Madiu 12:14 - Loina Tabu Auwauna NT

¹⁴ 'Enega Palisiyao ma idi gamwasowala siapwesa ga taudimo siloina mwa'adega Yesu sida loemwawasa'ese.

Madiu 12:14 Kruisverwysings

Madiu 26:4

'Enega 'inapwanao nidi taudimo siloina be 'aene kaboega Yesu sida giyai be sida loemwawasi,

Madiu 27:1

Tomwa 'iulisina ga totaliyao sinabwadi be 'inapwanao maibo'adi siloiloina be 'aene Yesu siloemwawasi.

Maki 14:1

Ataona Sagalina 'ana 'ebe nuwa'i'ita 'ida apwesa 'asiyata 'eluwa mulidiya. Sagali nina 'enaya pwalawa daisina, nigeya 'ana 'ebe gieseseyamo, si'a'ani. Ta totaliyao sinabwadi be loina 'ana toe'itao sinuwanuwa edaedadama mwa'adega Yesu sida kabo'ese be 'aene sida giyai be sida loemwawasi,

Maki 3:6

'Enega Palisiyao ma idi gamwasowala siapwesa ga Elodi 'ina bodao ma'ediyao siloiloina be mwa'adega Yesu sida loemwawasa'ese.

Luke 22:2

Tuta nina 'ena totaliyao sinabwadi be loina 'ana toe'itao sinuwanuwa edaedadama mwa'adega be Yesu sigiyai 'ana loemwawasa manuna, ta nigeya sawesawediya manuna pwalu sinabwana simatautedi.

Luke 6:11

Gote 'ena Palisiyao magosediyao 'igiegamwasowala 'ai'ailidi ga taudimo 'ediya sigwae, “Tai gete mwa'adega tagie losa'u'ese?”

Yoni 10:31

'Enega me Yudia nidi wate gulewa si'ewedi ga 'aene Yesu sida loemwawasi.

Yoni 10:39

Gote 'ena me Yudia nidi wate sitoona be 'aene sigiyai, ta esi 'ipili sinedi.

Yoni 11:53

'Enega 'asiyata nina gote 'ena taudi toloinao nidi siloina leleleya be 'aene sida loemwawasi.

Yoni 11:57

Ona gete tomota 'awadiyega 'iapwesa, 'idi 'inapwanao 'idi loina pa'alina manuna. Manuna taudi totaliyao 'idi 'inapwanao be wate Palisiyao tomota 'ediya siemataluwaya 'aene 'eguma to sena 'ena Yesu silobai sida simana manini 'inapwanao nidi 'ediya, be Yesu sigiyai.

Yoni 5:18

Ta me Yudia nidi 'ina ona sinonona, ga sitoo waiwai be mwa'adega sida loemwawasa'ese. Manuna 'alena Sabate 'ana loina 'ile'oena ta wate 'iona 'aene Yaubada tauna tama 'ai'ailina, be 'aene Yaubada ma'iyana sieleleleya.

Yoni 7:30

Ta gote 'ena tomota nidi sitoona be 'aene sida giyai, ta mwa'adega ga 'enega nigeya 'ebweu yaita bwalana 'igitogitoo, manuna tauna nigeya 'ina tuta 'ilobaloba be 'imwamwawasa.

Yoni 7:32

Gote 'ena Palisiyao tomota 'idi ona kwaiya sinonona, 'enega taudi be totaliyao sinabwadi 'idi to'ita'i'itao sietunedi be Yesu sida giyai.

Yoni 7:44

Ga 'aidi nuwanuwadi be Yesu sida giyai, ta nigeya 'ebweu yaita bwalana 'igitogitoo.

Yoni 8:59

'Enega me Yudia nidi gulewa si'ewedi be 'aene sida loemwawasi, ta Yesu 'ediyega 'iakwaiya ga Anuwa Tabuyega 'iapwesa.