Madiu 1:25 - Loina Tabu Auwauna NT

²⁵ ta nigeya bwalana 'igitogitoo ga 'ana laba 'ienatuna ga Yosepa gwama nina 'ieesena Yesu.

Madiu 1:25 Kruisverwysings

Madiu 1:21

Be ma'etamo natuna me'olotona 'ienatune, be 'ana esana 'ueese Yesu, manuna tauna 'ina tomotaiyao 'idi loegesiyao 'ediyega 'ida 'etoseyedi.”

Madiu 1:24

'Enega Yosepa 'eno'enoega 'itoolo ga anilose nina 'ina ona 'iematamatanena, ga Meli 'iaina,

Luke 1:31

be 'enega 'iabe 'u'euwana be natuyo me'olotona 'uenatune, be 'ana esana 'uda eese Yesu.

Luke 2:21

Ta 'ina wiki ni'atu 'ebweuna 'igumwala, ga gwama nina bwalana sidabena ga sieesena Yesu, nate esana nina nate lowa anilose Meli 'i'ebwa'ena tuta nina 'etamo nigeya 'i'eu'euwana.

Luke 2:7

'enega gwama nina 'oama 'ediyega 'iwaduna ga yobai 'idi 'ebe 'e'ai 'enaya 'isa'una. Manuna anuwa 'owaga ni'atu 'imaa, 'enega nigeya 'ebweu wate mwatui manudi be 'ena silulugu.

Loma 8:29

'Enega yaisigedi 'abo'ada 'ibwauyeda ni'atu 'iona upaupaeda be 'aene natunao, 'abo'ada tuga nadigega Natunana, 'enega tauna 'ada tomatuwa, ta 'abo'ada 'ana pwedeuyao.