Madiu 20:26 - Loina Tabu Auwauna NT

²⁶ ta 'omi geya'abo wate nadigega taudi waguiguinuwa'esa. Ta 'eguma yaita 'oyo nuwanuwayo be 'emiyega 'uetoloina 'ilobweneyo be gosemwao manudi 'uda etoguinuwa.

Madiu 20:26 Kruisverwysings

Madiu 20:27

“Ta wate 'eguma yaita 'oyo nuwanuwayo be 'emiyega 'uetoanugana 'ilobweneyo be gosemwao manudi 'uda etopaisewa.

Madiu 25:44

“Muliyega taudi ona gete sida e'isa be sida gwae, ‘'Inapwana, to tuta 'a'itemu ma 'amu botana, nai tona'ayo 'iyapasa, nai 'ueto'u'umala, nai nigeya 'amu 'oamamo, nai 'ule'oasa, nai deliya 'umiyami, ta nigeya 'alemelemeyo?’

Madiu 27:55

'Aina iine wate 'edasolega sidunedune, taudi lowa Galiliyega Yesu simuliyenamaya ta 'ana masula siguiguinuwe,

Maki 10:43

Ta 'omi geya'abo wate nadigega taudi waguiguinuwa'esa. Ta 'eguma yaita 'oyo nuwanuwayo be 'emiyega 'uetoloina 'ilobwenemu be gosemwao manudi 'uda etoguinuwa.

Maki 10:45

“Ta 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Maki 9:35

'Enega Yesu 'imiyatowa ga site tuwelo 'ibwauyedima ga 'ie'ita 'ediya, 'igwae, “'Abo yaita 'oyo nuwanuwayo be 'emiyega 'ue'inapwana, 'ilobwenemu be tauyo 'ugimwa'uteyo be 'uetoguinuwa gosemwao manudi.”

Luke 18:14

'Enega Yesu wate 'ediya 'igwae, “Ona'ai'aila, tai gete 'ina sidasida nina manuna 'ana 'awabobo'ana 'ilobena Yaubada 'enega, ta esi Palisi nina nigeya. Manuna 'abo yaita tauna 'igitu'eye 'iabe sida gimwa'ute, ta 'abo yaita tauna 'igimwa'ute sida gitu'eye.”

Luke 22:26

ta 'omi geya'abo nadigega taudi, ta esi yaita tauna 'emiyega 'iloetana 'ida lo'ubuna be tauna 'atuwa 'imi 'ali'ei, ta wate 'imi toanuganao sida etoguinuwa manumi.

Yoni 18:36

Ta Yesu 'iona, “'Igu 'ebeloina nigeya gete bale'uya. 'Eguma nadigega, 'igu 'ali'eiyao sida losaiya manugu be geya'abo me Yudia sigiyagiyaigu. Ona'ai'aila, 'abo'agu nigeya 'igu 'ebeloina bada.”

Guinuwa 13:5

ga 'asa 'ana esana Salami 'enaya sisuya, ga nada me Yudia 'idi anuwa tapwalolo 'ena Yaubada 'ina ona sisimanena. 'Ebweu 'idi 'ali'ei ma'edi sisakosakowasi, 'ana esana Yoni.

2 Kolinita 1:24

Nigeya 'aene 'aetoloina pa'alina 'emiya 'imi emisa be 'imi tapwalolo manudi, manuna ni'atu 'imi emisega watoolopa'ala, ta esi sabi lememi 'imi gwausowala manuna.

2 Timoti 1:18

'Oyo 'ina paisewa sena Epeso 'ena ni'atu 'umwalamwalatoni. 'Enega nuwanuwagu be 'Inapwana 'ina 'asiyata bwa'omatana 'enaya 'atenuwa'ole'ole 'ida loba.

Pilimoni 1:13

manuna nuwanuwagu 'aene yaegagale be tauna 'ilopa'eluyo be 'ilemegu 'igu miya deli 'ena.

Ibeliu 1:14

Ta aniloseyao taudi yaluyaluwa tuga ta toepilialeale, taudi Yaubada 'isa'udi be 'aene silemeda 'abo'ada, yaisigedi 'abo 'etoseyana manuna 'iesinuweda.

1 Pita 4:11

'Enega yaisigedi 'omi waetosimana wada etosimana tuga nadigega Yaubada 'ina ona wasimasimane, ta 'abo yaisigedi 'omi walemalema wada lema tuga 'imi waiwai maibo'anega, nadigega waiwai nina 'i'ebwa'emi, be 'enega guinuwa maibo'adi 'ediyega tomota Yesu Keliso sida mwalatoni be Yaubada sida tupu, manuna tauna Toesaesa sana, ta Toewaiwai sana, tuta maibo'ana 'ediya. Eimeni.

1 Pita 5:3

Ta geya'abo watoo be waetoloina 'ediya, ta esi bubuna bobo'ana wada e'itae 'ediya, be sida muliyemi.

E'ita'ita 17:6

Ta waine nina ya'itena, ni'atu Yaubada 'ina tomotaiyao be Yesu 'ana tosimanao laladi 'inumena, ga 'enega 'iekabaleya, ga nuwagu 'iowana waine nina 'ana 'ita manuna.