Madiu 22:3 - Loina Tabu Auwauna NT

³ 'Enega 'ina toguinuwao 'ietunedi be yaisigedi taudi 'iemataluwediya sida bwauyedima 'emasula 'enaya, ga sitauya sabi bwauyedima ta tomotai nidi kini 'ina bwau siguitoyasena.

Madiu 22:3 Kruisverwysings

Madiu 21:34

“Ta sesoi 'ana tutaya 'inapwana nina 'ina 'ali'eiyao 'aina wate 'ietune iledi 'ina bagulaya oine uwana sabi 'ewadi bagula 'ana to'ita'i'itao 'ediyega.

Madiu 23:37

“Yelusalema ye! Mwa'adega ga palopitao 'uloemwawasidi ta wate Yaubada 'ina toepilialealeyao gulewega 'uloibweibwedi. Tuta yauna nuwanuwagu be 'imu tomotaiyao yabwau egogonedima 'atuwa kakaleko natunao papenega 'i'aubodebodedi, ta sa'i siguitoyasegu.

Madiu 3:2

“'Imi bubuna to'umalina 'ediyega wada nuwa'ebuni manuna Yaubada 'iabe be 'edaya 'ietoloina.”

Madiu 9:15

'Enega Yesu onasemalimali 'i'ebwa'edi, 'igwae, “Mwa'adega, kapekapeyana be ai 'ana toyo'oyao sinuwamwau 'abo toai me'olotona ma'ediya sigwaugwausowala? Nai nigeya aga? Ta wanuwa'i'isi 'aene tuta 'imeemai be toai nina 'ipilisinedi 'enega esi sinuwamwau be siedidigula, ta si'ebotana.”

Luke 13:34

“Yelusalema ye, mwa'adega ga palopitao 'uloemwawasidi, ta wate Yaubada 'ina toepilialealeyao gulewega 'uloibweibwedi? Tuta yauna nuwanuwagu be 'imu tomotaiyao yabwau egogonedima 'atuwa kakaleko natunao papenega 'i'aubodebodedi, ta sa'i siguitoyasegu!

Luke 15:28

Ona gete 'inonona ga 'igamwasowala sinabwana, 'enega geya nuwana be anuwaya 'ilulugu. “'Enega tamana 'iapwesa ga natunana mesinabwana 'ieonena 'aene ma'iyana sida lugu anuwaya.

Luke 19:27

'Enega gete tuga 'agu talauwalao nidi, taudi siguitoyasegu be 'aene geya nuwadi be 'ediya yaetoloina, wada 'au'ewedima be mataguya waloemwawasidi.’ ”

Yoni 5:40

Ga 'enega geya nuwami be yawasimi ataya manuna wamama 'eguya.

Guinuwa 13:45

Ta sa'i me Yudia, boda sinabwana si'itena, 'enega sie'ipi'ipi, ga Paulo 'ina loguguya 'ena sionaila, ta si'awa to'umaliyena.

Loma 10:21

Ta wate 'ina ona pa'alina me Isileli manudi 'igwae, “Tuta maibo'ana 'ediya yabwaubwau be 'aene sida mai 'eguya, ta esi siguitoyasegu, manuna taudi tuga adelidi tologwautoyasa.”

Ibeliu 12:25

'Enega wa'ita'i'isimi be tauna galewega 'ionaona 'edaya geya'abo 'enana waguiguitoyase. Manuna lowa tomota 'aidi bale'uya Mosese 'ina guguya 'ediya siguitoyasena ga mwau silobena. Ta gete tuga Yaubada galewega 'iloguloguguya 'edaya, 'enega 'abo 'enana taguitoyasei mwau sinabwa wawasae taloba.

Ibeliu 9:15

Ona'ai'aila, Keliso nina loina auwauna 'ime'ena ga 'enega tamai be Yaubada ma'edai taegosigosiyana, manuna 'abo 'iesinuweda yawasida ataya 'iona upaupaenaya 'i'ebwa'eda. Manuna 'abo'ada gimi loina tale'oena, 'enega 'ilobwenena be tada mwawasa, ta Keliso manuda ni'atu 'imwawasa sabi 'etoseyeda.

E'ita'ita 22:17

'Enega Yaluyaluwa Tabuna ta toai mewainena sigwae, “Wamai.” Be yaisigedi 'omi ona gete wanononaya, 'omi wate wada gwae, “Wamai.” Ta taudi tona'adi 'iyapasa sida mai, be 'enega yaisigedi taudi nuwanuwadi, yawasi bwasina sida 'ewadaisi be sinunuma. Nigeya 'ana maisamo.