Madiu 11:5 - Loina Tabu Auwauna NT

⁵ tomata kebokebo matadi ni'atu si'esasediya, tolopegoi ni'atu sibobo'ana ga sitautauya, tolepelo bwaladi sibobo'ana limana, totenatui ni'atu ona sinoono, tomwawasa sitoolo limana, ta wate togomabeso tetela bobo'ana ni'atu sinonona.

Madiu 11:5 Kruisverwysings

Madiu 10:8

Tole'oasao wagiebobo'anedi be tomwawasa wagietoolodi be tolepeloyao wagie'esasedi, ta wate yaluyaluwa bi'i tomota 'ediyega waula apwesedi. Yaubada 'ina oboboma ni'atu 'i'ebwaya daisimi, 'enega 'omi wate 'ilobwenemi be wada 'ebwayadaita tomota 'ediya.

Madiu 11:4

'Enega 'idi ona Yesu 'ie'isena, 'igwae, “Waila be Yoni 'ena waemwasala yage nidi 'eguyega ni'atu wanonodiya ta wa'itedi, nate,

Madiu 12:13

'Enega Yesu tai nina 'ieonena, 'igwae, “Nimayo 'uyasitoto.” Ga tai nina nimana 'iyasitotona ga 'ibobo'ana limana, nadigega mali nimana.

Madiu 21:14

'Enega tomata kebokebo be tolopegoi Yesu 'ena simai Anuwa Tabu solanaya ga maibo'adi 'igiebobo'anedi.

Madiu 5:3

'Omi ma imi nuwamwa'uta wagwausowala, manuna Yaubada nimanaya wamiyami.

Madiu 9:30

ga matadi si'esasena. Ta Yesu loina pa'alina 'i'ebwa'edi, 'igwae, “Geya'abo yaita 'ena wasimasimanegu.”

Maki 7:37

Ta taudi ni'atu sinonona, nuwadi 'iowana sinabwana ga sigwae, “'Ina guinuwa maibo'ana bobo'ana ta 'ebe nuwaowana, manuna totenatui 'igienonoedi ta tomeya lidolido 'igie palupaludi be sioona.”

Maki 9:25

Ta Yesu boda yauyaudi sipilipilima 'i'itedi, 'enega yaluyaluwa bi'i 'i'enapa'alina, 'igwae, “'Oyo yaluyaluwa to'umaliyo 'imu lobwebwai 'enega gwama 'ieuwauwa, yaloineyo be 'upilisine atae be geya'abo wate 'ebweu tuta 'ulugulugu limana 'ena.”

Luke 4:18

“'Inapwana Yaluyaluwana 'eguya 'imiyami. Tauna 'iesinuwegu be togomabeso 'ediya tetela bobo'ana yaguguyae. Ta yoniyonidi wate 'ediya 'ietunegu be 'adi li'ama manuna yada simane. Ta tomatakebokebo wate 'idi 'esasa limana manuna yasimane. Ta wate 'ietunegu be tomiyamwau 'adi talauwalao nimadiyega ya'etoli'amidi.

Yoni 10:25

Ga Yesu 'ediya 'igwae, “Ni'atu 'emiya yasimana ta esi nigeya waemiemisegu. Ta wate guinuwa nidi Tamagu 'ana esanega yaguinuwediya 'ediyega ni'atu sie'itaegu,

Yoni 10:38

Ta esi 'eguma wanuwena 'aene guinuwa nidi yaguiguinuwedi, ta nigeya waemiemisegu, tuwa tuga guinuwa dimo wada emisedi, be gote 'enega sida giesana ilemi be wada mwalatonigu 'aene 'abo'agu Tamagu 'eguya 'imiyami, ta 'abo'agu wate Tamagu 'ena yamiyami.”

Yoni 2:23

Tuta nina Yesu Ataona Sagalina solanaya 'imiyami ga tomota yaudi Yesu 'ina guinuwa waiwaina si'itena, 'enega siemisena 'aene tauna To'etoseyana.

Yoni 3:2

ga boiboiya 'imai Yesu 'enaya ga 'ieonena, 'igwae, “'Inapwana, 'amwalamwalatoni 'aene 'oyo toe'ita Yaubada 'enega, manuna nigeya 'ebweu yaita 'ina guinuwa 'ana waiwai nadigega 'oyo, 'abo Yaubada nigeya ma'iyana.”

Yoni 5:36

“Yoni 'ina simana manugu nigeya yage sinabwana, ta esi 'ebweu yage sinabwana 'imiyami, nate 'ebe'ita getedi Tamagu 'enega yaguiguinuwedi. 'Eguma guinuwa nidi manudi wanuwa edaedadama wada nuwasabwaleni 'aene Tamagu tauna 'ietuneguma.

Yoni 9:7

ta 'enega 'ieonena, 'igwae, “'Utatauya be Sailoma bwasina 'ena 'u'esiwe.” (Sailoma 'ana gibui “Etune”). 'Enega 'itauya ga 'i'esiwe, ta matana 'i'esasedi, ga 'enega 'iilama.

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.