Madiu 12:15 - Loina Tabu Auwauna NT

¹⁵ Ta 'idi loinakwaiya nina Yesu ni'atu 'imwalatonina, 'enega sena gote 'ipilisinena ga 'itauya mali senaya, ta tomota yaudi simuliyena, ga gote 'ena tole'oasa maibo'adi 'igiebobo'anedi,

Madiu 12:15 Kruisverwysings

Madiu 10:23

“Ta 'eguma 'ebweu sena 'ena siunuunumi wadedena mali 'asa 'enaya. Ona'ai'aila, ma'etamo geya'abo 'asa maibo'ana Isileli solanaya waguiguinuwa egumwali ta 'abo'agu Tomota Natuna yailama.

Madiu 19:2

Ta boda wate sinabwana Yesu simuliyena ga nada 'idi tole'oasao 'igiebobo'anedi.

Maki 6:56

Ga Yesu 'isakowasi sena yauyauna 'ediya, 'aina 'asa sinabwadi be 'asa gidalidi be 'ebe bagula 'ediya. Ta tomota yaudi 'idi tole'oasao sime'edi ga 'ebe gimwane 'ediya siyamwayamwa ta sisidena sigwae, “'Inapwana, kapekapeyana be tole'oasao getedi 'amu 'oama tupitupinamo sida gitoo?” Ga Yesu 'ediya 'itagwala. 'Enega taudi 'ana 'oama sigitoona sibobo'ana.

Luke 5:22

'Idi nuwanuwa Yesu ni'atu 'imwalatonina, 'enega 'ieonedi, “To'ase manuna 'atemiya nate nadigega wanuwanuwa'esa?

Luke 6:12

Tuta gote 'enaya Yesu 'itu'e 'oyaya ga nada boiboi maibo'ana Yaubada 'ena 'isidasida.

Luke 9:11

Ta nigeya sawesawediya, manuna boda ale sinonona, ga wate Yesu nina simuliyena ga simai 'enaya. 'Enega Yesu 'ediya 'itagwala ga Yaubada 'ina loina manuna 'ie'itedi, ta wate 'adi le'oasao 'igie bobo'anedi.

Yoni 11:54

Gote 'enega Yesu nigeya me Yudia matadiya 'ida lopilidadana, 'enega 'ipilisinedi ga 'itauya mitawa tupitupinaya 'ebweu 'asa 'ana esana Epileimi 'enaya, ga nada ma ina tononoyao simiyami.

Yoni 7:1

Ta yage nidi ni'atu sigumwala ga Yesu Galili maibo'ana 'ena 'isakowasi. Ta esi geya nuwana be Yudia senanaya 'ida sakowasi, manuna me Yudia 'idi 'inapwanao nuwanuwadi be 'aene sida loemwawasi.

Yoni 9:4

Tauna 'ietuneguma 'ina guinuwa tada guinuwedi tuta 'asiyata 'ena, manuna 'eguma boiboi 'imamai nigeya 'ebweu yaita sawesawenaya be 'ida paisewa.

Galetia 6:9

Geya'abo 'ida guinuwa bobo'adi 'ediyega talo'ame'ame, manuna 'eguma geya'abo taneeneta, ma'etamo sesoi bobo'ana tada loba.

1 Pita 2:21

Ta ni'atu 'eda gete manuna Yaubada 'ibwauyeda, manuna Keliso tauna manuda 'i'elouya, ga 'ebe e'ita 'isa'una 'edaya be 'aene 'ae iyaena tada muliyedi.