enaya mwani'ini'i sena yaudi 'ediya, be botana sinabwadi, be wate 'elouya sinabwadi, ta wate 'iabe 'ebe nuwaowana ta 'ebe matauta galewega siapwesama.

Guinuwa 11:28

ta 'ebweuna 'ediyega, 'ana esana Agabu, 'idi deliegogona 'ena 'itoolo, ga Yaluyaluwa Tabuna 'ina waiwaiyega 'igimi simanena 'aene ma'etamo botana sinabwana 'ida apwesa sena yauyaudi 'ediya, ga muliyega Sisa Kalodiu 'ina tuta etoloina 'enaya botana sinabwana 'iapwesa.

Guinuwa 2:19

Be 'igu guinuwao 'ebe nuwaowana yada e'itaedi galewaya tomota 'ediya, be wate edeedede bada bale'uya, nadigega lala be kaiwe sabelulu be bwawa,

Ibeliu 12:27

Gete nadigega 'ieona'esa manuna yage mwelumweluluidi 'ida gieloniuyedi, be 'enega yage nidi nigeya sipa'apa'ala sida be'u, be yage pa'alidi sida toolo ataya.

E'ita'ita 6:12

'Enega lami nina wate losipwa esikisina 'ili'amina ga mwani'ini'i sinabwana 'iniuniu, ta sinala 'iguguyoi, 'ana 'ita 'atuwa 'ule siyasiyana, ta wate nawalae 'ana 'ita maibo'ana bweyabweyalina, lala nadigega,

E'ita'ita 6:5

'Enega lami nina wate losipwa 'etonina 'ili'amina, ta wate yobai 'etonina 'enana yanonona 'igwae, “'Umai.” 'Enega yadunedune ga 'ebweu osi gaigaina 'iapwesama, ta 'ana togelu nina ma ina 'ebe 'etopwapwa masula manuna.

E'ita'ita 6:6

Ga 'ebweu 'atuwa 'enana yobai nidi ata gamwagamwanidiyega yanonona, 'igwae, “Witi 'ana 'etopwapwa 'ebweuna 'ana maisa 'ebweuna kina, ta wate ba'ali 'ana 'etopwapwa 'etoi 'ana maisa 'ebweu kina, ta esi olibe bunamina be oine geya'abo wagitogitoodi.”

E'ita'ita 6:8

'Enega yadunedune ga 'ebweu osi 'ana 'ita 'atuwa tupwana wakewakekena 'iapwesama. Ta 'ana togelu nina 'ana esana Mwawasa, ta wate tomwawasa yaluyaluwadi 'idi 'asa selabenaya 'imulimuliya, ga loina si'ewena Yaubada 'enega be 'aene tomota yaudi sida pe'udi saiyega be botanega be muyega be wate bosasa 'ediyega, ta nigeya 'aene tomota maibo'ada, ta tuga 'abo nadigega bale'u maibo'ana 'enaya boda taeguyaiyedi 'adi yau ata, ta 'ebweuna boda 'ediyega maibo'adi sipe'udi, be boda 'etoi namo situpwa.