Madiu 16:25 - Loina Tabu Auwauna NT

²⁵ “Ta 'eguma yaita yawasina 'iegagale, ma'etamo yawasi nina 'iloseye. Ta 'eguma yaita yawasina manugu 'itagwale be 'imwamwawasa, tauna 'iabe yawasina bobo'ana 'iloba.

Madiu 16:25 Kruisverwysings

Madiu 10:39

Ta 'abo yaita tauna yawasina manuna 'iguiguinuwa, ma'etamo 'ida loseye; ta 'abo yaita yawasina 'iloseye manugu, ma'etamo yawasi bobo'ana 'ilobalima.

Madiu 16:26

“'Eguma 'ida esaesao bale'uya sinabwa wawasae talobadi, nate yage besobeso, ta esi yage sinabwana nate yawasida bobo'ana. Manuna 'eguma yawasida bobo'ana taloseyedi, nigeya 'ebweu wate 'ana lopa'elu 'imiyami.

Maki 8:35

“Ta 'eguma yaita yawasina 'iegagale, ma'etamo yawasi nina 'iloseye. Ta 'eguma yaita manugu be tetela bobo'ana manuna yawasina 'itagwale be 'imwamwawasa, tauna 'iabe yawasina bobo'ana 'iloba.

Luke 17:33

“Manuna 'abo yaita tauna yawasina manuna 'ietapewa, 'iabe yawasina nina 'iloseye; ta 'abo yaita yawasina 'itatagwala be 'iloseye, ma'etamo 'ida lobalima.

Yoni 12:25

Tuga wate nadigega 'abo yaita tauna yawasina 'iyale bale'u 'ana miya manuna, yawasina bobo'ana 'iloseye, ta 'abo yaita tauna bale'uya yawasina 'itagwale, tuta 'imeemai 'enaya yawasina ataya 'iloba.

E'ita'ita 12:11

Ta tasidao nidi ona'ai'aila yawasidi sitagwalena be Keliso manuna simwamwawasa, 'enega Seitani nina ma'edi silosaiya ga taudi siewaiwai. Ta 'idi ewaiwai Lami lalanega, ta wate 'idi simana Lami manuna 'enega.