Madiu 21:41 - Loina Tabu Auwauna NT

⁴¹ Ta sigwae, “Toloemwawasa nidi 'iabe 'igieto'umali 'ai'ailedi, be bagula 'ida tagwale to'ita'i'tao bobo'adi 'ediya, be taudi bagula uwana sida 'ebwaya tonibagula nina 'enaya.”

Madiu 21:41 Kruisverwysings

Madiu 21:34

“Ta sesoi 'ana tutaya 'inapwana nina 'ina 'ali'eiyao 'aina wate 'ietune iledi 'ina bagulaya oine uwana sabi 'ewadi bagula 'ana to'ita'i'itao 'ediyega.

Madiu 21:40

'Enega 'abo tuta nina tonibagula 'iilama, to'ase 'ina to'ita'i'itao nidi 'ediya 'ida guinuwe?”

Madiu 21:43

'Enega yaeonami 'aene Yaubada 'ina loina 'emiyega 'ida 'ewayaule, ta 'ida 'ebwaya mali boda 'ediya, be taudi 'ediyega uwana bobo'ana 'ida apwesa.

Madiu 3:12

Ta tai gete 'ina inawega 'iabe witi 'ida sabutudi be uwana sisasagu be muliyega uwana bobo'adi 'iedodo 'ina anuwa masulaya, ta sumwasumwa nidi 'awesabelulu ataya 'ena 'igabudi.”

Luke 20:16

“Ona'ai'aila 'inapwana nina 'imama be toguinuwa nidi 'iloemwawasidi, be 'enega bagula nina mali to'ita'i'itao 'i'ebwa'edi.” 'Inapwanao nidi Yesu 'ina ona gete nadigega sinonona ga sigwae, “Ona'ai'aila, 'abo'ada geya'abo wate nadigega!”

Guinuwa 15:7

Ga tupwana siegewagewana 'amana, 'enega Pita 'itoolo ga 'igwae, “Tasigwao, wamwalamwalatoni 'aene tuta lowa Yaubada 'edega 'abo'agu 'iesinuwegu, ga 'awaguyega taudi nigeya me Yudia tetela bobo'ana sinonona, ga siemisena.

Guinuwa 18:6

'Enega siegewagewana ta si'awa kabokabo, ta Paulo 'ana 'oama 'iloutuutuna matadiya, nate 'idi loguitoyasa 'ana 'ebe'ita 'iguinuwena, ga 'ieonedi, “'Omi ma'etamo waesilae 'imi guitoyasa gete manuna, be nate taumimo 'imi loinega ta nigeya 'abo'agu 'igu loinega. 'Enega yaebesinemi be tetela yada tauye taudi nigeya me Yudia 'ediya.”

Guinuwa 28:28

'Enega Paulo ona nina wate 'iloeposeyanena, 'igwae, “'Enega wada mwalatoni 'aene Yaubada 'ina simana 'ada 'etoseyana, manuna ni'atu 'ietunena taudi nigeya me Yudia 'ediya, be taudi sa'i sida nono.”

Guinuwa 28:8

Ta tuta nina 'ena Pubiliasi tamana anuwaya 'i'eno'eno ma ina le'oasa, ta 'ina le'oasa yaiyai be gamwapilipili. 'Enega Paulo 'ilugu 'ena, ga manuna 'isidasida Yaubada 'ena, ta oona 'igitoona ga 'igiebobo'anena.

1 Tesalonaika 2:16

ta 'ima simana 'omi sena yauyauna tomoteninao 'emiya sitootoo be sida 'etobode, manuna geya nuwadi be Yaubada 'i'etoseyemi. 'Enega 'idi to'umalinao sisinabwa 'ai'aila, ta 'ana e'isa nate 'elouya sinabwana Yaubada 'i'ebwa'edi.

Ibeliu 12:25

'Enega wa'ita'i'isimi be tauna galewega 'ionaona 'edaya geya'abo 'enana waguiguitoyase. Manuna lowa tomota 'aidi bale'uya Mosese 'ina guguya 'ediya siguitoyasena ga mwau silobena. Ta gete tuga Yaubada galewega 'iloguloguguya 'edaya, 'enega 'abo 'enana taguitoyasei mwau sinabwa wawasae taloba.

Ibeliu 2:3

'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.