Luke 7:22 - Loina Tabu Auwauna NT

²² 'Enega muliyega siteluwa nidi 'idi enaida Yesu 'ie'isena, 'igwae, “Waila be Yoni 'ena waemwasala yage nidi 'eguyega ni'atu wanonodiya ta wa'itedi, nate: tomatakebokebo matadi ni'atu si'esasediya, tolopegoi ni'atu sibobo'ana ga sitautauya, tolepelo bwaladi sibobo'ana limana, totenatui ni'atu ona sinoono, tomwawasa sitoolo limana, ta wate togomabeso tetela bobo'ana ni'atu sinonona.

Luke 7:22 Kruisverwysings

Madiu 11:5

tomata kebokebo matadi ni'atu si'esasediya, tolopegoi ni'atu sibobo'ana ga sitautauya, tolepelo bwaladi sibobo'ana limana, totenatui ni'atu ona sinoono, tomwawasa sitoolo limana, ta wate togomabeso tetela bobo'ana ni'atu sinonona.

Madiu 21:14

'Enega tomata kebokebo be tolopegoi Yesu 'ena simai Anuwa Tabu solanaya ga maibo'adi 'igiebobo'anedi.

Luke 4:18

“'Inapwana Yaluyaluwana 'eguya 'imiyami. Tauna 'iesinuwegu be togomabeso 'ediya tetela bobo'ana yaguguyae. Ta yoniyonidi wate 'ediya 'ietunegu be 'adi li'ama manuna yada simane. Ta tomatakebokebo wate 'idi 'esasa limana manuna yasimane. Ta wate 'ietunegu be tomiyamwau 'adi talauwalao nimadiyega ya'etoli'amidi.

Luke 7:21

Tuta gete 'enaya Yesu 'etamo tuga tole'oasao 'adi le'oasao, be 'adi muyao, be yaluyaluwa bi'i 'ediyega 'igiegie bobo'anedi, ta wate tomatakebokebo matadi 'igie 'esasedi.

Luke 7:23

'Enega watauya be Yoni waeona be geya'abo manugu 'ienuenuwanaluwa, manuna 'abo yaita 'ina emisa manugu nigeya 'ineeneta, tauna 'ida gwausowala.”

Yoni 1:46

Ga Nataniela Pilipi 'ena 'igwae, “Nasaleta nigeya 'ebweu to'ase bobo'ana 'enega 'ida apwesa.” Ga Pilipi 'igwae, “Tuwa tuga, 'uda mai be tai nina 'uda 'ita.” 'Enega Yesu 'ena simai.

Guinuwa 26:18

Manuna taudi nigeya me Yudia 'ediya yaetuetuneyo, be matadi 'uda gie'esasedi, be guguyoi 'enega sida sanaila maedana 'ena, ta wate Seitani 'ina waiwai 'enega sida apwesama, be Yaubada 'idi to'umalinao 'ida nuwataudi, be sida lugu taudi siemiseguya 'ediya, nate taudi 'eguyega si'esasa 'ediya.’

Guinuwa 8:7

'eguma yaisigedi sile'oasa yaluyaluwa bi'i 'ediyega 'iula apwesedi ma bwaubwaudi, ta wate tokwenoyao be tolopegoiyao 'igiebobo'anedi. 'Enega boda nidi sitagwatagwala leleleya Pilipi 'ina loguguya 'enaya,

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.