Luke 8:48 - Loina Tabu Auwauna NT

⁴⁸ Ta Yesu waine nina 'ieonena, 'igwae, “Natugu, 'imu emisa 'enega ni'atu 'ubobo'ana. 'Utoolo be ma imu gwausowala 'utatauya.”

Luke 8:48 Kruisverwysings

Madiu 12:20

Guna lasalasana geya'abo 'iguiguitoyase. Ta wate wenukwa butabutana geya'abo 'iuleule, ga 'ana laba tauna 'enega loina palupaluna 'iewaiwai,

Madiu 8:13

'Enega Yesu tolosaiya 'adi toanugana nina 'ieonena, “Bobo'ana, 'uila. 'Imu 'ali'ei 'iabe 'ibobo'ana, nadigega 'imu emisa.” Tuta gote 'enaya tole'oasa nina 'ina waiwai 'ilobena.

Madiu 9:2

'Enega 'ebweu tokweno boda si'aalina 'ina 'ebe'eno 'enega ga sime'ena Yesu 'enaya. Boda nidi 'idi emisa Yesu 'imwalatonina ga tokweno nina 'ieonena, 'igwae, “Natugu, 'uda gwausowala, 'imu bubuna to'umalidi 'adi nuwatau ni'atu 'ulobedi.”

Madiu 9:22

Ta Yesu 'isanaila ga waine nina 'i'itena, ta 'igwae, “Kagutoki natugu, 'imu emisa 'enega ni'atu 'ubobo'ana.” Ta tuta gote 'enaya waine nina 'ibobo'ana.

Maki 5:34

Ta Yesu 'igwae, “Natugu, 'imu emisa 'enega 'ubobo'ana. 'Utoolo be ma imu gwausowala 'utatauya. 'Imu le'oasa maibo'ana ni'atu 'igumwala.”

Luke 17:19

'Enega 'imu emisega 'etoseyana 'ulobena. Bobo'ana, 'utoolo be 'utatauya.”

Luke 18:42

Ta Yesu 'igwae, “Gete tuga matayo 'ida 'esasa, manuna ni'atu 'imu emisa 'enega 'ubobo'ana.”

Luke 7:50

Ga Yesu esi waine nina 'ena 'igwae, “'Imu emisa 'enega ni'atu 'etoseyana 'ulobena, 'enega ma imu gwausowala 'utauya.”

Luke 8:47

Ta waine nina 'imwalatonina 'aene Yesu ni'atu 'ina guinuwa 'isinapuna, 'enega 'imai ga ma ina dedela 'ibe'u sanamwa'uta Yesu 'aenaya, ga boda matadiya 'ina gitoona 'alena 'isimana apwesena, 'igwae, “'Inapwana, nuwanuwagu be yabobo'ana, 'enega 'amu 'oama yagitoona, ga yabobo'ana manini.”

Guinuwa 14:9

Ga tolopegoi nina 'imiyatowa, ta Paulo 'ina loguguya 'ienoenonoena. 'Enega Paulo tolopegoi nina 'iduneyena, ga 'imwalatonina 'aene ma ina emisa Yesu 'ena, be sawesawenaya 'ida giebobo'ane,

2 Kolinita 6:18

ta 'eguya wada 'awatamana, be 'omi natugwao me'olotomi ta natugwao mewainemi.’ Gete Yaubada Toewaiwai sana 'ina ona.”

Ibeliu 4:2

Ona'ai'aila, tetela nina 'i'ebwa'eda, taudi wate lowaenei 'i'ebwa'edi, ta tetela nina nigeya 'ilemelemedi, manuna sinononaya ta nigeya siemiemise.