Luke 8:29 - Loina Tabu Auwauna NT

²⁹ Ona gete 'i'inanena manuna Yesu ni'atu 'ieonena, 'igwae, “Yaluyaluwa bi'i niyo, tai gete 'enega 'uapwesama.” Ta wada nuwa'i'isi 'aene tai nina lowa tuta yauna yaluyaluwa nina 'igiegie kabaleyae, 'enega sigiyaina ga nimana be 'aena siyoniyonidi malakwa kainumu 'ediyega, ta tuga kainumu nidi 'ilasalasadi ta wate yaluyaluwa nina tai nina 'itauyena sena mwatui daitaya.

Luke 8:29 Kruisverwysings

Maki 5:8

Ona gete 'i'inanena manuna Yesu ni'atu 'ieonena, “Yaluyaluwa bi'i niyo tai gete 'enega 'uapwesama.”

Luke 8:28

'Enega tai nina Yesu 'i'itena, ga 'ibwau ta 'ibe'usana mwa'uta, ga 'ibwautoila, 'igwae, “Yesu ye, 'oyo Yaubada To'ewaiwai sana Natuna, to'ase 'utootoo be 'aene 'uguinuwe 'eguya? Tuwa! Geya'abo 'uda giegie 'elouyaegu.”

Luke 8:30

'Enega Yesu tai nina 'ienaidena, 'igwae, “Mwa'adega 'amu esana?” Ga tauna 'igwae, “'Agu esana Tomoyauyau”, manuna yaluyaluwa bi'i yaudi ni'atu silugu solanaya ga simiyami.

Luke 9:39

Ta tuta yauna 'abo yaluyaluwa bi'i gwama nina 'igiyai, natuguna 'ibwaubwau sinabwana ta 'ana lobwebwai manuna 'itatai ta 'awanega busobuso siapweapwesa. Tuta yauyauna nadigega 'igiegie 'elouyae.

Luke 9:42

Ta ni'atu gwama nina 'imai Yesu 'ena, ga yaluyaluwa bi'i gwama nina 'iula mwa'utena bale'uya ga 'itaiya. 'Enega Yesu 'iloina ga yaluyaluwa nina 'iapwesa ga gwama 'ibobo'ana. Ga muliyega Yesu gwama nina 'i'au'ewena tamana 'ena.