Luke 8:30 - Loina Tabu Auwauna NT

³⁰ 'Enega Yesu tai nina 'ienaidena, 'igwae, “Mwa'adega 'amu esana?” Ga tauna 'igwae, “'Agu esana Tomoyauyau”, manuna yaluyaluwa bi'i yaudi ni'atu silugu solanaya ga simiyami.

Luke 8:30 Kruisverwysings

Madiu 26:53

'Uda mwalatoni 'aene 'abo nuwanuwagu Tamagu 'ena yasisida 'agu lema manuna, 'iabe gete tuga aniloseyao mabodadi tomoyauyau 'ietunedima.

Madiu 4:24

'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Madiu 8:29

Siteluwa nidi Yesu si'itena ga simagana, sigwae, “Ee! 'Oyo Yaubada Natuna, to'ase 'utootoo be 'aene 'uguinuwe 'emaya? 'Aene gete tuga 'umai sabi gie'elouyaema ta muliyega be bwa'omatana?”

Maki 16:9

Wiki 'ana 'asiyata nugana gonagonaya, Yesu 'ina toololimana 'enaya 'igimi apwesa Meli Magidala 'enaya, tauna solanega lowa yaluyaluwa bi'i site sebeni Yesu 'iula apwesedi.

Maki 5:9

Ta Yesu wate 'ienaida yaluyaluwa nina 'ena, 'igwae, “Mwa'adega 'amu esana?” Ga tauna 'igwae, “'Agu esana Tomoyauyau, manuna mabodama tai gete solanaya 'amiyami.”

Luke 8:2

Ta wate 'aina iine ma'ediyao, nate taudi lowa 'ediyega yaluyaluwa bi'i Yesu 'iula apwesedi ta wate 'adi le'oasao 'igie bobo'anedi. Iine nidi nate Meli Magidala, tauna lowa 'enega yaluyaluwa bi'i sebeni Yesu 'iula apwesedi,

Luke 8:29

Ona gete 'i'inanena manuna Yesu ni'atu 'ieonena, 'igwae, “Yaluyaluwa bi'i niyo, tai gete 'enega 'uapwesama.” Ta wada nuwa'i'isi 'aene tai nina lowa tuta yauna yaluyaluwa nina 'igiegie kabaleyae, 'enega sigiyaina ga nimana be 'aena siyoniyonidi malakwa kainumu 'ediyega, ta tuga kainumu nidi 'ilasalasadi ta wate yaluyaluwa nina tai nina 'itauyena sena mwatui daitaya.