Madiu 10:3 - Loina Tabu Auwauna NT

³ be Pilipi be Batolomiu be Tomasi be Madiu, tauna takisi 'ana to'ewa, ta wate mali Yemesa tauna Alipio natuna, be Tadiasi,

Madiu 10:3 Kruisverwysings

Madiu 18:17

Ta 'eguma tuga geya nuwana be 'inonomi waona apwesa toekalesiyao 'ediya, be 'eguma geya nuwana wate toekalesiyao 'idi ona 'inonodi, wada guitoyase tuga be 'imiya apwesa nadigega takisi 'ana toegogonao.

Madiu 27:56

'ebweuna 'ana esana Meli Magidala, ta 'ina waliyesa, tauna Yemesa be Yosepa sinadiya, ta wate Sebedi natunao sinadiya.

Madiu 9:9

'Enega Yesu sena gete 'ipilisinena ga 'itauya, ga tai 'ebweuna 'i'itena, 'ana esana Madiu, takisi 'ana anuwa 'ebe paisewa solanaya 'imiyami, 'enega 'ieonena, 'igwae, “Madiu, 'umuliyegu.” 'Enega Madiu 'itoolo ga Yesu 'imuliyena.

Maki 15:40

'Aina iine wate 'edasolega sidunedune, nate Meli Magidala be 'ina waliyesa, tauna Yosese be tasina megwamana Yemesa sinadiya, be Salome wate,

Maki 2:14

Ta 'ina e'ita 'ilosalonina ga 'itautauya ga 'ebweu takisi 'ana to'ewa 'i'itena 'ina anuwa 'ebe paisewa 'ena 'imiyami. Tai nina Libai, ta tamana Alipio. Ga Yesu 'ieonena, “Libai 'umuliyegu.” 'Enega Libai nina 'itoolo ga Yesu 'imuliyena.

Maki 3:18

ta wate Anidulu be, Pilipi be, Batolomiu be, Madiu be, Tomasi be, mali Yemesa tauna Alipio natuna be, Tadiasi be, mali Saimoni, tauna togewana 'ebeloina manuna;

Luke 18:10

'igwae, “'Ebweu tuta 'enaya tomota siteluwa silugu Anuwa Tabu 'ena sabi sidasida Yaubada 'enaya. 'Ebweuna Palisi ta 'ebweuna takisi 'ana to'ewa.

Luke 18:11

'Enega Palisi nina 'itoolo ga 'isidasida, 'igwae, ‘Yaubada ye, yalokagutoki 'emuya manuna 'abo'agu nigeya nadigega gosegwao 'idi bubuna, manuna taudi to'ipwala diidiga be kabokabodi be loeloelatadi, ta wate 'abo'agu nigeya nadigega takisi 'ana to'ewa gote,

Luke 18:13

“Ta esi takisi 'ana to'ewa nina ma'alenega 'itoolo ga ma ina omayamaya lumalumana 'itutuna, ta 'ikopu sanamwa'uta ga 'isidasida, 'igwae, ‘Yaubada ye, ni'atu 'umwalatonigu 'aene 'abo'agu toto'umaligu, 'enega 'uda 'atenuwa 'ole'oleyegu!’

Luke 19:2

Sena nina 'enaya 'ebweu takisi 'adi to'ewao 'adi toanugana 'imiyami, 'ana esana Sakiusa, tauna toesaesa 'ebweu.

Luke 5:27

Ta muliyega Yesu 'iapwesa ga 'ebweu takisi 'ana to'ewa 'ana esana Libai 'i'itena 'ina anuwa 'ebe paisewa 'ena 'imiyami ta 'ieonena, 'igwae, “Libai, 'umuliyegu.”

Yoni 1:48

Ta Nataniela Yesu 'ienaidena, 'igwae, “Mwa'adega ga 'enega 'umwalatonigu?” Ga Yesu 'igwae, “Muliyega be Pilipi 'ibwauyeyo, ta 'abo'agu yagimi 'itemu damaya 'agalaunaya 'umiyami.”

Yoni 11:16

Ta Tomasi tauna sieesena Didiluwaluwa, 'ilolagata ga gosenao 'ediya 'iona, “Tuwa, 'ida toe'ita ma'eda tatatauya, be 'enega 'eguma 'imwamwawasa, 'abo'ada wate tamwamwawasa.”

Yoni 14:22

'Enega mali Yudasa, (tauna nigeya Isikaliota) Yesu 'ena 'igwae, “'Inapwana, mwa'adega 'uda e'ita'eseyo 'emaya ta nigeya me bale'u 'ediya?”

Yoni 14:5

'Enega Tomasi Yesu 'ienaidena, 'igwae, “'Inapwana, to 'eda 'enega 'utautauya? Ta mwa'adega 'eda nina 'ada mwalatoi'ese?”

Yoni 14:9

'Enega Yesu Pilipi 'ena 'igwae, “Ni'atu tuta dudulana 'abo'agu ma'emi tamiyami, ta tuga nigeya 'umwalamwalatonigu. Ta yaisigedi 'omi ni'atu wa'iteguya, 'omi wate Tamagu ni'atu wa'itena ga wamwalatonina. 'Enega to'ase manuna 'ugwae 'aene ‘Tamamuna 'uda e'itama’?

Yoni 21:2

Gete nadigega 'ina apwesa 'ediya. Ta tononoyao nidi getedi Saimoni Pita be Tomasi, tauna sieesena Didiluwaluwa, be Nataniela, tauna 'ina 'asa Kena, nate Galili solanaya, ta wate Sebedi natunao, be wate 'eluwa tononoyao ma'ediyao.

Guinuwa 1:13

Ga silugu 'idi anuwaya ga situ'e anuwa etaninaya, taudi Pita be Yoni be Yemesa be Anidulu be Pilipi be Tomasi be Batolomiu be Madiu be mali Yemesa (tauna Alipio natuna) be Saimoni (tauna lowa togewana 'ebeloina manuna) be Yudasa (tauna Yemesa natuna).

Guinuwa 12:17

Ta Pita nimanega 'i'etobodedi be sida 'alaenono, ta 'iemwasala 'Inapwana deliyega 'i'au'ewenama manuna, 'enega 'igwae, “Tetela gete wasimana Yemesa be gosedao wate 'ediya.” 'Enega 'ipilisinedi ga 'itauya mali esenaya.

Guinuwa 15:13

Ta muliyega Yemesa 'itoolo ga 'igwae, “Tasigwao, 'igu ona gete wada nono.

Guinuwa 21:18

Ta tomwa 'iulisina ga Paulo ma'emai 'atauya Yemesa 'ina anuwaya, ga nada toekelesiyao 'idi toanuganao 'alobedi.

Galetia 1:19

Ta Keliso 'ana tosimanao yaudi nigeya yada 'itedi. Nate namo Yemesa, tauna 'ida 'Inapwana nina tasina.

Galetia 2:9

'Enega toanuganao nidi, Yemesa be Pita be Yoni, Yaubada 'ina oboboma 'eguya si'italobena, 'enega sitagwala Banaba be 'abo'agu 'emaya, ga ma'emao 'aenimalotuna. Ona'ai'aila, toekalesiyao nidi sitetoi getedi sieesedi 'adi toanuganao, ta sitetoi nidi sitagwala 'emaya be 'aene 'abo'agu be Banaba 'atatauya taudi nigeya me Yudia 'ediya, ta taudi sitatauya me Yudia namo 'ediya.

Yemesa 1:1

Kagutoki 'omi Yaubada 'ina tomotaiyao susu tuwelo 'ediyega waesugalagalaya sena yauyaudi 'ediya. Gete 'imi leta ya'etoladinawa, Yaubada be 'Inapwana Yesu Keliso 'idi toguinuwa 'abo'agu.

Yude 1:1

'Abo'agu Yesu Keliso 'ina toguinuwa, ta tasigu Yemesa. Gete 'imi leta ya'etoladinawa, 'omi Tamadai Yaubada 'ana esiesinuwao, manuna 'iobobomemi ta Yesu Keliso 'i'ita'i'isimi.