Madiu 13:19 - Loina Tabu Auwauna NT

¹⁹ 'Eguma yaita Yaubada 'ina loina tetelina 'inono namo, ta nigeya 'inuwanuwa sabwaleni, ma'etamo togieto'umali nina 'imamai be ona nidi tai 'atenega 'i'ewayauledi. Nate atu nidi sibe'ube'u 'edaya 'adi mwalatoi.

Madiu 13:19 Kruisverwysings

Madiu 12:26

Seitani wate nadigega, 'abo ma ina bodao taudimo silosaiya 'iabe 'ina 'ebeloina nina 'ibebe'u.

Madiu 13:20

“Ta wate atu nidi bwa'a logulegulewana 'enaya sibe'ube'u taudi tetela bobo'ana sinonoi ta ma idi gwausowala sitatagwala,

Madiu 13:38

ta bagula nate bale'u maibo'ana, ta witi nate taudi Yaubada 'ina loina 'ana tomuliyao, ta pwatula nate taudi to'umalina 'ana toguinuwao,

Madiu 4:23

Yesu Galili maibo'ana 'iasakowasiyena, ta 'idi anuwa tapwalolo 'ediya 'iloguguya, ta tetela bobo'ana Yaubada 'ina loina manuna 'isimasimane, ta wate tomota 'adi le'oasao 'ediyega 'igiebobo'anedi maibo'adi.

Madiu 5:37

Ta esi 'eguma ona 'ai'aila, 'ugwae, “Tamo”, ta 'eguma nigeya ona 'ai'aila, 'ugwae, “Nigeya.” Manuna 'eguma ona yauna, nate Seitani 'enega.

Maki 4:15

'Aidi atu sibe'u 'edaya, 'atuwa nadigega tomotai Yaubada 'ina ona sinonona, ta 'enega Seitani 'imai ga ona nina 'ediyega 'i'ewa yauledi.

Luke 10:9

Ta wate 'asa nina 'ena wamiyami 'idi tole'oasao wada giebobo'anedi, ta wate toni'asao waeonadi, wagwae, ‘Yaubada 'ina loina selabenaya be 'iapwesa 'emiya.’

Luke 9:2

'Enega 'ietunedi be 'aene Yaubada 'ina etoloina tomotai 'ediya sida loguguyae, ta wate le'oasao sida giebobo'anedi.

Yoni 18:38

Ta Pailato wate 'ienaida, “Ona palupaluna to'ase?” 'Enega Pailato 'iapwesa limana ga me Yudia nidi 'ediya 'igwae, “Nigeya 'ebweu 'ina loegesi yalobaloba.

Yoni 8:43

To'ase manuna 'igu ona 'emiya nigeya wada nuwasabwalenidi? Nate manuna nigeya 'igu simana wada enono 'ai'ailina.

Guinuwa 17:32

Ta pwalu tomwawasa 'idi toloolimana tetelina sinononaya, ga 'aina siedagi, ta 'aidi sigwae, “Nuwanuwama be ma'etamo nuwanuwa gete manuna 'uemwasala limana be 'anono.”

Guinuwa 18:15

ta esi nuwanuwa gete, taumi tuga 'imi onaona be esanao be loinao 'imi 'asega, 'enega taumi tuga wada loina. 'Abo'agu yaguitoyasa.”

Guinuwa 20:25

“Wanuwa'i'isi lowa tuta yauna 'ediya yasakosakowasi 'emiya ta Yaubada 'ina etoloina tetelina manuna yaloguloguguya, ta gete wanono, ma'etamo geya'abo wate wa'ita'ita limagu.

Guinuwa 28:23

'Enega 'asiyata siupaena, ga boda yaudi siegogonama Paulo 'ina anuwaya, ga gonegonega ga 'ana laba 'iboi, 'ediya 'iloguguya, Yaubada 'ina etoloina manuna, ta Mosese 'ina loina 'enega, be palopitao 'idi onao 'ediyega, 'ie'itedi Yesu manuna, ta 'itoona be 'aene 'ida gienuwa sabwalenidi.

Loma 1:28

Gote 'enega geya nuwadi Yaubada 'ana mwalatoi, 'enega Yaubada 'ediya 'itagwala be nuwanuwa to'umalidi 'iloemaedi, 'enega yage nidi nigeya 'ilobwelobwenedi ta tuwa tuga siguinuwedi.

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

Loma 2:8

Ta sa'i, 'aidi tomota egewagewana 'aledi be 'eda bobo'ana siguitoyase, ta 'eda to'umalina simulimuliye, 'enega Yaubada 'ida gamwasowaledi be 'ida loinedi.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

2 Tesalonaika 2:12

ta bubuna geyogeyoi 'ana guinuwa nuwadi 'i'ewena. 'Eguma lowa tetela 'ai'aila sida emisenaya, Yaubada 'ida 'etoseyedi, ta sa'i nigeya.

Ibeliu 2:1

'Enega 'ilobweneda be ona nidi tanonodiya tanuwa'i'isidi, ta geya'abo tanuwanuwa pupuledi.

1 Yoni 3:12

Ta geya'abo Keni nadigega, manuna Keni nina Seitani 'ina boda, ga tasina 'iununa. Ta 'ina loemwamasa 'alena tuga e'ipi'ipi, manuna tasina 'ina guinuwa bobo'ana ta Keni nina 'ina guinuwa to'umalina.

1 Yoni 5:18

Ta esi tamwalamwalatoni 'aene 'abo Yaubada 'ienatuneda geya'abo taloeloegesi, manuna tauna Yaubada 'igimi enatunenaya 'i'ita'i'isida, be geya'abo tauna toto'umalina nina 'igitogitooda.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.