Luke 8:25 - Loina Tabu Auwauna NT

²⁵ Ga Yesu 'ina tononoyao 'ieonedi, 'igwae, “Mwa'adega? Nai nigeya waemiemisegu, aga?” Ta taudi siomayamaya ta wate nuwadi 'iowana, ga taudimo 'ediya sigwae, “To tai sana gete? Ga yagila be lisu 'iloinedi ga 'enana siematamatanena!”

Luke 8:25 Kruisverwysings

Madiu 14:31

Ta Yesu 'ilomanini ga Pita 'igiyaina ta 'igwae, “Toemisa gidaliyo, to'ase manuna 'uenuwanaluwa?”

Madiu 17:20

Ga Yesu 'igwae, “Manuna 'imi emisa nenetana. Yaona'ai'aila 'eguma 'imi emisa 'ana waiwai beno atuna nadigega, ma'etamo 'oya gote 'ena wagwae, ‘Gete 'enega 'umiya dolo’, 'iabe 'ida ematamatana tuga. Nadigega wate yage maibo'ana sawesawemiya be waguinuwedi.”

Madiu 6:30

'Enega wanuwanuwa Yaubada 'ina 'ita'i'ita 'emiya manuna. Tauna pwatula 'ieiyalidi senina bobo'adi 'ediyega; batuwa sisenina ta gibwa'i si'oapelu be sigabudi, ta 'omi pwatula wabobo'ana sinedi, 'enega ona'ai'aila, 'ami 'oamao 'ida 'ebwa'emi. 'Enega geya'abo 'imi emisa Yaubada 'ena 'ineeneta.

Madiu 8:10

'Ina simana gete 'enega Yesu 'igwausowala sinabwana, 'enega 'iasakowasi ga boda nidi simulimuliye 'ieonedi, 'igwae, “Ona'ai'aila, nigeya 'ebweu yaita yalobaloba me Isileli 'emiyega 'ina emisa tai gete nadigega,

Madiu 8:26

Ta 'ieonedi, “To'ase manuna wamatauta? Mwa'adega nigeya 'imi emisamo, aga?” 'Enega 'itoolo ga yagila be lisu 'iba'edi, 'igwae, “Walosa'u!”, ga bwagabwaga maibo'ana 'isiwalowa.

Maki 4:35

'Asuinuwanuwaya Yesu 'ina loguguya wagega 'ilosalonina ga 'ina tononoyao 'ieonedi, 'igwae, “Wageluma be taabala mali esenaya.”

Luke 12:28

'Enega wanuwanuwa Yaubada 'ina 'ita'i'ita 'emiya manuna. Tauna pwatula 'ieiyalidi senina bobo'adi 'ediyega; batuwa sisenina ta gibwa'i si'oapelu be sigabudi, ta 'omi pwatula wabobo'ana sinedi, 'enega ona'ai'aila 'ami 'oamao 'ida 'ebwa'emi. 'Enega geya'abo 'imi emisa Yaubada 'ena 'ineeneta.

Luke 8:24

'Enega tomotai nidi Yesu silowanowanona ga sigwae, “'Inapwana 'utoolo, 'iabe tadadamana!” 'Enega Yesu 'itoolo ga yagila be lisu 'iba'edi, 'igwae, “Walosa'u!” 'Enega silosa'u ga 'isiwalowa.

Luke 8:26

Ta ni'atu Galili mali senaya siabala ga silugu me Gelasine 'idi le'awaya.

Yoni 11:40

Ta Yesu Malida 'ieonena, “Ni'a yasimana 'emuya 'aene 'eguma 'uemisegu, ma'etamo Yaubada 'ina waiwai 'uda 'ita.”