Madiu 13:8 - Loina Tabu Auwauna NT

⁸ Ta 'aina atuna bwa'a bobo'ana 'enaya sibe'u, ga sitabwama ga sisinabwa ga siuwa, 'enega 'aina atuna uwadi 'adi yau analedi, ta 'aina sikisiti, be wate 'aina teti.

Madiu 13:8 Kruisverwysings

Madiu 13:23

“Ta atuna nidi bwa'a bobo'ana 'enaya sibe'uya taudi tetela bobo'ana sinonona ga 'ana mwalatoi 'ediya 'imiyami ga uwadi bobo'adi sisa'udi. 'Aina uwadiyao analedi, ta 'aina sikisiti, ta 'aina teti.”

Madiu 13:7

“Ta 'aina atuna kwakwakwala 'ediya sibe'u ga sitabwa enoenowa, ta kwakwakwala 'iewaiwai ga 'ididi emwawasidi.

Maki 4:20

“Ta atu nidi bwa'a bobo'ana 'ena sibe'uya 'atuwa tomota nidi taudi ma idi 'atetagwala Yaubada 'ina ona sinonona, 'enega uwadi bobo'ana ta yauna siuwaedi. 'Aina uwadiyao teti, ta 'aina sikisiti, ta 'aina analedi.”

Maki 4:8

Ta 'aina atu bwa'a bobo'ana 'enaya sibe'u ga sitabwa ta sisinabwa ga siuwa, ga 'aina teti, be sikisiti, be analedi.”

Luke 8:15

Ta atu nidi bwa'a bobo'ana 'ena sibe'uya, taudi nate ma idi 'atetagwala ona nina sinonona, 'enega sie'alama'i'itana, ga Yaubada 'ina ona 'ediya 'iuwa 'ai'aila.”

Luke 8:8

Ta 'aina atuna bwa'a bobo'ana 'enaya sibe'u ga sitabwama ga sisinabwa ga siuwa, ta 'ediyega sesoi bobo'ana silobena, manuna atu nidi 'ebweuna 'ebweuna 'ediyega analedi silobedi.” 'Enega Yesu boda 'ieonedi, 'igwae, “'Eguma matenami ona gete wada nono.”

Yoni 15:8

'Abo wamuliya 'ai'ailigu, uwami 'ida bobo'ana, be 'enega Tamagu 'ina waiwai tomota sida 'ita.

Loma 7:18

Yamwalatonina nigeya 'ebweu wate bubuna bobo'ana bwalaguya 'imiyami, manuna bubuna bobo'ana nuwanuwagu ta esi nigeya sawesaweguya be yaguinuwe.

Pilipai 1:11

ta ma imi guinuwa bobo'adi Yesu Keliso 'ina waiwaiyega, manudi tomota Yaubada sida tupui be sida 'awa eseese.