Madiu 23:16 - Loina Tabu Auwauna NT

¹⁶ “Nuwa'ole'olemi sa'i, manuna 'omi toanuganao matakebokebomi, wagwae, ‘'Eguma yaita Anuwa Tabu 'ana esanega 'isawa tamatamana nate nigeya 'ebweu to'ase, ta esi 'eguma yaita goula nidi Anuwa Tabu solanaya 'ediyega 'isawa tamatamana nate yage sinabwana, 'enega 'ilobwenena be yage nina 'ida guinuwe.’

Madiu 23:16 Kruisverwysings

Madiu 15:14

Ta tuwa tuga, Palisiyao nidi sida miyami 'ana laba sibebe'u, manuna taudi toanuganao matakebokebodi, be 'eguma gosediyao matakebokebodi sianuganedi, 'iabe maibo'adi gaulaya sibebe'u.”

Madiu 23:13

“'Omi loina 'ana toe'itao be Palisiyao nuwa'ole'olemi sa'i, manuna 'imi kaboega tomota wa'etobodedi be 'enega Yaubada 'ina 'ebeloina 'ena geya'abo silugulugu. 'Omi geya'abo walugulugu, ta tomota wate yaisigedi nuwanuwadi be silulugu waegagaledi.

Madiu 23:17

Ona'ai'aila, 'omi uwauwami ta matakebokebomi! To'ase 'iloetana sana? Anuwa Tabu 'ana goula? nai Anuwa Tabu? tauna 'enega goula 'ietabuna.

Madiu 23:19

'Omi uwauwami! To'ase sinabwana? 'Ebwayadaita nina? nai 'ebe taliya? tauna 'enega 'ebwayadaita 'igietabuna.

Madiu 23:24

Ta 'omi toanuganao matakebokebomi, 'ami kwayai 'enega manumanuwa wa'ewa'ewa yauledi, ta esi yobai sinabwana, kameli 'atuwa, watonetonedi.

Madiu 23:26

'Omi Palisiyao matakebokebomi, 'imi keiga be 'imi gaeba soladi wagie'esasa nuganedi, ta 'enega apwesaya wate si'esasadi.

Galetia 5:3

Manuna 'eguma yaita 'emiyega 'itagwale be bwalana silodabai, 'ilobwene be Mosese 'ina loinao maibo'adi wate 'ida ematamatanedi,

Yemesa 5:12

Ta tasigwao, 'ebweu wate yage sinabwana 'edaya 'aene geya'abo wasawasawa tamatamana Tamada 'ana esanega, nai bale'u yagenao 'ediyega, nai to yage tuga 'ediyega, 'abo 'imi onaupaupa 'ediya, ta esi wada gwae, “O,” 'abo 'imi nuwanuwa nadigega, ta 'abo nigeya, wada gwae, “Nigeya.” Manuna 'abo yage sinabwadi wa'inanadi, 'etamo Yaubada 'ietalaemi.