Luke 9:11 - Loina Tabu Auwauna NT

¹¹ Ta nigeya sawesawediya, manuna boda ale sinonona, ga wate Yesu nina simuliyena ga simai 'enaya. 'Enega Yesu 'ediya 'itagwala ga Yaubada 'ina loina manuna 'ie'itedi, ta wate 'adi le'oasao 'igie bobo'anedi.

Luke 9:11 Kruisverwysings

Madiu 12:15

Ta 'idi loinakwaiya nina Yesu ni'atu 'imwalatonina, 'enega sena gote 'ipilisinena ga 'itauya mali senaya, ta tomota yaudi simuliyena, ga gote 'ena tole'oasa maibo'adi 'igiebobo'anedi,

Madiu 14:14

Ta tuta nina Yesu wagega 'isuya dabalaya pwalu sinabwana 'i'itedi, ga 'ina nuwa'ole'oleyega tole'oasao 'igiebobo'anedi.

Madiu 21:31

'Enega siteluwa nidi getedi 'ediyega yaita tamana 'ina ona 'imuliyena?” Ta sigwae, “Tomatuwa.” 'Enega Yesu 'ieonedi, 'igwae, “O, ona'ai'aila toto'umalidi taudi takisi 'ana to'ewao be tosogalao wate nadigega sida gimilugu Yaubada 'ina 'ebeloina 'enaya, ta 'omi mulidiyega.

Madiu 21:43

'Enega yaeonami 'aene Yaubada 'ina loina 'emiyega 'ida 'ewayaule, ta 'ida 'ebwaya mali boda 'ediya, be taudi 'ediyega uwana bobo'ana 'ida apwesa.

Luke 1:53

Ta wate tobotana 'ie'enidi ga gamwadi 'ipawa, ta toesaesao maanimenimedimo 'ietune iledi.

Luke 5:31

Ga Yesu 'idi ona nina 'ie'isena, 'igwae, “Taudi bobo'adi geya nuwadi togile'oasa, ta tole'oasa esiya nuwanuwadi togile'oasa.

Luke 8:1

Ga muliyega Yesu 'itoolo ga 'itauya 'asa sinabwadi be gidalidi 'ediya, Yaubada 'ina loina 'ana tetela bobo'ana sabi loguguyaena, ta 'ina tononoyao nidi site tuwelo ma'enao.

Luke 8:10

Ga tauna 'igwae, “'Omi ni'atu Yaubada 'emiya 'itagwala be 'ina loina sola'ai'ailidi 'ana tomwalatoiyao, ta esi tomota yaudi onasemalimali sinono ta 'ana nuwasabwalena nigeya, ta wate 'ana mwalatoi si'ebe'ebese ta geya'abo silobaloba.

Luke 9:10

Ta ni'atu Yesu 'ina toguinuwao nidi 'idi sakowasiyega siilama ga 'idi guinuwa maibo'ana siemwasalina Yesu 'enaya. Ga muliyega 'idi 'inapwana nina 'i'au'ewedi ga ma'enao sitauya 'ebweu 'asa, 'ana esana Beteseida 'enaya, be 'aene taudimo nada sida miyami.

Luke 9:12

Simiyami ga sinala 'isuguwa, ta site tuwelo nidi simai ga Yesu sieonena, sigwae, “'Inapwana, boda getedi 'uda etunedi be siila 'asa selabedaya 'ediya, be nada masula be 'ebe'eno si'ebesa, be 'enega 'ediya sieyawai'ata. Manuna bada sa'i sena mwatui daita.”

Luke 9:2

'Enega 'ietunedi be 'aene Yaubada 'ina etoloina tomotai 'ediya sida loguguyae, ta wate le'oasao sida giebobo'anedi.

Yoni 4:34

Ta Yesu 'iona limana ga 'ediya 'igwae, “'Agu masula nate 'agu Toetune nina 'ina nuwanuwa sabi guinuwedi, be 'ina paisewa sabi losalonina.”

Yoni 6:37

Tomota nidi taudi Tamagu 'i'ebwa'egu ma'etamo 'eguya simama be geya'abo sa'i yae'idi'idiyedi.

Guinuwa 28:31

ta Yaubada 'ina loina manuna 'iloguguyedi ta 'ie'ie'itedi 'Inapwana Yesu Keliso manuna, ta nigeya 'ebweu yaita 'itoo be 'ina loguguya 'i'etobode.

Loma 10:14

Ta ona'ai'aila, tomota nigeya sawesawenaya be 'etoseyana manuna sisisida 'enaya, 'abo nigeya siemiemise. Nigeya siemiemise manuna nigeya 'Inapwana 'ina ona sida nonona. Ta nigeya sinoono manuna nigeya 'idi tologuguyamo.

Loma 10:17

Ta 'eguma Keliso manuna taloguguya, 'iabe tomota 'aidi sinono be siemisa.

Loma 15:3

Manuna Keliso wate nadigega nigeya taunamo manuna 'inuwanuwa, ta esi 'ana mwau nidi ni'atu Buki Tabu 'ena 'isimanena, 'igwae, “Tomotai nidi taudi si'awa'awa to'umaliyemuya, 'abo'agu wate 'eguya ona nidi si'inanedi.”

2 Timoti 4:2

'Amu loina nina gete: Tuta maibo'ana 'uetapewa waiwai be tetelina 'usimane, tuta mwau ta tuta gwausowala 'ediya, be tomota 'ediya 'uloguguya be siemisa, ta wate 'ugiepaludi be 'ugiewaiwaiyedi, ta yage nidi getedi 'ue'ita 'ai'ailidi ma imu 'alama'i'ita.

Ibeliu 4:16

'Enega ma ida 'atepatu talalaga be tasidasida 'ada Toloina nina 'ena, be 'enega 'ida miyamwau 'ediya 'ida 'atenuwa 'ole'oleyeda, be wate 'ilemeda.