Madiu 22:5 - Loina Tabu Auwauna NT

⁵ Ta taudi nigeya simeema, 'enega 'aidi sipili kwaiya ga mali sena be mali sena 'ediya sitauya. 'Ebweu tai 'ina bagulaya 'itauya, 'ebweu tai 'ina paisewa 'ena 'itauya,

Madiu 22:5 Kruisverwysings

Madiu 13:22

“Ta atu nidi kwakwakwala 'ediya sibe'uya taudi tetela bobo'ana sinonona, ta 'idi nuwanuwa bale'u be esaesa 'ana nuwanuwao 'ediyega tetela bobo'ana siloemwawasina, 'enega nigeya sawesawenaya be siuuwa.

Madiu 22:4

“'Enega 'aina wate 'ina toguinuwao 'ietunedi be taudi 'iemataluwediya sida eonadi wate 'aene ‘'Inapwana 'ina 'emasula ni'atu 'igibubuna. 'Ina bulumakau sinabwadi ta 'ina bulumakau mwaneyaudi ni'atu 'iunudi be masula maibo'ana 'igibubuna. Wada ma be tatatauya natunana 'ina ai masulina wada 'ani.’

Madiu 22:6

ta 'aidi wate 'inapwana 'ina toguinuwao sigiyaidi ga sigie omayamayaedi ta siloemwawasidi.

Yoni 2:16

ga 'enega toegimwane bunebune 'ieonedi, 'igwae, “'Imi manuwao maibo'adi gete 'enega wada 'ewa apwesedi, ta geya'abo Tamagu 'ina anuwa wagiegiebaili be 'aene 'imi 'ebe gimwane.”

Guinuwa 2:13

Ta sa'i gosediyao 'aidi sigwae, “Nai bwasi waiwaiyega siekabaleya.”

Guinuwa 24:25

Ta Pilikesa 'atena 'isa'ala, tuta nina Paulo 'ina guguya 'inonona, bubuna palupaluna, be 'atepa'ala, be bwa'omatana 'imeemai manudi, ga Pilikesa 'igwae, “Tuwa! Ta 'uila, be 'abo to tuta kapekapeyana 'eguya 'enega yada bwauyeyo wate.”

Loma 2:4

Ta geya'abo Yaubada 'ina oboboma wa'awa'awa yage besobesoe, manuna 'i'atenuwa 'ole'oleyemi, ga manumi 'ie'alama'i'itanena, be 'aene 'imi to'umalinega 'ida giesana ilemi.

2 Timoti 3:4

towasegigi, be to'umalina 'ena siewaiwai, be onalaga 'aledi, be Yaubada geya'abo sioboobobome, ta esi taudimo 'idi gwausowala manuna sinuwanuwa.

Ibeliu 2:3

'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.

2 Pita 2:3

Ta toto'umalina nidi gwegwe 'ana toyala diidigao, 'enega 'idi ona dibidibiyega ma'etamo sikaboemi be 'imi gwegwe si'ewadi. Lowaenei 'adi e'isa Yaubada 'isa'una ga 'iyamwayamwa, ta nigeya 'ida sa'ugelasa.