Madiu 15:31 - Loina Tabu Auwauna NT

³¹ 'Enega pwalu nidi si'itedi toekabaleya sionaona be sinonono, be taudi esilae 'ediyega sinenetaya sibobo'ana limana, be tolopegoi sitautauya palupalu, be tomata kebokebo matadi si'esasedi. 'Enega boda nidi sinuwa owana, ga me Isileli 'idi Yaubada nina situpuna.

Madiu 15:31 Kruisverwysings

Madiu 15:30

Ta boda sinabwana silagama ga 'idi tole'oasao sime'edi, taudi tolopegoi be, taudi esilae 'ediyega sinenetaya be, tomata kebokeboyao be, toekabaleyao be 'aidi tole'oasao wate Yesu selabenaya sisa'udi ga 'igiebobo'anedi.

Madiu 18:8

“Ta 'eguma nimayo nai 'aeyo 'igie be'uyeyo 'ilobwenena be 'u'upwa yauledi. Nigeya 'ana to'umalinamo 'eguma manima 'upwa'upwayo nai ma imu lopegoi ta yawasiyo bobo'ana 'uloba. Ta esi to'umali wawasae 'emuya 'eguma manima luwaluwayo be ma'ae luwaluwayo siula mwa'uteyo kaiwe 'ala'alata atayana 'enaya.

Madiu 21:14

'Enega tomata kebokebo be tolopegoi Yesu 'ena simai Anuwa Tabu solanaya ga maibo'adi 'igiebobo'anedi.

Madiu 8:10

'Ina simana gete 'enega Yesu 'igwausowala sinabwana, 'enega 'iasakowasi ga boda nidi simulimuliye 'ieonedi, 'igwae, “Ona'ai'aila, nigeya 'ebweu yaita yalobaloba me Isileli 'emiyega 'ina emisa tai gete nadigega,

Madiu 9:32

Ta Yesu ma ina tononoyao ni'atu sitautauya ta, 'ebweu tai yaluyaluwa bi'iyao meyana sigibuninaya si'au'ewenama Yesu 'ena.

Madiu 9:33

Ta 'enega Yesu yaluyaluwa bi'i 'iula apwesena, ga tai nina 'ibobo'ana ga 'ionaona. Ta pwalu ma idi gwausowala Yesu si'awa bobo'anena, ta sigwae, “Nigeya 'ebweu yaita 'ina guinuwa gete nadigega tada 'itena Isileli solanaya.”

Madiu 9:8

Ta boda nidi guinuwa gete si'itena ga ma idi 'amayaba Yaubada situpuna, manuna sana tauna Yesu 'ana Togiewaiwai.

Maki 2:12

Ta 'enega 'itoolo ga 'ina 'ebe'eno 'i'aalena ga boda matadiyega 'iapwesa. Gote 'ena pwalu maibo'adi nuwadi 'iowana ta Yaubada situpuna, sigwae, “Guinuwa gete 'ebe nuwaowana ga batuwa namo ta'itena.”

Maki 7:37

Ta taudi ni'atu sinonona, nuwadi 'iowana sinabwana ga sigwae, “'Ina guinuwa maibo'ana bobo'ana ta 'ebe nuwaowana, manuna totenatui 'igienonoedi ta tomeya lidolido 'igie palupaludi be sioona.”

Maki 9:43

“Wate 'eguma nimayo 'igie be'uyeyo 'ilobwenena be 'u'upwa yaule. Nate nigeya 'ana to'umalinamo 'eguma manima 'upwa'upwayo ta yawasiyo bobo'ana 'uloba. Ta esi to'umali wawasae 'emuya 'eguma manima luwaluwayo siula mwa'uteyo kaiwe 'ala'alata atayana 'enaya.

Luke 14:13

Ta esiya 'abo 'emasula 'uguinuwe, taudi gomagomabesodi be bwalobwalogodi be tolopegoi be wate tomatakebokebo 'uda bwauyedi,

Luke 14:21

“'Enega 'ali'ei nina 'iila ga 'ina 'inapwana 'enaya 'isimana, 'igwae, ‘Maibo'adi geya nuwadi.’ Ga tonianuwa nina 'igamwasowala, 'enega 'ina 'ali'ei nina 'ena 'iona, ‘'Utauya manini 'asa sinabwana 'edanao maibo'adi 'ediya be 'eguma 'eisa tomotai 'ulobadi, 'anabwa'ayoi nanaewadi nai nenetadi nai matakebokebodi nai bwalobwalogodi, tuga maibo'adi 'u'au'ewedima be sida 'a.’

Luke 18:43

Gote 'ena matana 'i'esasedi ga ma ina lokagutoki Yaubada 'enaya Yesu 'imuliyena. Ta boda nidi si'itenaya, ga maibo'adi Yaubada situpuna.

Luke 7:16

Gote 'ena tomotai nidi simatauta ga Yaubada situpuna, sigwae, “Palopita sinabwana ni'atu gete 'iapwesama. Gete Yaubada 'ina ayausa 'abo'ada 'ina tomotaiyao 'edaya.”

Yoni 9:24

'Enega wate tomata kebokebo nina sibwau limena ga sieonena, sigwae, “'Usimana palupalu 'emaya, manuna tai nina 'amwalamwalatoni 'aene tauna toto'umalina.”