Luke 9:44 - Loina Tabu Auwauna NT

⁴⁴ 'igwae, “'Igu ona gete 'iabe yasimane 'emiya wada nuwa'i'ita 'ai'aili, nate Tomota Natuna 'iabe sisipupuye be 'ana talauwalao 'ediya si'e'ebwayae.”

Luke 9:44 Kruisverwysings

Madiu 16:21

Tuta gote 'enaya Yesu 'ie'ale ga 'ina tononoyao 'ie'itedi, 'igwae, “'Ilobwenena be yatatauya Yelusalema be nada 'elouya yaudi yada lobadi, 'inapwanao be totaliyao sinabwadi be loina 'ana toe'itao 'ediyega, be gote 'ena siloemwawasigu, ta 'asiyata 'etonina 'enaya Yaubada 'ida gietoolo limagu.”

Madiu 26:2

'igwae, “Wamwalatonina 'asiyata 'eluwa be Ataona Sagalina taguinuwe, be 'enega 'agu tosipupu 'ida 'ebwayaegu 'agu talauwalao 'ediya, be kelose 'ena sida loemwawasigu, Tomota Natuna 'abo'agu.”

Maki 8:31

Ta wate 'ilolagata be to'ase ma'etamo 'ilobai 'ie'itaena 'ediya, 'igwae, “'Abo'agu Tomota Natuna ma'etamo 'elouya sinabwana yaloba. Manuna 'inapwanao be totaliyao sinabwadi be loina 'ana toe'itao 'iabe sie'idi'idiyegu be siloemwawasigu ta 'asiyata 'etoi mulinaya yada toololimana.”

Maki 9:31

ga 'ina tononoyao 'ie'itedi 'ina mwawasa manuna, 'igwae, “Ma'etamo Tomota Natuna 'ana totelesipupu 'ida 'ebwayae 'ana talauwalao 'ediya be siloemwawasi, be 'asiyata 'etoi muliyega 'ida toololimana.”

Luke 1:66

Ta tomota nidi yaisigedi sinonona sinuwa edaedadamina, 'enega taudimo sienaidedi, sigwae, “Gwama gete mwa'adega 'iabe 'ina guinuwa?” Manuna si'itena Yaubada 'ina waiwai 'enaya 'imiyami.

Luke 18:31

Yesu site tuwelo nidi 'ibwau egogonedi ga 'iailedi ma'alenaya ga 'ieonedi, “Gete tuga tatu'etu'e Yelusalema be yage nina maibo'ana palopitao lowaenei si'etoladina 'abo'agu Tomota Natuna manugu 'iabe siapwesa be wa'itadi.

Luke 2:19

Ta Meli ona nidi maibo'ana 'inuwa'i'isidi ga 'inuwa edaedadama manudi.

Luke 2:51

'Enega ma'enao siila limana Nasaleta ga nada 'idi ona 'iematamatanedi. Ta esi sinana yage gete manudi 'inuwanuwa sinabwana.

Luke 24:44

Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Luke 9:22

'Enega wate 'ieonedi, 'igwae, “'Abo'agu Tomota Natuna be ma'etamo 'elouya sinabwana yaloba. Manuna 'Inapwanao be totaliyao sinabwadi ta wate loina 'ana toe'itao 'iabe sie'idi'idiyegu be siloemwawasigu, ta 'asiyata 'etonina 'enaya Yaubada 'ida gietoolo limagu.”

Yoni 16:31

Ta Yesu 'ieonedi ga 'igwae, “Ni'atu waemisegu, aga?

Yoni 16:4

Yage nidi getedi ni'atu yasimanedi 'emiya, be 'enega tuta nina 'abo siapwesa 'emiya wada nuwa'i'isidi.” Ta wate 'ediya 'igwae, “Yage nidi getedi nigeya lowa yagimigimi simanedi 'emiya, manuna tuta yauyauna 'abo'agu ma'emi.

Yoni 19:11

Ta Yesu 'igwae, “Nigeya 'ebweu wate 'imu loina 'eguya 'imiyami 'abo nigeya Yaubada 'emuya 'itagwatagwala. Ta 'uda mwalatoni 'aene tai nina 'itagwalegu 'imu loina 'enaya, tauna 'ina to'umalina sinabwa wawasae, ta 'oyo tupwana.”

Guinuwa 2:23

Yaubada lowaenei Yesu nina manuna 'iloina, ga to'ase bale'uya 'ida loba Yaubada 'igimi mwalatonina, ta 'omi wasipupuyena, ga 'imi loinega tomota to'umalidi kelose 'enaya siloemwawasina.

Ibeliu 2:1

'Enega 'ilobweneda be ona nidi tanonodiya tanuwa'i'isidi, ta geya'abo tanuwanuwa pupuledi.