Madiu 11:21 - Loina Tabu Auwauna NT

²¹ “'Omi me Kolesini be me Beteseida nuwa'ole'olemi sa'i. Manuna 'ebe nuwaowana nidi ni'atu yaguinuwedi 'emiya, ta esi nigeya wanuwanuwa 'ebuni, ta esi 'eguma me Taiya be me Saidoni 'ediya yada guinuwenaya, nai lowaenei sida nuwa'ebuni, be kumata 'adi 'oamao sida 'otedi be kwausa 'ediyega sida kwausidi, be sie'itaedi 'aene 'idi bubuna to'umalina 'ediyega ni'atu sinuwa'ebuni.

Madiu 11:21 Kruisverwysings

Madiu 11:22

Ta esi 'omi nigeya 'ai'aila, 'enega bwa'omatana 'ana 'asiyata 'enaya Yaubada 'iabe me Taiya be me Saidoni 'i'atenuwa 'ole'oleyedi, ta 'omi geya'abo.

Madiu 15:21

'Enega Yesu sena nina 'ipilisinena ga 'itauya Taiya be Saidoni senadiyao 'ediya.

Madiu 18:7

“'Omi me bale'u nuwa'ole'olemi sa'i, manuna 'ebe be'u yaudi simiyami. Ona'ai'aila 'ilobwenena be 'ebe be'uyao bale'uya sida miyami, ta esi 'eguma tai 'itoo be gosenao 'igie be'uyedi, ma'etamo tai nina 'ito'umali 'ai'aila.

Madiu 26:24

'Abo'agu Tomota Natuna ma'etamo yatatauya 'eda nina lowa Buki Tabu 'ena 'igimisimanena, ta esi 'agu tosipupu nina nuwa'ole'olena sa'i, ta bobo'ana 'abo lowa sinana geya'abo 'ida enaenatune.”

Maki 3:8

Boda nidi getedi Yesu alena sinononaya ta Galiliyega be Yudiaega be Yelusalemega be Idumea senanega be Yolidani mali senega ta 'aina 'asa nidi Taiya be Saidoni selabediyega siegogonama.

Maki 6:45

Ta muliyega 'ina tononoyao 'iloinedi be wagaya sigegelu, 'igwae, “Wagegelu be wanugana Betesaida mali esenaya, ta 'abo'agu bada 'etamo boda yaemataluwedi be siila 'idi 'asaya.”

Maki 7:24

Ga gote 'enega Yesu 'itoolo ga 'itauya Taiya be Saidoni senadiyao 'ediya ga 'ebweu anuwa 'ena 'ilugu, manuna geya nuwana be tomota sida mwalatoni 'ina mai manuna, ta sa'i nigeya kapekapeyana be 'imiya kwaiya

Maki 7:31

'Enega Yesu Taiya 'ipilisinena ga 'itauya Saidoni, ta wate 'iataona Dekapoli senanao 'ediyega ga 'iapwesa Galili olana 'enaya.

Maki 8:22

'Enega Beteseida 'ena simai, ga tai tomata kebokebo tomota si'au'ewena Yesu 'enaya, ga sisidena be 'aene 'ida gitoo be 'ida bobo'ana.

Luke 4:26

ta esiya 'ebweu kwabula Salepati 'enega Yaubada 'iesinuwena Ilaitiya 'ana 'ita'i'ita manuna, nate Saidoni sena nina, ta Yaubada Ilaitiya 'ietunena kwabula nina 'ina 'asaya ga 'i'ita'i'isina.

Luke 6:17

Ga 'ina tosimanao nidi ta wate 'ana tomuliyao yaudi, maibo'adi ma'enao 'oyega siebusima ga 'abatau 'ena sitoolo. 'Abatau nina 'enaya boda sinabwana simiyami, taudi simai Yudia be Yelusalema be wate Taiya ta Saidoni senadi le'awidi 'ediyega.

Luke 9:10

Ta ni'atu Yesu 'ina toguinuwao nidi 'idi sakowasiyega siilama ga 'idi guinuwa maibo'ana siemwasalina Yesu 'enaya. Ga muliyega 'idi 'inapwana nina 'i'au'ewedi ga ma'enao sitauya 'ebweu 'asa, 'ana esana Beteseida 'enaya, be 'aene taudimo nada sida miyami.

Yoni 1:44

Pilipi 'ina 'asa Beteseida, nate Anidulu be Pita 'idi 'asa.

Yoni 12:21

Taudi me Gilisi nidi ma idi enaida sitauya Pilipi 'ena. Ta Pilipi tauna Beteseida taina, nate Galili senanaya. 'Enega simai ga sieonena, sigwae, “'Inapwana, 'abo'ama nuwanuwama be Yesu 'ada 'ita.”

Guinuwa 12:20

Elodi nina me Taiya be me Saidoni lowa 'igamwasowaledi, 'enega Elodi 'ina to'ita'i'ita, 'ana esana Bilasito, sigiegwausowalena, ga muliyega mabodadi simai Elodi 'ena, ga nuwanuwadi be ma'enao sida egosigosiyana limana, manuna taudi 'adi masula Kini nina 'ina senega silobaloba.

Guinuwa 27:3

Ta tomwa 'iulisina ga Saidoni 'ena 'alugu, ta Yuliasi Paulo 'i'atenuwa 'ole'oleyena ga 'itagwalena ga 'itauya gosenao 'ediya, be sida 'ita'i'isina.

Yude 1:11

Nuwa'ole'oledi, manuna Keni 'ina 'eda to'umalina 'enega sitautauya, ta 'enega 'idi esaesa manuna sibubuna to'umalina, nadigega wate Balami lowa 'ina bubuna. 'Enega sida esilae, manuna loina bobo'ana siguitoyasena, nadigega Kola lowa loina 'iguitoyasena.

E'ita'ita 11:3

Ta tosimana 'eluwa yaetunedi, ma 'adi 'oama 'atuwa nadigega kwabulao 'adi 'oama, be Yaubada 'ina ona sida simane 'asiyata tuwelo analedi be sikisiti nidi soladiya.”

E'ita'ita 6:12

'Enega lami nina wate losipwa esikisina 'ili'amina ga mwani'ini'i sinabwana 'iniuniu, ta sinala 'iguguyoi, 'ana 'ita 'atuwa 'ule siyasiyana, ta wate nawalae 'ana 'ita maibo'ana bweyabweyalina, lala nadigega,